يالله

تصبحي على خير زهورة

تلاقي الخير،،،

اول اشي يوشه هاد انا جربته الصبح بتلاقي الماده اللي حطيتيها على السن مسكره حلقك زي الجبصين ما رح تعرفي تنامي منه اصلا انتي شوفي هاد انا جربته قوي كثير اسبوعين بكونو سنانك ما شاء الله بس بدك تسكري ثمك عن السوالف ابو نص ساعه خخخخخخخ بتقدري انا كنت اسويها لما ينام جوزي لانه وهو معي بقدرش اسكت خخخخخ http://www.whitestrips.com/en_US/home.jsp
وبالنسبه لسعره هون في امريكا 10 دنانير و70 قرش واذا انتي شايفه انو بستحق المبلغ المطلوب فانت حره مع ان المنتج مش جديد دوري عليه بالاردن بالصيدليات الاماتلاقيه هاد سعر مش اللي بالرابط لأ سعر المنتج اللي شفتيه كرست نايت افكت
بالزبط انا استخدمت هاي موديلها اقدم من اللي فوق بس نفس المنتج يعني هاد فيه اقل عدد والعلبه شكلها اقدم بس المنتج هو هو
سعره 17 دينار و80 قرش يعني انا بحولك من دلار لاردني وانتي احكمي بستاهل قديش شحن


نوني انتيمتلي انا اول ما اصحى من النوم تلقائي عالثلاجه بوقف بباب الثلاجه ابو نص ساعه والسبب اني بعدني مش صاحيه اصلا بكون مش عارفه مين انا وليش انا هون وشوبدي بس خلص حافضه الدرس بصحى من النوم وبفتح الثلاجه ههههههه
بالاخر باكل سيريال طبعا افطاري المفضل هون باميركا بالبلاد كنت افطر شندويشة لبنه

وصح بس اولد رح اهريكو سوالف بالدايت وشو اكلت وشو ما اكلت وببلش اولول الحقوني نزلت مانزلت هههههه هسا مريحه راسي شوي

زهوره انت شو بتشتغلي بالزبط ولا مره سالتك
الخلطه انا لقيتها مبارح وانا ابحبش بالمشاركات الجديده
هي عباره عن قشر 3 موزات وبطاطه بقشرها مسلوقه وكوب حليب ونص ليمون صفره بقشها وبالخلاط بتصير كريم لونه بني اول شي بتعملي مساج لوين مابدك وجهك ايديكي جسمك وبعدين بتحكيها ماسك نص ساعه او تاتنشف جربتها مش بطاله المفروض بتبيض وبتغذي وبتبهج يعني عاد انا لقيت الاشياء متوفره قمت خلطتها ولطيت حالي واللي بسمعني بحط مبيضات على اسناني وعلى وجهي بقول المره قشره يعني بتقرف بس مسير الحي عالحي يتلاقى خخخخخخخ

نوني وزهوره بنا انكن مش متجوزات ولاعنكن واع ولا ويع فما مدى اهتمامكن بالخلطات وبالجسم بشكل عام

انا لما كنت بنته كنت ما اخلي خلطه اخترع لحالي امي كمان عندها نفس الاهتمام واخواني الشباب بتسدقو عدس وحليب بيض وليمون وطين البحر الميت بندورهوحليب الموجود وللجسم كلكل نشا بليمون مره وحده وانا بالساونا قبل ما افوت عالستيم دهنت حالي بنشا وليمون سالتني شو هاض بدها تضحك ومابدها :hahaha: المهم قلتلها نشا وليمون والا بتقولي بدي احكي ليش جسمك هيك
انا عاد ساعتها لاحضت انو فيهيك وفي غير هيك اللي هو لون واحد ووطن واحد

وبالاخر كلهاي الاشياء مفيده ولو على المدى البعيد للي عندها وقت وطولت بال انا عندي هسا طولت بال بس قربن يخلصن

السلام عليكم ورحمة الله..

كيفكم يا صبايا..مشتاقتلكم وحدة وحدة بدون ذكر أسماء..

عارفة حالي بغيب كتير هالأيام بس مش عارفة مالي حاط علي كسل خيالي..
بصحى الصبح يمكن عال11وما عندي مانع أرجع أنام لل2 بس لولا ابني الصغير اللي إله غيار وأكل ولا كان ما بقوم:(

طبعا ما وحدة تحطني بذمتها وتقول(حامل)قبل كم يوم شفت وحدة كاتبة "بجوز أميرة النجوم حامل عشان هيك مش مبينة"
طبعا اللي من ربنا نعمة.. ولو حملت بنط على طول بحكيلكن.. بس القصة وما فيها إنو إبني عم بيطلع نياب.. طلعولي قرون براسي.. سخونة ونكد........مع الجل تبع تخدير اللثة الله بيعين..

مهى.. لوسمحتي ممكن سؤال.. صرتي مستشارناالطبي:42: وربنا لا يحرمنا من خبرتك كأم كمان.. تعلمت منك كتير والله بتربية الأولاد.. ولا يهونو الباقيات.. المهم نيجي للسؤال..

هل يؤثر الجل المستخدم للرضع لتخفيف ألم التسنين في سرعة ظهور الأسنان؟؟

لأن إبني بدأ يحك لثته عال 5 شهور واستخدمتله الجل عال7.. وبعد شهرين خفت لما ناس قالو قدامي إنه بيأخر التسنين!!:eek:

بطلت أستعمله والمسكين يعضعض باللهاية..وما طلعو سنانه إلا عالسنة وشهر!!
بس هلأ مضطرة أستعمله لأنه كتير بيتعب من سنانه لما يشقو..

أنا الموضوع اللي حكيتو فيه(موانع الحمل)مجربته والحمدلله ربنا ميسر أمره معي استعملت اللولب
بنصيحة دكتورتي.. قالتلي عادي حتى لو بكرية مافي مشكلة.. المهم النظافة الشخصية والعناية الفائقة والمداراة.. خاصة أول شهر بتركبيه.. يعني ما تحملي شي ثقيل.. وبلاش حركات عنف.. :arb: والنظافة زي ما حكينا..عشان نضمن إذا ربنا راد الخلو من الإلتهابات لأنها بتسبب مضاعفات قد تصل إلى القرحة في الرحم..ربنا يبعدنا ويبعدكم عنها..

وبالنسبة للحركات العنيفة وحمل أشياء ثقيلة.. لازم ننتبه عشان الأخ (لولو) ما يسحل ويتحرك..
بس شئ طبيعي أول ما تركبيه ممكن يصير معك(غالبا) ألم في أسفل الظهر وكورس الدوا بتاخديه يوم ما بتركبيه إحتياط وربنا لا يعيزكم إله..

أنا حطيته بعد ما كمل إبني 3 شهور يعني هلأ صاؤلي سنة .. والحمدلله بفضل الله مرتاحة عليه كتير.. وما بفوت أبدا.. أبدا زيارات الدكتورة..أول 3 شهور مرة بالشهر وبعدين.. مرة كل 3 أشهر..وسبحانك يا رب لك الحمد..

أنا حطيته زي ما قالو البعض منكم.. تنظيم.. وإذا ربنا أحيانا ناوية عال سنتين أشيله ومتى ما ربي كتب حمل بعدها نعمة كريم.. لأنه إبني بيكون صار أخف .. وان شاء الله بيكون نضف.. وكمل أسنان وبيمشي زي الأسد.. يا رب يصير تعبه أخف لأني بس أحمل بكون جنازة وبتمشي..

هلأ رد مفصل ..

قال يعني كل اللي راح موجز..:hahaha:

المهم..

إيمان يختي.. ربنا ينتعك بالسلامة على قولة المصاروة ويخفف عنك ويهدي بالك وتولدك دكتورة..يا رب

نا بلسية كمان مع إنها حتحرمنا طلتها عشان إجاها أبو الشباب.. بس يلا وصلولها سلامي والله يطمنا عليها كمان.. وعن جد حكاية الراس عالي هاي تهبيل!! مع الطلق ربنا بييسر وبعدين المهم يكون الراس لتحت الله يخفف عنك يا نابلسية وتشوفي إبنك على خير..

ونوني كمان .. تقومي بالسلامة يختي.. والله موسم عن جد.. بس ولا وحدة بالسعودية قريبة مني!! زمااااااااان ما شربت قرفة..

عنودة.. ما عليكي شر يا قمر.. ولك لتكوني بتدللي وهادا بس عذر عشان تلتهي بالعريس!!:30:

إن شاء الله يكون هيك لأنا ما بنحب نسمع حدا منكم مريض أو لا سمح الله متدايق..وربنا يهنيكي ويتمملك على خير.

زهورة الأمورة.. شو حكاية الطابعات والميكانيك يختي.. شكلنا طلعنا نفس الهواية:42: !!

:icon28: :icon28: :icon28:
noonoo22 مبرووووووووك يا حلو وعقبال منشوفك عروس.. ونتحلى يوم الشهادة يا رب..

عن جد يومها شعور لا يوصف غير تاتجربيه..

فلسطين.. كيفك وكيف الولاد.. لسة مزعبرين؟؟ الله يحميهم ويخليهم

أم منى المختارة... شكلها يا بنات بتحضر بكأس العالم LIVE عشان هيك بتغيب شوي هالأيام:42:

usha كيف الأوضاع معك.. قصدي عالعرايس.. مش تلاقي عروس وما تقوليلنا بناكلك.. بدنا نتحلى..

ولكو أبصر مالي .. فاتحة بطني عهالصبح.. كل وحدة بقلها بدنا نتحلى!! :10_8_9:


مهى.. ما في حواليكي مناسبة نتحلى منك كمان..:42: .. يا رب دايما عامرة بالأفراح..

canada2004 كيفك يا قرابة..(مش طلعنا زمل بضم الزين (سابقا)) وكيف جنى الله يخليلك إياها طالعة معدلة لأمها.. لونها أصغر كان أخذتها لأبني:hahaha:

دموعة.. مش مسافرة السنة ؟؟ إذا مسافرة متى؟؟

Lovely &DaaanDooon وين هالغيبة ؟؟ عسى المانع خير يا رب..

هديل أم أنس يا بنات مشغولة بترحل على عجمان الله يوفقها ويعينها..

يا رب ما أكون نسيت حدا..

يييييييييييييييييييييييييييي صح..

أميرتي لين.. والله سهواً

كيفك حبيبتي.. من يوم ما انضميتي متحمسة ما شاء الله يا رب على طول..

هيك بيكون اكتمل النصاب أتوقع..

قولولي قومي بكفي بربة ولعي.. عندي شطف ولازم أخلص قبل ما الفصعون حبيبي يصحى.. بيحمل القشاطة وبيسعدني... قصدي بيساعدني.. بخاف يزحلق وبحبسه باليارد.. بصير يرمي ألعابه بالمي.. يعني الحالتين.. تحفة!!

يلا أودعناكم.. وإلى لقاء آخر إن شاء الله