ومروركـ أروع .. ياروعة بكل شئ ...
الله يسعدكـ , ويرزقكـ بالزوج الهين اللين..............الخ ..
وتستفيدين من موضوعي وتدعين لي ...
نبدا الان بالجزء الاخير وهو عباره عن ثقافه عامه ...
الدينيه ..
1.. احرصي على صلاتك مع ربك كل الحرص ولا تقطعين الله فيقطعك وعودي زوجك على الصلاه في المسجد اذا كان متهاون فيها ومن البدايه اذكري له ان هالشي مهم جدا في حياتك.
2.. لا تقطعين الصدقه مع كل راتب او مصروف قدمي جزء بسيط للفقراء .
3.. حاولي تصومين الاثنين والخميس بعد استأذان الزوج ..
4.. اخر الليل قومي من النوم لو قبل صلاه الفجر بربع ساعه وصلي الشفع والوتر وادعيييييييي باللي تبين وخلي هالوقت موعد دائم مع ربك وتشوفين الراحه بعينك.
5.. خلي لسانك رطب بذكر الله .
6.. حاولي قبل النوم تسوون انتي وزوجك حلقه ذكر وراح تحفكم الملائكه وتنزل عليكم رحمه من الله واذا ما يبي قولي خلاص انت تسدح وانت امسكي كتاب واقري بس يكون من الكتب الشيقه في البدايه عشان ينجذب للدين اكثر ( مثل الكتب اللي توصف الجنه او قصص الانبياء )
7.. داومي على قراءه القران.
الاجتماعيه .
حاولي تكون علاقتك الاجتماعيه ممتازه مع الكل وخاصه مع اهل الزوج
• حاولي البر والاحسان لوالديه اللي هم بانفسهم زوجووه لك وخلي ببالك انهم اكبر منك ولو غلطو عليك مرري واحتسبي الاجر
• حاولي تحفظين ام زوجك سور من القران او اقراي عليها كتب مفيده . واذا هي لسه صغيره بالعمر وتهتم باشياء معينه شاركيها اهتماماتها
• بين فتره وفتره اعزميهم عندك بالبيت واكرميهم
• بين فتره وفتره طلعوهم رحله بريه او شاليهات وغيره
• فاجئيهم أي ليله بحفله شواء حتى لو كان ببيتهم بس جهزي الاغراض اللازمه
• عند نجاح او خطبه احد من خوات زوجك سووي لها حفله بسيطه في بيتك
• اذا جاء اطفال حببيهم لجدانهم مو تحببينهم لاهلك وتكرهينهم في اهل زوجك ولا تنسين انه بيوم راح يجيك ولد ويكبر وتزوجينه ترضين يبعد عنك ؟
• مع كل ما ذكرت خليك رسميه نوعا ما لا افراط ولا تفريط عشان ما تندمين بالحالتين
ثقافيه
حاولي تقرين في جميع المجالات وتثقفين نفسك لانك راح تصيرين ام المستقبل وفي المقابل حتى لو كانت ثقافتك عاليه تجنبي الغرور اللي يخرب كل شي ويمكن يسبب كراهيه زوجك فيك .
جنسيه
بالمختصر لازم تكون عندك ثقافه جنسيه وتعرفين الرجال وش يبي وهذي الثقافه تستمدينها من الكتب الموثوقه ونساء موثوقات
وراح انزل بعد ما انتهي من هالموضوع موضوع في قسم العنايه بالبشره او الحياه الطبيعيه موضوع مره يهم الجميع المتزوجات والبنات ..
اقتصاديه
لا تعودين زوجك على البخل او التبذير فخير الامور اوسطها
حاولي تدخرين من راتبك او مصروفك يمكن يجي عليكم يوم تحتاجون فيه فينفعكم هالمبلغ
اجتهدي في كفاله يتيم ترى كلها 100ريال في الشهر وتضمنين مكانك مع الرسول باذن الله في الجنه
اذا عنك راس مال حاولي تسوين مشروع خاص فيك ولو كان بسيط
الصحه والجمال
مو خلاص زواج وحمل وولاده ينسونك نفسك لا حافظي على نظام غذائي صحي
وسوي لنفسك جدول عناية بجسمك وشعرك وبشرتك وحاسبي نفسك عند التقصير
الاطفال:04:
ثقفي نفسك من الان في كيفيه التعامل الصحيح مع الاطفال وفهم نفسياتهم والتعامل السليم مع مشاكلهم المتعدده وتعليمهم منذ الصغر الاسلام ورسخيه في نفوسهم
وقت الفراغ
راح يجيك وقت فراغ كبير لا تشغلينه بالاغاني والحش
اشغلي نفسك باشياء مفيده
مثل
.. التغيير من ترتيب البيت بشكل بسيط وممكن تشغلين شريط اثناء الترتيب
.. تسوين كيكه تاكلونها فيما بعد
.. تسوين اعمال فنيه والمنتدى مليان افكار
.. تسوين مطويات وتودينها دور تحفيظ قران
.. حفظ القران
.. تعلم اللغه الانجليزيه
.. قراءه كتب وانصحكم بكتاب لا تحزن لعايض القرني
وفيه الف طريقه وطريقه بس لا تستسلمين للفراغ والافكار...
وصلنا الان الى كيفيه تعاملك مع زوجك
طبعا هذا بحد ذاته يبي له موضوع كامل ويالله يكفي بس انا ابي اعطيكم فقط الزبده
حتى تسهل قرأته وفهمه وبالتالي تطبيقه
اولا.. الزواج مو حرب والشاطر يربح لا هي موده ورحمه .
ثانيا ..مهما سويتي لزوجك ما راح تو فينه حقه قال الرسول صلى الله عليه وسلم بما معناه ( لو امرت احد ان يسجد لغير الله لامرت المرأة ان تسجد لزوجها ).
ثالثا.. اذا تبين فعلا التعامل السليم اقراي الكثير من قصص الصحابيات وما فيها من العبر واقراي قصص نساء التاريخ حتى تستفيدي من كيدهن ودهائهن.
رابعا .. ادعي دائما وابدا وتصدقي.
خامسا .. اهتمي بنفسك وبشياكتك بالبيت اكثر منه خارج البيت ولا مانع بان تفاجئيه بفستان سهره وتسريحه(يعني ما يشوف فيك الا اللي يسره) .
سادسا.. خليك مثل الورده ريحتك دايم عطور حتى شعرك وكل جسمك حتى اذا قمت من النوم مفروض ريحتك دايم عطره والنظافه قبل العطر .
سابعا.. الثقل صنعه .. ليه الرجل في ايام الملكه ينجذب لزوجته وبعد الزواج يقل تدريجيا لانها بدات تتفتح امامه الى ان ما يبقى فيك شي يجذبه لذلك خلي فيك شويه غموض ومو كل شي لازم يعرفه ورايك بكل شي لازم تقولينه وبكذا يحس انه يبي يفتحك اكثر وتصيرين (بشخصيتك )جذابه اكثروكل ما حاول يفتحك شوي بقي لك شويه رصيد من الغموض ..
ثامنا.. الصبر .. لابد يكون فيه اشياء ما تعجبك سواء بشكله بتصرفاته بشغله ........الخ ما فيه احد كامل اصبري واحتسبي والصبر مفتاح الفرج.
تاسعا.. احفظيه في ماله وعرضه وكل شي .
عاشرا.. حاولي تتعلمين فنون استقبال الزوج ( شكل حلو +ريحه حلوه + ابتسامه + بوسه اوضمه +عصير في ايام الحر ومشروب ساخن في ايام البرد ).
الحادي عشر ..اذا مرض تخيليه طفل صغير وعامليه زي الطفل وفري الراحه والهدوء ودلعيه زي الطفل حتى الاكل انتي اكليه وافصلي اسلاك التليفون وخليك معاه.
الثاني عشر.. الفرح اذا صار له شي يفرحه سواء ترقيه او غيره افرحي لفرحه وممكن تسوين له حفله مع هديه.
الثالث عشر.. تفنني بطرق تقديم الاكل وبلبسك واضافاتك لمنزلك.
الرابع عشر .. لا تنسين التغيير من الروتين وذالك ببعض الافكار واقامه ليالي رومنسيه بس لا تقربين بين اوقاتها فيصيبكم الملل
وهذا الرابط راح يفيدكم بس تابعو الصفحات حتى النهايه
http://forum.hawaaworld.com/showthre...page=3 &pp=10
الخامس عشر .. تعلمي الدلع والسنع وهذا له فنون بصراحه فيه موضوع رووووووووووعه بس ما عندي الرابط هو للاخت حواء الكون بعنوان (لحياه زوجيه اسعد كوني انثى)
وكله افكار عمليه وخطيره .. لازم تبحثون عنه وتشوفونه لااااااازم.
السادس عشر .. فيه كتاب مفييييييد انصحكم تقرونه اسمه (الرجال من المريخ والنساء من الزهره) الزبده ان تفكير الرجال والنساء كل واحد بوادي وكأنهم من كوكبين مختلفين وفيها تفهمين نفسيه الرجل اللي تختلف عن نفسياتنا
مثلا ..المراه اذا صار لها مشكله تحب تفضفض اما الرجل على العكس يحب يجلس لحاله فلا تحاولين تعرفين وش سبب زعله وتلاحقينه خليه الى ان يهدأ
وفيه ان ارجل مثل خيط مطاطي (امسكي خيط مطاطي وثبتيه من طرف واحد باصبعك والطرف الثاني مطيه وابعديه وشوي شوي )
كذا الرجال زي المطاط يحسون بالملل فيبعدون شوي شوي الى ان يوصل حده فيرجع لك بشوووووووق كبير فاذا لاحظتي بدايه بعده عنك انتي بعد ابعدي عشان بسرعه يرجع لك
لكن كل ما حاول يبعد وانتي تقربتي وسحبتيه لك بيحاول يرجع مره ثانيه يبعد فانت اختصري الوقت وابعدي عنه بهدووء وهو بنفسه راح يرجع لك .
السابع عشر .. ( العتاب والغيره ) كل منهم حلو بس اذا زادو عن حدهم تسبب خراب بيوت اصبري وابعدي عنك الشكوك ولا تخلين عندك وقت فراغ ..
وبالتوفيق لكل عرووووس
الصفحة الأخيرة
الله يسعدك