لقولي حل لاسوي الي في عقلي وعلي وعلي اعدائي

السلام عليكم

داشه طالبه المساعده وياريت ماتخيبوني لاحسن اروح اسوي شي واخربها

القصه ومافيها ان اخوان زوجي عزابين ولهم فتره طويله مقيمن عنا وتدرو الوحده اذا كان عندها ضيوف ماتقدر تاخذ راحتها في بيتها وخاصه لما يكون الضيف رجل :D

الصراحه انا قلت لزوجي اني مو مرتاحه وهو قالهم اكثر من مره انهم يروح يستاجرون خارج عنا واحد سمع الكلام ورح عند عزابيه يقيم بس يجي عنا زيارات ام الثاني الي قاهرني وباطت جبدي مو راضي يطلع ودايم يقوله باكر يدور شقه ولما زوجي لقا له شقه جلس الاخ يطلع فيها عيوب وماياخذها :D وزوجي يقولي ايش اسوي اطرده واسوي مشاكل معه مايصير وانا بعد اقول مايصير يطرده ماهما كان اخوه:(

بس شكله مو ناوي علي الطلوع من عندنا علما انه يشتغل ويجي بليل والله

ياجماعه يجي بليل بس يخلي البيت زباله الله يعزكم :D

وانا اليوم وصلت حدي من القهر

كمان اشوي وطردته بس قلت اكتب مشكلتي عندكم واذا مالقيتولي حل بروح واسوي الي في عقلي وعلي وعلي اعداءي وادري وقتها زوجي رح يزعل ومايهون عليه اخوه بس انتو قولولي ايش اسوي .... شورو علي عشان يطلع قبل لعيد :icon33:

علي فكره نحن مغتربين وهذا الي زايد البلوه

والله راسي عورني من التفكير

شورو علي بسرعه لاني مالي صبر انطر :icon33:

ولكم جزيل الشكر