فتاة سورية :

اختي الحبيبة ام معاذ وجهاد كم افكر في هذا الموضوع ويحز في قلبي كثيرا عندما اشاهد اطفال العرب يتحدثون مع بعض بالانجليزي بصراحة دمي بفور وبيغلي وما فيني اسكت على طول عند امهاتهم اكلمهم وانا نبهت الاخوات باحد المواضيع على هالنقطة ......اعتقد اهم سبب تركهم بتحدثوا بالانجليزي بالبيت .......لان الاطفال من دخولهم المدرسة ببلشوا شوي شوي يستصعبوا اللغة الاساسية لقلة المتحدثين فيها يعني حتى لو الاب والام بيحكوا فيها لكن كل مكان بيذهبوا اليه الناس بيحكوا بالانجليزي واذا ما عندهم دش عربي فاكيد طول الوقت مشغلين على الانجليزي فبتصير اسهل عليهم ومن اول ما بيبدا الولد يحكي انجليزي لازم الاهل ينتبهوا لان اذا تركوه رح ينسى العربي اما اذا ضلوا وراه فباذن الله بيمشي الحال اعتقد كمان من كثر ما قرات عن هالموضوع ان المشكلة متل ما ذكرت الولد بيستثقل العربي فبصير يحكي انجليزي احيانا الام بتقول له قول بالعربي بحاول وما بيعرف فبتخاف الام ان الولد يبطل يحكي لها شو كان بده يقول او بتكون مستعجلة مو فاضية تستناه يجمع الكلام ويتذكره بالعربي فبتتساهل معه ومرة على مرة بتلاقي الولد قلب انجليزي يعني براي الحق اولا واخيرا على الام المسكينة الي فوق كل المتاعب والمشاغل الي عندها بدها تنتبه على هالموضوع لانها بغربة والله يكون بعونها شي تاني وهو بصير عندي بس لاني والحمد لله شديدة بها الموضوع ما بخاف منه وهو الاب احيانا ليختبر مدى تعلم الاولاد للانجليزي بيحكي معهم بالانجليزي وانا اول ما بسمعه بترك كل شي بايدي وبضل واقفه معه وما بخلي المحاورة تطول كثير ومعظم الاحيان برجع بعيد الكلام الي انحكى وبقوله بالعربي على السريع لكن في كثير عائلات بسمع تذمر الام من ان الاب ما فاضي ولا عنده طولة بال يفهم اولاده شو بده بالعربي فالاريح له يحكيهم انجليزي ويخلص الحقيقة انا شفت كثير حالات بعضها عن جد بنبسط بشوفتها مثل صاحبتي بسبرينغ فيلد انولدت هون وعايشة طول عمرها هون ولو تشوفيها ما بتصدقي لانها ما شاء الله بتحكي سوري اصلي ...احسن مني حتى " بس عندها مشكلة بالفصحى" وبتلاقي حالات تدمي القلب متل مرة كان زوجي عند ناس وكان زايرهم امام مسجد ومدير المدرسة الاسلامية بهذيك المنطقة واذا به يحدث اولاده ويحدثوه بالانجليزي .... بصراحة لما حكى لي ما كان عندي اولاد لسا ولذلك من وقتها عقدت العزم على ان ما اسمح لها الشي يصير معي الان مانعة الانجليزي تماما بالبيت وصار الكل فهمان هالموضوع واذا حدا سمع التاني عم يحكي انجليزي بيجي بيشكيني ......ومرة كانت بنتي عم تحكي معي ومن ضمن الجملة قالت : لما انتي start going to home فقلت لها شو قلتي فقالت لما انتي stsrt goinog to البيت ....فقلت لها اي لما كنت بدي ارجع على البيت وركزت على بدي ارجع لانه الكلمة الي حسيتها ما عرفت تقولها يعني الموضوع بده مراقبة ومتابعة من البداية وكل ما اتاخرت الموضوع كل ما صار اصعب واصعب انا الحمد لله متل ما ذكرت ماعندي هالمشكلة بالعربي بشكل عام ....انا الي مضايقني مشكلتين اول شي مع ان اولادي بيحكيوا سوري بس عندهم لكنة غريبة وهي ان بيفتحوا اخر الكلام مثل ايا ...حبيبيا ...بيبيا ...كل شي اخرته مفتوح عندهم وحتى بالانجليزي شكونا مدرساتهم من هالموضوع بيقولوا توا وثريا على الارقام وكل شي وهاي الي ما عم اعرف ابطلها لهم والشغلة التانية هي العربي الفصحى مشكلتها مشكلة اذكر نحن باعماهرم كنا نشوف الكرتون ونفهم فيه كل كلمة وكل حرف هلا احيانا اذا على التلفزيون طالع شي كرتون بالفصحى بناديهم بيجلسوا ما بيفهموا ولا شي مرة قال لهم ابوهم اذا ما فهمتوا شي اسالوني فصاروا يسالوه على كل كلمة ومو بس هيك يسمعوها غلط ويسالونا عن كلمة غلط وتعي لمين ما تفهمي شو قصدهم ...حتى بالاخير قال لهم اسالوا ماما ما قدرت اصبر عليهم يمكن لاكثر من ثلاث كلمات ومع ذلك خليتهم يجلسوا ويتفرجوا وصرت انبه على شغلات بسيطة مثل مثلا اذا واحد قالي هيا بنا ومشيوا بقول لهم شفتي هيا بنا يعني يلا نمشي وهيك شي بس بضل الفصحى مشكلتها مشكلة ياريت لو لاقي لها الحل كنت اجلس معهم واقرا لهم قصص بالفصحى بس تاني يوم ينسوا كل شي قرأوه ....نحن عم نقول خايفين ينسوا العربي لقلة الي بيحكوا فيه فما بالكم بالفصحى الي ناااااااااااااادرا ما يسمعوا احد عم يحكي فيها الله يكون بالعون

اختي الحبيبة ام معاذ وجهاد كم افكر في هذا الموضوع ويحز في قلبي كثيرا عندما اشاهد اطفال العرب...

lolia :

كلامكم مظبوط الله يعينني بس يكبرو ولادي

كلامكم مظبوط الله يعينني بس يكبرو ولادي