طموحة222 :

طريقتي في المطبق بالصينيه الجريش مطبق الصينيه ترصي شرايح عجينة السمبوسة او الايق رول او السبرنج رول في صينيه مدهونه بزيت وتصفين طبقتين بس تخلين الحواف الشرايح على بعض بمسافه 1سم يعني كل شريحه حافتها تجي فوق على اللي بعدها بمسافه 1 سم واول ماتصفين طبقه تدهنينها بخليط من ربع اصبع زبده ذايبه مع ربع بيالة حليب سايل وصفار بيضه يكونو مخلوطين زييييين...وتستخدمين هالخلطة في ترطيب شرايح السممبوسه عشان ماتنشف وعشان تلزقينهم في بعض ... نجي نرص الطبقه الثانية من شرايح السمبوسه لازم ترصينها بعكس اتجاه الطبقه السابقه عشان ماتتفكك وقت الأكل وبعدين ترطبينها بالخلطه وبعدها تصبين خلطت اللحم المفروم مع الطماط والبصل والبصل الاخضر والكزبره او البقدونس وبعدها ترصين طبقتين فوقها بنفس الطريقه السابقه وبعدها تصبين الباقي من الخلطة على وجه المطبق وتوزعينه زين بالفرشه وتدخلينه الفرن وتشغلين من تحت على حرارة عاليه عشان يتحمر بسرعه بدون ماينشف وبس تلاحظين اطراف الصينية صارت حمراء طفي الفرن وشغلي الشوايه من فوق عشان يتحمر الوجه... لذيييييذه مره وسهله وماتاخذ منك مجهود بس الشرح يجيب الهم... الجريش السهل واللذيذ بقدر الضغط نص دجاجه اسلقيها مع عود قرفه وورق غار وليمون اسود وملح وبعدين شيلي الجلد والعظم وفتي اللحمه ورجعيها في المرق وحطي معه مكعبين ماجي وبس تغلي حطي كاسين حب الجريش منقوع من قبل بساعه وحركيه وغطيه وحطي النار عالميديم واضغطيه لمدة ربع ساعه وبعدها افتحي عليه وزيديه نص كاس حليب الى كاس اهم شي ماينشف وحطي معه الحمسة وهي بصله مفرومه ومحمره في زبده لين تصير ذهبية وصبيها على الجريش وحركيه شوي وحطي البهار كمون وفلفل واي شي تحبينه مع الجريش ووطي النار على اقل شوي من الميديم واضغطيه ربع ساعه وبعدها افتحي وشوفي اذا يبي زياده حليب زيديه كاس وحركيه زين وتاكدي من الملح واضغطيه وخليه هالمره نص ساعه وبعدها فتحي وشيكي عليه وذوقيه اذا استوى خلاص تمتعي باحلى جريش سهل ولذيذ وبدون ماتحطين معه رز ولا شي يذوب بالفم مثل الزبده وجهزي حمسة الوجه زبده مع شوي زيت حمري فيها بصل وحطي بهارك او المسمنه او اللومي المطحون ووزعيها على الوجه ودوووووخي...

طريقتي في المطبق بالصينيه الجريش مطبق الصينيه ترصي شرايح عجينة السمبوسة او الايق رول...