سلام كالعاده بحب اشارك بالمواضيع المطروحه والناس نايمه كيف بواجه مشاكلي عشان الصراحه

زمان لما كنت عند اهلي ما كان حدى يدرى عن مشاكلي
مشاكلي محصوره بين الصاحبات ومع المعملمات اشياء عاديه وحتى مشاكلي بالوضيفه كانت عاديه كنت احلها لحالي وبهدوء زي ماتقولوا الكل كان يقول عني قويه وبوخد حقي بالصاع الوافي والعلقه معي خامه بس التعامل مع صحباتي غير عن الزملاء الكرام يعنيلما البنت بتعز علي خلص عيوني الها بحاول قد ما اقدر اراضيها لانه الصراحه من العشم فيي اللي بسميها صاحبه خلص بتكون حبيبه وقريبه ما بحب ازعلها ونضامي كان لو زعلت بعمل حالي مش داري وبضل اتطمن عليها تاتقول اللي بالخاطر ونتعاتب وخلص مافي اشي
مع اخواني ياحبيبي عالطوشه والصياح ولقول لامي وهاتي حليها يا امي وانا بسرعه بعيط ومابرضى الا بحقي وزياده والا بضل زعلانه بس الحلو انو مرات بنسا انا تهاوشنا مثلا الصبح وبتلاقيني بسال عن شغله اللي تهاوشت معاه خخخخخخ اذا تذكرت بقولو ترى الهوشه مازلت قائمه مادخلها بالحكي معك ما بنقدر مانحكي مع بعض برغم انو كثير مرات كنا نتضارب احلا الاوقات وعفكره ما زلت لما بروح على اهلي باخدلي يومين ضيفه بعدين بصير اتبهدل عالفاضي والمليان وبرجع لطبعي القديم يمه شوفي فلان وعندك علان
هاي المره لما نزلت ومعي بنتي كنت لما ازعل ما اخلي اللي بزعل منه يلاعب بنتي قال انا واياها زعلانات بس ماكانو يرضو قال بنتي احسن مني خخخخخ
لما تجوزت التعامل مع المشاكل غير يعني بقدر اقول تغير اتجاهي بالحياه تماما مافي اعطل من الزعل بين الوحده وزوجها موقفي لما يكون الزعل عشخله عاديه مابتأثر على مستقبلنا يعني امور هالحياه ليش ماصحيتيني ليش ما اتصلتي ليش ما قلتي ليش تردي عالتلفون هاي اول ما تزوجنا نبه علي ما ارد على اي رقم لانه اكثرهم تلماركتنج ويستلمونا كل يوم لما ارد هو مابده بده يفكرو البيت مافيه حد وخلص بس وين اروح انا ارد واخد واعطي واخبص الدنيا خخخخخخ ونتهاوش
عاد الحزين بعدم عيشته بتشديد الدال هديك الساعه ياويله مني النكد بوصل للسما وعياط وصياح وانتا مزاجك صعب انا بدي اروح عند امي انا تركت كلشي واجيت معك وانتا ولامقدر بعدين بصير اتذكر اني زهقان بدي اطش ليش ما بتطلعني وليش هديك المره ابصر شو سويت بطلع الحزين مجرم بلعن ابو اليوم اللي اتجوز بيه خخخخخخخخخ

اما اذا مشكله منجد يعني وضع حرج يعني فيها ضياع فلوس وتشتيت عيله يعني اي ضرر علي او على زوجي او حياتنا سوى لأ بتجه لربي وعمري مادعيت ربي وقمت تالي الليل اطلب منه الا وزال همي وانفرجت لله الحمد كله بالدعاء بتالي الليل لاني بمثل هيك شغلات مستحيل اغمض وانام وطبعا لازم حد ثقه للمشوره وفي مشاكل اذاما كبرت مابتصغر

لما اكون متدايقه هيك منحالي زمان كنت اتقاتل انا وذبان وجهي وياويله اللي بقلي مرحبه خاصه يوم الاحد الصبح بكون جاي من عطله جمعه وسبت ونعسانه وعايفه حالي
وبالدار عند اهلي اذا متذايقه اقعد بغرفتي وهذاك اليوم ازفت عيشته اللي بفوت علي من اخواني مافي علساني غير حل عني سكر الباب خخخخخخ
لما اتجوزت لا هاد الحكي مازبط جربته اللي اكتشفته انو بقلق زوجي عالفاضي بتلاقيه بروح عالشغل قلقان بفكر حاله سوى اشي او غلط معي وهو مش داري ولما يكتشف انو بس مزاجي كان معكر ياسلام نتهاوش ففهمني انو لما مزاجي يمون مش تمام خلص بس اقوله عشان يتحاشاني او اقوله ايش انا بدي بالزبط حتى لو يطلع من الدار قلي بطلع بس انتي فهميني انك متذايقه مش زعلانه


اكثر اشي بقلقني وبذايقني اني اسمع خبر مش كويس عن اهلي او في البلاد بخاف وبقلق على كل الناس واهمهم اهلي لو اخوي تهاوش مع ابن الجيران بنجن بصير ابكي لاني مش هناك طبعا اللي بنقلي هاي السوالف مش امي ولا اخواني الكبار مستحيل عارفيني قديش بخاف الي اخو صغير مسحوب من لسانه بفسدلي على كلشي لما يصير مشكله او غير مشكله لوعزومه بتلاقيه راع عالكافيه وبشبك معي عالنت وبكرلي اياهن بقوللي كلشي وقديش امي بهدلته وهو ابدا لازم يقولي خخخخخ ممسحوب من لسانه
وبس سلامتكن

ياخي وين دندون مختفيه دندون لتكوني مريضه وله ويييييييييييييينك انشاء الله المانع خير
وكندا بعدك زعنوته يعمري عالفحوصات طمنيني عنك اول ماتطلع النتيجه امانه وسلامتك

فلسطين يالله بما انك عايفه حالك هاذ الموضوع مناسب تحطي مشاعرك وتسولفيلك شوي

هههههههههههههههه ايمان لازم انا افتتح هالموضوع

بصراحه انا الغضب والزعل والنكد عملي القولون العصبي

للرفع

هلأ تذكرت شي :

اللي بتعرف وحدة أردنية ومعاها شهادة انجليزي وحابة تشتغل في الامارات تدرس الصف الأول والتاني تراسلني .
الراتب 3000 درهم
دوام المدرسة عادي من الصبح للظهر الساعة 1
الشروط:

اللغة الانجليزية كويسة طبعا والأكسنت يكون مزبوط
ستدرس الانجليزي والعلوم والرياضيات للصف الأول المنهاج الأمريكي .

يفضل من معها خبرة ولو ما معاها انا ممكن باتصال تلفوني معاها احدد واعرف مستواها .

بالنسبة للسن : في شقق مفروشة مشتركة بقرب المدرسة ( منطقة السطوة والكرامة وبداية الجميرا )
السرير الواحد ممكن يكون 500 درهم في غرفة مشتركة وممكن تلاقي أقل .

اللي حابة تراسلني او ترسل السيرة الذاتية لي .
وان شاء الله يومين وبنزل ايميل المديرة .

وللعلم :
اللي ما عندها خبرة بطبيعة المدرسة اغلب الإيرانيين فيها شيعة وليس سنة ولكن المديرة ما قالت شي بس مسلمة وخلاص .

اللي حابة تراسلني واللي مش حابة تخبر اللي حابيين .

3000 درهم تعني : 600 دينار يععني ممكن بعد السكن والأكل والشرب والمصاريف كلها ممكن يبقى من الراتب 200 دينار لو وحدة مضطرة ترسل لأهلها أو عندها ظرف خاص بيكون منيح هالراتب .
1000 تساوي 200 دينار