انتهى الحفل واعلنوا موظفين المركز (موب مسلمين في الغالب) ان الحفل انتهى ويالله قوموا الله يحفظك نبي نضف المكان عقبكم...

قمنا انا والبنات ونشهلل...


عاد انا مسويتن فيها سنافية واقوم هف هف....وين الحوسة اضفها لكم وانا بنت ابوي...

وهي تجيني عصمت عقب ماطلعنا قالت من بيوديكم؟؟؟

قلنا انا وهيلين بنرجع بالباص...

قالت لالالالا الله لايهينكم...


انا الحين طالعة ورجلي موب موجود بوصلكم معاي على دربي من وين لكم باص هالحزة؟؟

الله يستر عليتسن يابنيّات؟؟

اها بس...


ياطيب عصمت طيباااااااااااه...

وهي تجي وتسلم على الموظفين وتقول لهم (أسسلام أليكم ورهمت الله )


وتطلع وحنا وراها ...وتعشّق سيارتها الحمراء أظن بيجو (والله شي :))


وانا اركب جنبها...

طبعا انا ماتعودت على سيارات الانغليز اللي جايتن دركسونها يمين...ولذلك كود اقعد ساعة لما اشوف احدن ينزل من سيارته افكر هو راكب جنب السواق ولا هو السائق

عاد وانا صار حظي بيتي ابعد من بيت هيلين وركبتها ورا وانا قدام ياسلاااااااااام...


وندقها سالفة من هكاللحظة...اخبرتنا عن نيتها بالحج الله ييسر لها ويتقبل منها آآآآآآآمين...


وقلت لها عن مخاوفي بخصوص اللغة واني مااكتسب اللغة بشكل جيد قالت لي لا...

انتي لغتك ترا اقوى من لغة بعض الانغليز وانتي ترا تستخدمين القواعد احسن منهم!!!!!!!!!!!!!!


قلت شلون يعني ؟؟؟

قالت هم يتكلمون عامي وانتي فصيح...تقريبا ...

بعدين صح انتي عندك اخطاء كثيرة جدا ولكن انتي تتكلمين واجد ولاعندك مشكلة لو ماعرفتي الكلمة تفسرينها بكلمات ثانية وهذا يدل على ثراء لغتك...

قلتها طيب اجل تنصحيني آخذ أي ليفل؟؟؟


قالت خوذي أوبر أنترميديا...فوق المتوسط...

قلت لها انا المعهد اللي رحت له قالوا لي انتي مستواك ادفانس...يعني المستوى النهائي فوق فوق المتوسط...

قالت لا ..ترا احيانا ممكن يضرك هالشيء وممكن يتعاملون معاك على انك اخذتي الأوبر انترميديا وانتهيتي فراح يصعب عليكي الا خوذي ابر انترميديا وخلصيه في اسبوعين او ثلاثة وابدي ادفانس بعدين اختبري آيلتس


مشت فينا السواليف تلو السواليف...قالت لي انها اوغندية وانها جات لبريطانيا من ثلاثين سنة وماكملت تعليمها في اوغندا بسبب النظام السياسي...

وانها درست هنا علوم فيما كان أمنيتها وامنية ابوها تدرس طب...

لكن ماقدرت ....ودرست علوم لمدة مادري كم وتقاعدت قبل سنتين...

وكانوا الاطفال والتلاميذ يحبون كلاسها...رغم انها صارمة بس تعرف كيف توصل المعلومة وتمتعهم فيها..


كان يوم حافل بمعنى الكلمة لما دخلت على ابونا وهو يسألني اجل جيتي ...قلت ايه جابتني عطيت الله عصمت ....


آخ ياعصمت ...لله كم أحبك ...لله.....


يتبع يابنات...

الله يعطيك العافيه متابعين

رغم مرور سنوات طويلة وانا في غربتي

الا اني عندما قرات حروفك عدت لاول الايام التي افتتحت بها مشوار غربتي

حيث الانبهااااااااار
والبحث عن الاحضان الدافئة
وحب المغامرة
و
و
و

اشياء كثيرة مرت علي طوتها صفحات النسيان

لكن حروفك اعادتني سنين وسنين للوراء حيث اكتوبر البارد حينما خرجت من بوابة المطار وقابلتني هبات الخريف البااااااااااردة حينها احتضنت صغيرتي وامتلئت عيوني دمعا وقلت : من هنا نبدا؟؟ واين نلتقي!!


سؤال عابر يالغالية تقولين:

لكن تخيلي نفسك مكان وحدة منهم وشفتي هالمحجبة المبتسمة جاية تحط في يدك قرش وتبتسم في وجهك بمحبة...


^
^
وشلون يشوفون الابتسامة من ورى النقاب واللثمة ؟؟؟

وشلون يشوفون الابتسامة من ورى النقاب واللثمة ؟؟؟




أبد...

ماهيب صعبة ...

يشوفون العرافيط اللي حوالين العيون...:)

بدور أحبك في الله يا اختي
و بارك الله فيك و رزقك ببنوته حلوه ان شاء الله