اه وفرش المكياج بستعملها من بودي شوب و سيفورا بس سيفورا احسن

زهوره مواضيعك حلوه زيك

تسلمي عليها

نونو وينها واماني واميره النجوم واميرتي لين و سناو وبتول القدس ؟

نسيت اقولكم كيفكم ههههههههههههه

السلام عليكم ورحمة الله
كيفكم يا حلوات.. ماشاء الله صار الواحد بس يفوت ما يقرأ اللي فاته ولا الوقت طاير!!
بس والله لا يمل.. وكلكم أمامير وبتحمسو الواحد يقرأ كل حرف كاتباته..(شرط ما يكون الكيبورد مش عربي).. الله يشفي جهازك يا سناو وتعودين إلى سابق عهدك..

باقي الأمورات كيفكم كلكم.. بخاف أنسى حدا..

بس فرصة قبل نهاية الملف أناقش موضوع سمورة الأمورة.. كلو ولا الترسيب يختي!!

بالنسبة لنوع البشرة والعناية فيها..

أنا بشرتي مختلطة بس بالذقن والأنف والجبين .. وباقي بشرتي عادي.. الحمد لله نادرا ما تصيبها مشاكل.. طبعا هادا لأني بديت أهتم فيها بدري.. من لما كنت بالثانوي.. طبعا علمكو.. حب الشباب والأثر المزعج.. وأنا سمي وموتي أشوف حبة وما أصيبها... لأزم أنكشها.. بس تربيت بعد ما طبعت وجهي.. كنت خريطة من الطبع بالتوجيهي طبعا بفضل الضغط النفسي الدراسي..!

بعد ما أنهيت كورسي العلاجي الطبي صرت أستعمل نظام تعلمته من الصالون لتنظيف البشرة وكنت نشطة أعمله كل أسبوع بس هلأ والله أحيانا شهر بتنشط.. وشهرين بنسى حالي.. :(

البرنامج عبارة عن:
1- تنظيف عميق
2- تقشير
3- تبخير
4- تغذية وترطيب
5 -ضروري بعده ما تحطي ولاشي يقفل المسام لأنه البشرة لازم تتنفس منيح..خليها هاليوم تتنعنش حرام!

طبعا كل وحدة بتستعمل المنتجات اللي بتناسب بشرتها بس تتبع النظام السابق..
بالنسبة لمستحضراتي أنا:

1-تنظيف: من سنة تقريبا بستعمل VISIBLE RADIANCE ملك من لوريال(بعمل تنظيف وفيه عوامل Anti Aging خصوصي للفترة بعد 25 سنة)

2- التقشير: بستعمل سكرب مشمش برضو من أي ماركة لأنو المهم بالسكرب يكون مناسب لنوع بشرتي.. ما بركز على ماركة وحدة. والمهم جدا المساج..وأنا بلاحظ إنه فترة الصبح أحسن شي بينشط البشرة وبتتنعنش نعنشة..

3- التبخير: بعد التقشير بتغسلي بماء فاتر وبتعملي التبخيرة اللي بتفضليها (أنا بستعمل الماء مع البابونج) عالأقل 10 دقائق وضروري تغطي عيونك ولو بالبشكير أو بقطن وهو الأفضل.. لأنه البخار برخي النسيج الرقيق حول العين وبعمل ترهل للمنطقة حول العين (هاي النقطة بالذات التبخيرة يعني مقصرة فيها كتييير من سنة بجوز سويتها مرات تعد عالأصابع وبصراحة خفت حيوية بشرتي.)
بعد ماتخلصي التبخيرة بتمسحي منيح الوجه بقطنة وحتشوفي أشياء طلعت وممكن بهاي المرحلة تحطي قماش رقيق (قطني مثلا) على روس أصابعك السبابةوتطلعي الزيوان اللي سهل يطلع.. بس ما تحفري تحفير(إضغطي عالزيوانة أو البذرة من مسافة نصف سم من الجهتين وإذا ما طلعت ما تشدي كتير وتفركي الجلدة لأنها بتطبع وبتموتي النسيج الرقيق اللي ببقع بسرعة) هاي الخبرة من تجربة 8 سنين..


4- التغذية : طين البحر الميت من ريفاج لمدة 20-25 دقيقة روووووووووعة بالنسبة الي.

5- إذا كانت بشرتك جافة بعد هاي الخطوات ممكن تحمر شوي أو تبين باهتة.. حطي عأصبعك لحسة زيت زيتون ويادوب تتش هون وتتش هناك.. ومسحيها عوجهك بحركة خفيفة يعني ما تشدي وتفرفكي!

وشوفي بعدها كيف وجهك.. قولة دموعة الدلوعة .. بلق لق!:hahaha:

هادا كله يادوب ياخد ساعة بس أنا ببربر كتير.. وخلال هالفترة بعمل ماسكات لشعري ما بخلص ولا ضايل ساعة وبغسل شعري.. وسلامة تسلمك.. عروووووووس ..على طول:)

المهم كمان مش بس التنظيف الأسبوعي.. اليومي كمان..

أنا للعناية اليومية عندي خطوات للنهار وخطوات لليل:

الصبح:
الملك المنظف والتونر قابض المسام من لوريال مجموعة VISIBLE RADIANCE
وبعده أولاي TOTAL EFFECTS 7x

بالليل قبل النوم:
منظف ومفتح البشرة2x1 والتونك مانع الحبوب من كلين آند كلير..بعدهم على طول اللوشن من نفس المجموعة كتير خفيف وبصفي البشرة
( اكتشفته بعد ولادتي ووجهي كان أشكال وألوان خطوط وبقع كله راااااح الحمد لله.)وبنام وبس..

هادا بس نظامي ..:42: والله هو بسيط بس أنا كتيرة حكي..

ولا تنسو إنو صلاة الصبح بتعطي للوجه نضارة لا تقارن بنضارة أحسن المنتجات.. والله يا بنات عن تجربة!! بس أنام عنها وجهي ما بكون متل لما بصحى بوقتها!

في قناع بسيط برضه لو عندك مناسبة وبدك تشدي وجهك وما في وقت تعملي خلطات وتروحي صالونات جربيه وإدعي علي لو ما جاب نتيجة...:22:

ملعقة صغيرة حليب ناشف - ملعقة صغيرة نشا - مقدار من ماء الورد وممكن ماء عادي بس الورد أحسن و بس!!:26:

بتحطي ماء الورد وبتحركي بقفا الملعقة لحد ما يصير قوامه متل الكريم ساعتها بكفي ماء ورد.. وافرديه على وجهك لحد ما ينشف وغسلي بماء فاتر .. وشوفي بشرتك كيف مشدودة وناااااااعمة متل البيبي.. والله بحين بعدها ألغوص مكياج عوجهي وكتير أحيان بحط بس كحل وتحديد وجلوس وشوية بلشر.. بطلع بنوتة صغنونة وعمري ما حدا فكرني أكبر من 20 سنة..وأنا هيك!!

شوفو ..

ما حدا يقلي ما شاركتي.. ولا بكتب قد هدول مرة تانية.. يلا سلام.. تعبت من كتر النقر عالكيبورد..

الكهربا قطعت شوي، و بعد ما رجعت الماوس اشتغلت في،،،
و بانتظار رد المشرفه على تجديد الموضوع