لعيونكم الحلوة هذي أسرار مراجعتي لطبيب الجلدية لتوحيد لون البشرة!

بسم الله الرحمن الرحيم
السلام عليكم و رحمة الله و بركاته
اشلونكم ، اشتقت لكم حيل

يالغاليات بحط لكم تفاصيل زيارتي لطبيب الجلدية اللي غيرت بشرني 180 درجة ( ما شاء الله و لا قوة إلا بالله )
بحكم بيئتنا بالخليج أغلب بشراتنا تكون فيها كلف و حبوب من الشمس ، جربت أغلب الكريمات اللي بالصيدلية بعضها فادني ، لكن ما عالج لي بشرتي جذريا ، قلت أروح طبيب جلدية فاهم و شاطر أفضل لي

أول مقابلة لي مع الدكتور قال لي إنه الوجه يعكس صحة الإنسان و حالته النفسية
يعني أي شي أو مرض لا سمح الله يصيب الجسم بينعكس عالبشرة
فالتركيز الأساسي يكون على 4 أشياء : التغذية السليمة ، المحافظة على الوزن ، ضبط الهرمونات و انتظام الدورة الشهرية ، النفسية .
أكد لي الدكتور على أهمية شرب الماي و أكل الفواكه و الخضروات

علاج البشرة كان كالتالي

أول خطوة معالجة الحبوب :
وصف لي كريمين 1/ zineryt lotion صباحا
2/nadoxin cream مساء

و عطاني صابونة سيتافيل ( مع إنه بشرتي مختلطة )
وكريم الحماية لويس ويدمر sunblock louis widmer

ثاني خطوة جلسات توحيد لون البشرة:
الجلسات هذي ما راح اتبيضج أو تعطيج لون مو لونج ، راح اتشيل الكلف و التصبغات و اترد بشرتج نضرة نفس ما كانت
الجلسات اتسويها أخصائية البشرة ، عبارة عن تقشير أحماض الفواكه ، بخار للوجه و تحط لج كريمات و ماسك من ماركة tegoder
tegoder whitening japonica kit ، و آخر شي ترطيب للوجه بماي معالج ( ترش ماي عالبشرة من جهاز صغير )

مع الجلسات الدكتور عطاني كريمات رهيبة ماركة anubis تستخدم لمدة 3 شهور عشان تبين النتيجة
كريم النهار كريم الذهب (effectivity gold )
كريم اليل ( whitening emulsion )

كريم للعيون ماركة فيتشي vichy( للهالات و الخطوط الرفيعة )aqualia eye roll-on
و كريم ملطف للبشرة المتهيجة complex cu3 lotion

و الحمدلله النتائج ممتازة
صحيح يا بنات الكريمات و الجلسات تكلف الكثير لكنه تحت إشراف طبي ، و ما يغلى في سبيل جمال بشرتي ، و نفس ما أقول دايما بمواضيعي الاستمرار الاستمرار و النتايج باذن الله مبهرة .

تحياتي لكم