متااااابعة , ادخل هالقسم علشان روايات بدورة @
الا وراه يابدورة ماتبيعين رواياتس ؟ هماه رجاء الصانع باعت شخاميطه حقات ايام المتوسطة خخخخ
بيعي هالروايات الرهيبة والمثقفة !!

ياحبي لتس عساي ما اخلى منتس :)

واو بدوره الله يسعدك يارب ويشفيك مما الم فيك اللهم آآآآآآآآآآآآآمين اسأل الله يرجعك لأهلك سالمه غانمه وجميع المغتربات .

ياحبي لكم ياغاليات ...هذاني راجعة لكم ...

أبشركم امي بخير ...دعواتكم لها ياغاليات...

نواعم ناوية ان شالله اطلعها بكتاب ...بحول الله وقوته:)

بس هذي طبعة أولى لها...

امبراتيث ياحبي لك ...
....المشتاقة....مرورك دايم يعطر مواضيعي..

نرجس...اشكرك والله يجزاك كل خير..


امونة...نجمة..هذاني الله لايخليني منكم..

مع اني اغتثيت من موضوع الاخت العراقية الي انقتل اخوها امس حسبنا الله ونعم الوكيل...

الله يصبرها وينظر لأخوها بعين رحمته ويرفعه في درجاته العلى هو وكل شهيد اللهم آمين..


.........

لما تدخلين المسجد ...سبحان الله العظيم هل فعلا فيه شيء عجيب روحاني يملأ الأماكن الطاهرة زي كذا؟؟

يعني...شعور غريب ...شعور ماهو طبيعي بأنك تملكين المكان...كانك جاية لبيتك...

يفترض اني اجي للصلاة من الساعة حدش عشان تلحقين الحلقة اللي يتناقشون فيها عن اي قضية..


بس كل ذيك الأيام اجي متأخرة لأسباب عديدة...النوم على رأسها ...واخزياه بس ..

مرة وقبل حوالي شهر لاوالله موب شهر اقل يمكن ...وكان يوم الجمعة ولحقت الحلقة اللي كانوا يتكلمون فيها عن الارهاب والتشدد وظاهرة المتشددين الاسلاميين في لندن بالذات..

طبعا الاراء اختلفت ...مافي احد طبعا منهم يأيد التشدد او ينظر له انه حاجة حلوة لكن منهم من يقول ان التشدد له دوافعه واللي مافهموها الحكومات ...وان الحكومة البريطانية اخيرا وعقب التفجيرات حقت 7_7 فهموا ان اللامساواة ممكن تسبب اضطرابات..

الحكي طال هنا لأني لغتي ماساعدتني اني اتناقش معهم بدقة...

ومادريت الا تدخل هكاللي عليها عباية سودا....وطخمة وطخة..

ولا والله هي ذيك اللي شفتها في الباص وحسبتها اماراتية...

واطمر اسلم عليها (بالانغليزي من زين الامور :) )...

قلت آر يو إماراتيان؟؟قالت لي نو آيم ساودي (:) ) هههههههههههههه


وااااااااااااااااا



وش احتاج ياناس عشان اعبر عن نفسي...عن فرحتي..عن عن...



آآآآآآآآآه

أول سعودية اشوفها ببرايتن


شي يرفع الرااااااااس...تخيلوا بعبايتها السعودية السودا !!!!

وشيلتها السعودية السودا...

ياناس ان اوش اسوي...



طبعا قحصت من مكاني ومن الحلقة ومن كل شي..

اما بشوف سعودية واقعد معكم ...

ورررررررررر واقعد معاها طق حنك...

وانتي من وين (هيلين كانت تناظرني بعين اليأس تقول لاحول ولاقوة الا بالله اعتبروا يااولي الالباب البنت انهبلت:) )...

طلعت تدرس طب بس جاية تاخذ لغة على حسابها هنا...واااااااااه ياناس...

ياطيبة بلادي واخلاق اهل بلادي...وجمال بلادي ولذة بنات بلادي..


(حشا قومي ارقصي بعد )


ولايهونون اخواتي من كل البلاد العربية والاسلامية طبعا...

ولكن لاتلوموني...


شفت لحمي ودمي...شفت ديرتي...شفت وجه مبتسم ومنور وعباية سودا...


كيف ماتبوني انهبل؟؟

ونقعد ان اوياها نتعارف ونطق حنك ...

ماردنا الا الخطيب يوم قام يخطب قامت هيلين سكتتنا بالقوة كممتنا...

آخر شي من الهبال قمت كتبت لها ايميلي وشويت كلام على ورقة وعطيتها اياه وهي ميتة ضحك علي...


هذا طبعا موب اللي صار الاسبوع هذا ...ولا اللي قبله..اللي قبله...

:)

.............يطبع

هذي عادتنا ما نصبر عن الحكي
حتا لو نكتب
يالله يا بدوره ترا ننتظر
سلام

كملي