و بعدها أبوي بروح على بيت أخوي يعيد على كنته و بعدها بيجي عصريات أو المغرب و بنتغدى،،،
تاني يوم بيجي أخوي كمان مره و بتكون معه هذه المره زوجته و الأطفال و بتعيد علينا ، و بيتغدوا و بعدها بروحوا و إذا ضل وقت أمي بتروح تعيد على بنات و ولاد أختها القريبين منا لأنه خالتي متوفيه، و العمات تاني يوم بيجوا يعيدواو ثالث يوم بنروح نزور بنات و ولاد خالتي التانيه لأنها برضه متوفيه و بعدها بنروح نزور خالتي التالته الله يطول بعمرها ، و إذا في صديقات بتروح تعيد عليهم و هكذا
و أنا بكون على الموبايل يا إما ببعت مسجات أو بتصل على الصديقات و زميلات العمل و بنعيد على بعض،،،
و هذه كل الحكايه،،،

اكمل الصبح بنتم على التلفون لانه دايما بكون ضغط يوم العيد وبنكلم اهلنا وقرايبنا واماما وبابا ودار احماي وبرضو بستقبل مكالمات بتصير مسابقه انو يلي بيسبق ويكلم اول لما اكلم ماما الا اختي بترن علي بحاول اكلم دار اخوي الا بتلاقيه هوه اللي متصل اول وهيك للكل
ولازم على العيد اكون مزينه البيت بشموع وبكون عامله مجسم للكعبه بعيد الاضحى وبكون عامله شجره نخيل صغيره وتحتها بكون حاطه التمر والمعمول بعيد الفطر وبغير مفارش البيت وبزين غرفه ابني زينه اطفال و مكتوب عليها عيد سعيد

والله يا بنات تقريبا متل عنا بخصوص الزياارات بخصوص الكناين زي بابا تماما العصر بروح بعيد على كناينه والصبح هما بجو عنده بعيدو عليه بس لازم يروح العصر ويعيدهن بايديهن

عنا يا سنا مش عارفه هالعادة هاي المصاري الها طعم تاني ههههههههههه

خصوصا لما تيجكي عالعيد انا بكون اخطط شو بدي اسوي فيها لانه بتجييني عيادي كتير عيادي الاولاد على طول باخدهم عالسواق بشترو العاب واللي بدهم ياه المهم ما تروح عالفاضي وتتصرف يا انه بالبنك بخبيهن كل واحد فيهم اله حساب مصرفي لسه شوشا مالها :(

ايمان سلامتك عليكي بالكيوي والاناناس
كثري شرب ميه منداري مالو عليكي هالامساك ليكون نفسيه ؟

ربنا يشافيكي


دندن الظاهر بيكربونات الصوديم هرت الحمص وصار خبيصة لانه حطيته وهو بنسلق بعد ما نقعته بالمية 7 ساعات

ف عشان هيك فرط بس زوجي حبه قلت له ما رح اخليه هيك رح اطحنه مع طيحينه واعمله حمص واحط عليه نقطه زيتون زاكي

انا مره عيدت بفلسطين اول يوم وثاني يوم بالاردن وثالث يوم بالبانيا كانت بجد عيديه محرزه هيه مره ما انعادت من يوم ما تزوجت اشتريت اسواره ذهب فيهم
بس فلسطين انا قصدي الزلمه يعيد مرته مصاري ما بحبها بس انه باب واعمامي واخوالي واخواني......الخ مصاري ما بيقدرو يجيبو هدايا اصلا لانه كثار ما شاء الله بدهم يحملو شوال هدايا على اللفه بعدين مش ظروفه مصاري هههههههههههههه وعاده والكل بسويها وتعودنا بس اول عيد مر علي وانا متزوجه حط زوجي مبلغ بكرت واعطاني اياه رجعته قلتله بنفس المبلغ جيبلي هديه بس مصاري منك عيديه لانه انت ملزم تصرف علي يمكن لانه ما بشتغل وهو يلي بيصرف علي ما بحس الها طعمه بس لو بشتغل وبصرف على حالي غير ما بعرف والله

أنا شايفه العادات نفسها،،،