سلام عليكم !!

ايش هالخبصة

صفحتين حكي فاضي !!

واللله بدكن انتو الجدول يمشيكن احسن هههههههههه

شو ساعه عن العبري وساعه عن اليهود

سيبوكن من هالسيرة رمضان عالابوااااااااااب

وطنشو


شو فيه تبادل ارقام ومؤمرات من ورايي

رقمي سيصل في الحال

اخص عليكو هههههههههه

اميرة حمداالله علا سلامتك

نورتي

اشتقتلكم كتير بتعرفوا خميس واربعاء هدول بكون مشغولة كتير

خلوني احكي بموضوع الصلاه

انا بنتي لسه صغيرة بس بأذن بتجي بتقلي يا ماما اتوضي وتعالي نصلي انا بكون مبسوطة وبقوم وبتوقف جنبي

بدي افصلها ثوب صلاه على قدها احسن

وغير هيك ما عندي علم كيف بدي ابلش معها من سن 7 سنوات !

والصيام انا بلشت من عمر 11 سنه كنت اصوم والحمدلله

ايمان يا مرا الك وحشة بس اشوفك روحي بترفرف ههههههههههه

ان شالله تصل بالسلامه يارب والله فراق الام صعب

الله يسعدك فلسطين هيني الحمد لله بخير ويخليلك بنتك بتخيل اذا بدها تصلي خليها تصلي الصلاه مش مشقه عالعكس التزام وكل مابلشت اصغر اريحلها بتحميها صلاتها وبتهدي نفسها انا هيك رايي

السلام عليكم

صباح الخير على الجميع،،،

شايفه هون في تقلب في الشخصيات!!!!!!!!!!!!!
المهم يا فلسطين حلينا المشكله و بعدنا عن شي اسمه عبري و يهود و ما شابه، و خلينا في المهم اللي هو رمضان،،،
و عملنا مؤامرة تبادل الأرقام من وراكي خخخخخخخخخ

بالنسبة لي لما كنت صغيره و قبل ما أوصل لسن 6 أو 7 سنين كنت أشوف امي بتصلي و أسمعها طول الوقت بتحكي بس بس بس، طبعا أنا كنت ألقط السين في مجمل الصلاه، المهم مره أنا صرت أقلد و وقفت على فراش الصلاه و صرت أحكي بس بس ( عملت تجمع بسينات) و ما كنت أعرف عن الوضوء و لا القبله و لا شي و ما خبرونا في الروضه و الصف الأول عن هالحكي،،،
المهم مره أمي سمعتني و أنا بعلق إنه الصلاه كلها بس بس، شو يعني بس بس، هي ما صدقت تكمل صلاه و اجتني و ضربتني و حكتلي شو هالحكي و حرام، و بعدين علموني شو الصلاه و شو بيحكوا فيها!!!
بالنسبه للصيام أهلي ما كانوا يخلوني أصوم و أنا صغيره ، يعني كانوا يسمحولي بيوم أو نص يوم لأنه آل أنا كنت امرض و أصير ملطوشه و الذي منه، و كانوا يتسحروا بدون ما ينبهونا، في مرات كنت أتسحر بعد ما يتسحروا و أصوم، اعمل فيهم مقالب
لما وصلت عمر 11 صممت على الصيام و كنت أتسحر، و مره بذكر إني قمت من النوم جوعانه فرحت افطرت من بواقي السحور و لما أمي سألتني عن السبب حكيتلها إنه بطني بيوجعني