لقيت مع زوجي حبوب كبتاجون... ساعدوني ايش اسوي

السلام عليكم

بآدخل فالموضوع عالطول

حبيباتي انا داخله بمعرف جديد عشان هذا الموضوع انا يامى استفدت منكم ويامى دعيت لكم من كل قلبي ويشهد الله علي اني احبكم وانكم مثل اخواتي

حبايبي انا متزوجه من 5 شهور واحب زوجي ويحبني ويحترمني ولا عمره زعلني او رفض لي طلب ولا لاحظت عليه اي شي ويقدرني والحمد لله
اليوم الثاني من الزواج اكتشفت انه يدخن وزعلت وبكيت وحاول يهديني ويعتذر مني وكنا عالبحر ورمى البكت قدامي وقال الله لا يرده اللي يزعلك مني واوعدك اني احاول ابعد عنه بس انتي ساعديني وراضاني واعتذر وقلتله حاول عشان صحتك مو عشاني انا احبك وما ابغاك تجيب المرض لنفسك قال ابشري والله احاول .,. رغم انه احيانآ يجلس يوم كامل ما يدخن

المهم قبل كم يوم اشوفه يدخل يده كل شوي تحت ملابسه فالدولاب ويطلعها ومافيها شي شكيت فالموضوع وقلت يمكن حاط فلوس او شي هناك ما احب اتجسس ابدآ ولا اشك او اظلم احد الين حسيت انه الوضع زاد كل شوي يفتح الدولاب ويحاول اني ما انتبه وانا اغض نظري ما ابغى احسسه بشي ,,, المهم امس قلت لازم اتآكد

ورحت رفعت ملابسه ولقيت تحتها فلوس ومناديل فتحت المناديل ولقيت فيها حبوب كبتاجون انا هنا بغيت اموت انصدمت مرررررره وانا اصلا تعبانه عالطول رحت ابحث في النت عشان اشوف ايش هذي الحبوب وطلعت حبوب كبتاجون انا ما قدرت اتحمل رحت عالطول انسدحت عالسرير وابكي انا تعبانه واللي فيني يكفيني ... واقول في نفسي ليه كذا معقوله هو يستخدمها او انها لواحد من اصحابه انا بآنجنننننننننن ما اصدق ... هو انسان فاهم ودايم يذم اللي يتعاطون المخدرات وبار بامه وابوه ..


ما ادري ايش اقولكم بس خلاص مرررره تعبت ... ما ادري اواجهه او ما ينفع المواجهه
اخاف تخرب حياتنا مستحيييييييييييييل اقول لاهلي او اهله مهما كان هذا زوجي حبيبي .. ابغى حل بس اخاف يتغير ويحس انه طاح من عيني ... هو حساس مررره

الله يسعدكم ساعدوني وشوروا علي ... ما ابغى تتاثر حياتنا

واللي ما عندها رد تدعيلي ربي يهديلي زوجي ويبعده عن طريق الحرام ... يآآآرب