بدّورة الحلوة :

خل اكمل لكم سالفت المسجد عقب حفلة العيد اللي حضرتها لوحدي ودجيت مالقيت والي يقعد معي ويهرج... تدرون وش ناقص هكالحفلة... شريط طق بس... بس ماظنتي انهم يوافقون لو بجيب لهم شريط ومسجل :) كانت شبيه بعرس سعودي لولا الطق...شلون يصير عرس بدون طق؟؟؟ ماش... المهم رجعت ومرت الايام وجا يوم الجمعة المشهود اللي عقب اللي قلتكم عن قصة البؤساء... تذكرون يوم كنت ابيكم تفزعون لي بمواضيع الحج عشان عصمت... رحت وعطيتها الاوراق وضمتني ذيك الضمة اااااااااه من قلب قلبها... لقد ساعدتيني....كذا قالت لي... وشي يبين في عيونها تقولين انها ودي تاخذني وتحطني بقلبها ... يااااااه ياعصمت... مادريت الا شارمنغ تجي وتقول لي خوذي هالكيسة وتناولني كيسة خضراء قالت : اتز ابريزن...دونت اوبن ات ناو... قلت اما مانيب اوبن ات ... جايبت لي هدية !!!!!!!!!!!!!!!!! وتدرون وش الهدية؟؟؟ سااااااااااري...هننننننننننندي... يااااااااااااااااااااااااااااااااااااه ياشارمنغ!!!!!!!!!!!!!!!!!! مير تذكرررررررررررررررت........ اني يوم الحفلة ذيك قلت لها اني نفسي في ساري............ واني كنت اتمنى لو صممت فستان زواجي بحيث يكون ساري لكن مالقيت تصميم ولاخيّاطة مثل الناس... اثرها حطتها في قلبها وجابت لي .. وليته اي ساري بعددددددددد.... يجنننننننننننننننننن وقماشه فخمممممممممممم... من الفرحة انا انخبلت جاني شي.... ياحبييييييييييييييييييييييييييييييييييييييييييييييييييييييييلها...هالإنسانة... شوفوا اشلون فرحتني ....وحرصت انها تخليني سعيدة يالله من فضلك... انا انخبلت .... منها ماادري كيف اشكرها على هالهدية اللي بس جات على بالها لأني مجرد اني قلت اتمنى لو كان عندي ساري.... ومنها من فرحتي بالساري............. ومنها فرحتي انها بتحج هالسنة ان شالله الله يتقبل منها... واقعد ساعة انصحها على الحج وشلون تنتبه لعمرها وشلون الاوقات الي فيها زحمة واللي مافيها زحمة... ويااااااااااااااااااااه ارجع للبيت وانا اهز راسي :) شاري كاهيه....كرماكهيه... ويجي ابونا عاد وين الغدا موب وقته افاجئه بالساري ....خليه عقب مايتغدى ويروق ...:) وانا من الفرحة ودي انطنط واحط الغداء ويقول تعالي تغدي قلت مالي نفس ...(من الفرحة انسدت نفسي) :) تسني بومبا يوم انه يجيب لتيمون هديته يوم عيد الصداقة الصدوقة...تذكرونها ذيك الحلقة ؟؟؟ كان ينطنط من الحماس وتيمون مكيّخ نايم ... يوم يروح يهبل تيمون ويطيره من جلده عشان يعطيه هديته ياحبيل بومبا تسنه اياي وتسنه حبابتي عاد يوم عين من الله خير ابونا وجبت الشاهي واروح ادخل الغرفة واصك على عمري .... والبس الساري ولبست البلوزة اللي تحته وتتك على صدري (شارمنغ جايبت لي مقاسها !!!!!!!! ماتدري اني عندي مدرعات )....:) قلت مابدهاش البس الساري والفه على صدري بحيث يكون زي البلوزة ومن تحت عاد التنورة حقته... وضبط معاي من اول لبسه تخيلي ولاحتى اضطريت اثبته بدبوس او مشبك مررررررة والله والفه فوق راسي صرت تسني كريشما ولاكاجول بس عاد منين نجيب هكالاجسام وهكالنعومة بنات الذينا... واقوم وانقط بالروج على جبهتي (مادريت انها حقت الهندوس احسبنها اي هندي يلطها.):) عاد مادريت الا شغّل راسي يهز تلقائيا !!!!!!!! من نفسه ماهزيته هو قام يهز من نفسه ... بسم الله الرحممن الرحيم ....:) قلت انا اخاف الهنديات يوم يهزن روسهن انه هالساري يتك على كتوفهن ويضغطها همين تبدا اعصاب الرقبة ترقل يمين شمال....همن يهز الراس.. هذا تفسير علمي صح علي ولاموب صح...؟؟؟ عاد واجي لابونا....واعطيه اياها ...هابيبي كاري هيه... انا فيه هب انتا هيه... انتا مافي هب انا هيه... ويطير عيونه قعد ساعة يضحك علي : وش ذالهبال؟؟؟ منين جايبته ...عساتس ماشريتيه من الهنود المراويح اللي جنبنا؟؟؟ بكممممممممممم (هذا المهم يعني) :) قلت صبر صبر انتا فيه هيه... انا مافي يسري هادا انا هيه ... انا في يجي هدية هيه ...والله مافي يسري أنا هيه.... ويرجهن أشوى وهو يقعد يطالع يطالع.... طب وش المناسبة ؟؟ يمكن سديق انا فيه هب انا هيه... بأدين أنا فيه قول يوم هفلة أنا في يبغى ساري هيه... هيه روه جيب ساري هق أنا هيه... إس مسكل إند إنتا ؟؟؟ لازم انتا يأني سوي مسكل جنجال أسان أي سي؟؟؟ ويرد علي : والله من الهبال اللي معبين هالراس... والله ياكان شي شكلي ..على قولت رجلي هبال هبااااااااال... آخ ياشارمنغ... عاد مفكرة وش ارد لها الهدية ...قال لي جيبيلها جلال صلاة وديرم!!! قلت والله لو انها من عجيزات العزدة ولابريدة ولاالهلالية ولاحريملا ولا وشيقر ؟؟؟:) صاحي انت؟؟ ابي شين غالي غاااااالي... بجيب لها عود؟؟؟ قال تبي تشب به وتسوي به حفلة باربكيو ..وش عوده انتي ووجهتس؟؟ تبي تقول وش ذالمهبولة اللي مهديتن لي خشب... قلت اجل شنطة عطور من العربية للعود...فيها مخلطين او ثلاث وبجيب مخنق لبنيتها ... عاد منين اجيب مخنق يابنات ؟؟؟فيه محلات سعوديين هناك؟؟ شكلي مالي الا اهلي يرسلونه لي بطرد... تساني مالقيته بلندن يعني .... آآآآآه ياشارمنغ... وحدة مؤمنة يالله من فضلك... تقول ان هيلين تجي تعلم بنيتها نص ساعة اسبوعيا العربية وقراءة القرآن حلمها تخيلوا حلللللللللمها ان بيتها تكون في ويم من الايام (حفيظة أو عليمة) يعني حافظة للقرآن أو عالمة بالدين ... تقول الحلم اللي انحرمت منه ودي بنيتي تحققه لي.... !!!!!!!!!!!!!!!!!!!!!!!!!!! آه وبس...لاتعليق...!! ياحنينها بنيتها (مريم) شقية ودلوعة ماغير في حضن امها وهي حرمة في اول ابتدائي ... بس لأنها ماجابت غيرها صايرتن دلوعة ياحنيييييييينها وكل ماشافتني اقول تعالي ضميني وتعيي الدلوعة ... ياااااااااااااااه ياهكالعالم النقي... العالم اللي مافي لاحقد ولابغضاء... ومافي اي شي مثل الايمان...والحب...والإخاء في الله... اللهم اجمعنا جميعا جمع الجنة...اللهم آمين ....ياكرييييييييييييم...

خل اكمل لكم سالفت المسجد عقب حفلة العيد اللي حضرتها لوحدي ودجيت مالقيت والي يقعد معي...