السلام عليكم
والله ام محمد خجلتيني مع اني برجع ابحبش بش شكلي ببحبشش مليح
التمارين حلوين متل العاج الطبيعي بس مابتعبو رح اسويهم بعد ما اخلص تماريني لاني محتاجه اشي لضهري والله بوجعني لساته وركبي كمان ختيرت وبالسبه لبناتي انا عارفه انهم بس يكبرو برح شرهم اصلا سدقي قبل ما اجيب ريري بنبونه كانت يالله مهداها غلبتها خفيفه وتخيلي كنت اضجر منها وهسه لما شفت غلبت التانيه عرفت العز اللي كنت فيه يعني لما بيمشو بعتبر شرهم راح بنبونه غلبتها نصها غيره من اختها وخاصه بالليل لما بتصحى على بكى اختها وبتشوفني حاضنتها بتنجن بصير احضن بالتنيتين شو بدي اسوي

انا بالنسبه للتمارين المعده بسوي بحدود ل600 مره كل 20 مع بعض تمارين الافخاذ بعملهم لل100 بس مش دايمن لاني بلعب عالبايك ابو نص ساعه بحسها كفايه للفخاذ والمؤخره

الخصر بحط عصايه على كتافي متل شكل الميزان وبلف يمين وشمال تمرين قوي بس بلعبه خفايفي لاني مركزه على بطني هسه والافخاذ لما ينزل وزني ببلش اوزع التمارين

الضهر كان في تمرينين اروع من روعه بس مشكلتهم واحد بده معاون والتاني بده زي ماتحكو اداه
بحاول اشرحه يمكن انتو تدبرو اموركم احسن مني لان هون البيوت خشب صعب ادبر حالي بهيك شغله وهي متل السلم بكون مثبت بالحيط كنا نتسلق عليه وبعدين نسيب اجرينا الوجه للامام بكون وبتصيري ترفعي بجرك بشكل زايه 90 درجه اخت اخوها اللي كانت تسويه ليش لانه بدو عضلات قويه يعني بأخر مراحل الدوره كنت اقدر ارفع اجري بهالشكل وامرنهن بقوي الضهر وبشد البطن فعاااااااااااال


التمرين التاني للضهر سهل بس بدو مساعده من حد تاني بتجيبي طاولة الوسط تبعت غرفة الضيوف او اي طاوله متلها بتنامي على بطنك وبتخلي جسمك من بطنك وفوق بالهواء باقي جسمك عالطاوله وبتخلي حد يقعد يثبت رجليكي والقسم الاسفل وبتصيري ترفعي جسمك وتنزلي وانت معلقه تعليق
هاد بركز عالضهر وبقويه وبشد البطن

أطؤوطه حبيبتي يارب ييسر امرك يفرجها عليكي ويسوقلك الخير وين ماكان

السلام عليكم
صباح الخير، حبيت أصبح عليكم قبل ما أروح الشغل، أصلي مسطله من النعس و قلت أفتح النت شوي لأصحصح،،
خلص لازم أروح أجهز حالي

هههههههههههه دندون هسه قرات عزيمتك عندي وك ميت اهلا وسهلا عاد اليوم كنت عامله ورق دوالي وطلع بشهي بس متلك عندي مشكله استغفر الله بكره شو اسوي بجنبهن انا بالعاده بسوي طينيه بطاطه بس المشكله مبارح كان طينية بكاكه واليوم حطيت تالي صحن مع الدوالي بدي اشي ثاني بلبق جنب الدوالي كفته معنديش لحمه ناعمه اصلا ما ضل اشي غير لحمه هبر الخضره ضل جزر فكركو اسوي صينية جزر وبزيلا لاحدى يسألني شو هاذ------------ اختراع المهم اكل

والا صحن اوزي المشكله مهما صغرت الطبخه الا يضل منها وحرام ينكب ام محمد لو اسوي لجوزي معكرونه بالبشمل افطار يمكن يغنى عليه خخخخخخخ انا عارفه انها بتشهي بس جوزي عنده المعكرونا مش اكل
قاعده بحك براسي عطبخه بسيطه

هههههه امون كيفت على طينية البكاكه هههههه

اليوم اول مره بصلي التراويح بالمسجد يا الله شو انبسطت
بس بعد النص الاول وحده قعدت تسالني عن هبه انها هاديه وقديش عمرها وهي سالت من هون وهبهوبه تعبت وبطلت قادره تكمل خخخخخ اكيد لانها مرشحه بس انا حبيت اعمل زي بنات حواء ازا الوحده عطست بتقول حد عملي عمل او صابني بالعين