بالنسبة لي، إذا كانت المشكلة مع صديقة أول حاجة بعملها إني أحصر المشكلة بيني و بينها فقط و ما أدخل طرف تالت بالموضوع و لا حتى إن أخبر حد و لا حتى تلميح إنه في مشكلة.
بعدها بحاول آخد فترة مع نفسي حتى أحلل المشكلة و في نفس الوقت بتجنب إني أحكي معها لأني ممكن أكون معصبة و ما بدي علاقتي تسوء فيها،، و بعد ما ارتاح و أهدى بتصل فيها و بنصارح بعض و بنتصالح،،
نفس الطريقة بتبعها مع المقربين،،،أما إذا كان في مشكلة عويصة مثل تجريح بالأخلاق و العرض و ما شابه، فأكيد لازم ندخل الأهل بالموضوع لأنه حلها رح يكون عشائريا أو وديا و التصرف لحالي ما بفيد لأنه الأهل رح يلوموني إذا ما خبرتهم بهيك مشكلة و إنهم هم لهم حق التصرف بهيك مشكلة،،،
مثلا أنا لما كنت في الكلية و في إحدى المحاضرات صار في خلاف بيني و بين استاذ المادة و تمهزأ علي ، رحت خبرت أبوي بالموضوع و تاني يوم اجى للكلية و قابل العميد و نادوا الاستاذ و اعترف انه عمل هيك، و بعد البهدلة المحترمة الاستاذ مشى معي مثل الساعة.:30: :22:
مشاكل العمل بحلها لحالي ما بدخل أهلي فيها و لا بحكيلهم عنها إلا شي بسيط.
في مشاكل تنتج عن تصرف معين تصرفته أو خطأ أخطأته بقصد أو بدون قصد أو عن طريق نقل كلام خاطىء، في حال كان في نقل خاطىء في الكلام بطلب المواجهة فورا مع الأشخاص المعنيين ( الناقلين و المنقول عنهم) حتى نضع النقاط على الحروف،،، و هيك

كيف بتغلب على الضيق و الشعور بالحزن؟؟؟
في طرق عديدة بستخدمها
بقرأ قرآن
بمارس رياضة و استرخاء
بستغفر ربنا و بدعي أدعية خاصة الهم و الحزن
كنت زمان أمشي و حاليا ما في مجال للمشي
بسمع موسيقى هادية
و أسباب الضيق و الحزن عندي بكون
الدورة
سماع خبر سيء
متاعب و ضغط الشغل
الوضع عنا من مجازر و قصف و .....الخ
أحيانا المرض بخليني أدخل في حالة نفسيه سيئة
و القائمة طويلة
و كل سنه بتمضي في عمر الانسان بكون عنده قدرة على التغلب على مشاكله بسهولة و التغلب على شعور الضيق،،، لأنه بكون نضج أكثر و صار في خبرة بالحياة أكثر،،،

وينكم يا حلوات؟؟؟

ما تنسو سورة الكهف الليلة و بكرة،،، و الدعاء و الاستغفار و الصلاة على النبي

نشوفكم بكرة إن شاء الله
تصبحو على خير