ايواااااااااااا النيه سكتت بدريش عاد الموهيييييييييييييييييييم
الي من شهركل يوم رياضه نص ساعه عالبسكليت وتمارين معده نص ساعه مليح
الخل بشربه مثل الدوا 3 مرات باليوم وغير النضام اللي اعطتني اياه هون الخبيره ماشيه عليه قدر المستطاع لما بخبص بعيد الرياضه من اول
اليوم بديت افرك اجري ووركي بليفه وهي ناشفه وجسمي ناشف على اساس قال بكسر الدهون والسيلولايت يمكن ما عندي سيلولايت بس هيني بجرب تني اشوف
هسه بس ضل علي اغير الحليب من كامل ادسم لسكيم متت وانا اقنع جوزي بديش كامل الدسم وهو يقلي عشان فيتامين د واتفقنا خلص قلن الحليب الجاي سكيم ولبنبونه دسم
بعد كل هالموال اللي راح ما نزلتش منشهر الا 2 كيلو تخيلن هاد غير الرضاعه والتركيض طول النهار ما بحط جنبي على مخده ولا حتى كنباي لو خمس دقايق طول نهاري اركض صرت احس ان الخدامه اختراع ممتاز بعد ما كنت ضد هالفكره بس وين هسه ولا بيه احسن من الخدامات بنضري

المطلوب كل وحده تقول تجربتها بتنزيل الوزن كيف اسوي بحالي طبعا انا محتاجه انزل وزني 10 كيلو

دندون معقول هيك حلال بس انا الي بعرفه ان حسب رؤية الهلال والشغله فيها شهود وبجوز بكون الحساب اصح حسب علم الفلك والله مابعرف بس يمكن اللي بجمعو عليه المسلمين هون بنمشششي فيه والذنب يتحملوه همه انت شو رايك ماحكيتي

صباح الخيرات

ايمان انا لقيت حالي صرت اضعف لما بطلت اكل رز ومعكرونه ونشويات

كنت اكل توست اسمر بالببينز وصحن سلطه كبير بس فيه خس وبندورة الخيار مش منيح الي لانه فيه قشر

والضهر كننت ادبح علبه تونا ومرات صدور دجاج فيلية اسلقها مع بطاطا او فليفلة خضرا او كوسا طبعا تشويح عالنار مع شوية ميه هواكلها مع صحن سلطه كبير و2 توست بالنخاله والبينز العشا نفس الاشي 2 توست مع شاي خفيف السكر او اسلق شمندر او جزر واكله

وكنت ما اخبص لا شوكولاته ولا تشيبس ولا خربوطه وحدة كنت خايفة عالمرارة من الانفجار

ونزلت خلال 20 يوم نزول فظيع

لكن الان استرديت صحتي بس مش كتير عادي

لا نصحت ولا ضعفت مع انه بحكو اللي بشيل المرارة بنصح او بضعف انا الحمدلله بقيت متل ما انا بالبدايه ضعفت والان وسط

بالنسبة للمؤكولات البحرية يا ستي كنت اجيب الميزو اللي هو متل ما تقولي مخلل حبوب الصويا

اذوب معلقه منه واشربه يوميا يا مع الشوربة يا اشربو زي الشاي طعمه حامض شوي بس زاكي

وفي عشبة البحر هيك متل الشعرية كنت اسلقها واشرب ميتها طبعا لا تحكيلي كيف كنت قرفانه عيشتي منها لانه طعمها زنخ كتير لانه فيها يود بشكل كبير ومفيد جدا للخمول اللي كنت اشعر فيه لانه الطبيب شك عندي خلل بالدرقية لكن الحمدلله عملت تحاليل ما في اي مشكلة بالدرقيه كان مجرد ارهاق

بس شاي الياباني زاكي كتير كنت اشرب منه بشكل مبالغ لانه صار ينزل الوزن
اكيد بتسمعو بالسوشي هاد عبارة عن شي بحري مش عارفة بالزبط شو هو بسأل ماما لانه ماما هي الل خلتني اتجهه لاتجاه هادا

عبارة عن طبقات رقيقه متل الرقاق تمام بس لونه اسود بتفتت على الرز على اي شي بدك ياه ماما كانت تقلي كوليه على خبزة وما تتطلعي على طعمه المهم تاكليه الصراحه رجعتو لماما مع انه مبلغ وقدرة

ما حبيته برضو من البحر بس شو هو ما بعرف

السلام عليكم الله يصبحكن بالخير يا وردات
هالايام ما جاي عبالي احكي او اكتب مش عارفه ليش
الاسبوع الماضي كنت مع البنات عند عيادة العلاج الطبيعي لمنى واحنا بنطلع بالسياره منى سكرت باب السياره على ايدها بس الحمد لله سكر الباب على اصبعها الصغير واظفرها طلع من مطرحو وصارت تنزف ودوغري رحت فيها على الطوارئ خدرولها ايها ورجعو الاظفر مطرحه ولفولها ايدها طول الاسبوع وهسا طابت بفضل الله ولا كانه في اشي
ابتعرفو بدي اقولكو قصه صارت معي اول ما اجيت المانيا
رحتلكو مره على البلد الي هو السنتر الي فيه اكثر المحلات التجاريه
عشان اتفرج واتسلى واجيت لما روحت اركبت القطار الي بوصل على بيتنا من عند محطة القطارات طبعا همه كلهم الهم نمر ونمره 8 ونمره1 همو الي بمرقو من عند البيت تبعنا
ايوا وركبت بالقطار من المحطه وهو لعند الدار لازم يوقف خمس محطات والسادسه عند البيت
وقف اول محطه والثانيه والثالثه وابصر بعدين شو صار يحكي السواق بالميكرفون يسولف اما انا ما كنت افهم ولا كلمه وبعد شوي نزلو كل الركاب من القطار ما ظل ولا واحد قلت ابصر مالهم نزلو
وانا ظليت قاعده قلت ما ظل غير محطتين وبروح
ورد رجع مشي القطار وظل يمشي يمشي يعني بالعاده بوقف كل ثلاث دقايق
والقطار ماشي بنفق تحت الارض مش على الشارع عشان اعرف وين صار
وبالاخر وقفت ورنيت على جرز عشان انه يسمعني الشوفير وبس وين وقف بقريه الي بصفو فيها القطارات لانه الشوفير خلص الشغل تبعه وبدو يسلم القطار ووين بالنفق تحت الارض
مش فوق اني اطلع واركب قطار ثاني واروح
قام اجا الشوفير وهو يشوفني من هون وطلع الدم من وجهه طار راسه من الهلعه قعد يبرطم ويصيح ايامها ما بعرف لغه بالمره ما بعرف بقا يسب بقا يكفر ما بعرف
قام نادا الشيف تبعه الي هو الرئيس قاله جنه شو بدنا نساوي قعد يتباحث معه ويوخذ ويعطي وبالاخر
قلي ارجعي اطلعي ورجعني على محطة القطارات مره ثاني
اثاريه كاين قايل للركاب بالسماعه هي اخر محطه للقطار الرجاء من جميع الركاب الخروج واخذ قطار ثاني للمواصله واني ظليت قاعده مثل الاطرش بالزفه