لعل في الامر خير

السلام عليكم ورحمة الله وبركاته






هذي الله يسلمكم ويعافيكم سالفه سمعتها من حرمه كبيره في السن تقول انها تعرف راعي

السالفه وهي السالفه هذي من 60 سنه او اكثر من زمان يعني وبصراحه اعجبتني هي

قصيره بس حلوه ومفيده وممتعه <<< اسوي دعايه ههههههههه

قبل ما ندخل في السالفه بقول لكم اني تطورت مثل كل العالم الي تتطور كنت قبل اشرح لكم

الكلمات الغير مفهومه بين قوسين فتدخلون في الشرح وتنسون لب الموضوع <<<<

احلىىىى يا لب الموضوع

ففكرت اني احط رقم عند الكلمه الغير مفهومه وتحت تلقون هوامش تشرح لكم الكلمه

بالتفصيل والنسيج والتغذيه والرسم وكل كليه الاقتصاد بكبرها

ندخل في السالفه

يقول لك الراوي ان كان فيه واحد رجال ساكن في احدى القرى اذا اصابته مصيبه في بيته او

تجارته او اي شي ثاني ما يتحسر عليها ولا يتجزع (1)

وما يقول الا لاحول ولا قوه الا بالله لعل في الامر خيره

واحيانا يفوته موعد مهم او اي شي ثاني نفس الشي ما يقول الا لعل في الامر خيره

فيقولون له الناس وشلون خيره شف وشلون خسرت وهو عادي جدا مبتسم ويقول خيره ان

شاء الله

وجا يوم من الايام طلع هالرجال يبي يسافر للتجاره من قريتهم لقريه ثانيه وما كان عاد عندهم

سيارات كانوا يسافرون على بعير (2) وهم في الطريق

جلسوا يرتاحون شوي وركزوا خيمتهم (3) فراح الرجال

يرتاح في الخيمه شوي فقال واحد منهم تصدقون ان هذا الرجال ما عمره تحسر على شي فقال

ثاني وش رايكم ناخذ البعير حقه و نوزيه (4) عنه

ونقول له ان بعيرك انسرق ونشوف وش بيقول وفعلا راحوا وقالوا له ان بعيرك انسرق فقام

الرجال وقال لعل في الامر خيره فسكتوا هم وما قالوا له انهم يلعبون عليه وناموا ذيك الليله

في الخيمه وفي اليل وهم نايمين جوهم قطاع طرق (5)

وسرقوا كل البعارين (راجعي 2) الي عند الخيمه وقاموا

الصبح وما لقوا بعارينهم اما بعير الرجال فما انسرق معهم لان البعير ما كان معهم وما شافوه

وبعدها قالوا فعلا في الامر خيره للرجال

وتوته توته خلصت الحتوته ان شاء الله تعجبكم وتستفيدون منها


الهوامش :


(1)لا يتحسر ولا يتجزع : يعني لا يندم على شي

ولا يقول ياليت وياليت ولا يفتح عمل الشيطان بكلمه لو .

(2) البعير : حيوان يعيش في الصحراء يشبه

الحصان ولكن لا يقول اهاااااااااء و فوقه شي مثلث يسمى سنام واحيانا يكون عليه سنامين

ويطلق عليه سفينه الصحراء لانه يشبه السفينه في شكله ولكنه يعيش في الصحراء ومن

الاسماء التي التي تطلق على البعير الابل والجمل .

(3) ركزوا خيمتهم : الخيمه عباره عن بيت من

الشعر يستعملها البدو قديما لسهوله تنقلهم بها ورخص ثمنها وسهوله طيها معهم اثناء السفر .

(4) نوزيه : أي نخفيه ووزى الشيء اخفاه عن

اعين الناس .

(5) قطاع الطرق : هم جماعه من اللصوص

يقومون بمهاجمرت المسافرين في الطريق وسرقه كل ما يملكونه من قطيع غنم او اموال او

ابل .


بسم الله علي الرحمن الرحيم اليوم ملونه عسى منيب مصخنه بسم الله علي