انا ولدي عمره 11سنه وخايفه جدا من المراهقه من هالحين لانه بادي يحاول يستقل بشخصيته من هالحين
المهم اني ارى ان الوحده يجب ان تستعد مبكرا لهذه المرحله المهمه من حياه ابنها
قربي لابنك
سولفي كثير معاه
قللي انتقادك له
حاولي تطلعين انتي وياه
اسمعي واقري عن هذا الموضوع...........الاستعداد بالكتب والقراءه يزيد من قدرتك على التواصل مع ابنك
مثل شريط التربيه بالحب لميسره طاهر
توجيهات وافكار في تربيه الصغارالشيخ الدويش
هناك ايضا دورات عن التعامل مع المراهقين ابحثي عنها
والاهم منهذا كله الدعاء ثم الدعاء ثم الدعاء

اتمنى اكون ساعدتك
:angry:

حزااااكم الله كل خير ,,,والله هذاني احاول لكن ماااااااااش احياااااننا تفتت اعصابي :blink: ,,من ردات فعلة لي :booo: ,,,
أخيتي ام رياااان والله انا عيالي ماكانو يعرفووون والله كم درجة باب بيتنا الين العام الماضي :03: ؟؟؟؟


اكيد بتقولين كيف :rotaeye: ؟؟؟؟

(شرينا بيت :icon28: لاني كنت بايجار)
وبيتي الاول ماعندي جيران سعودين اغلبهم اجانب :37: :15: :43: والي سعودي دكتوررر لاهي هو وعياله عساهم يشمون انفسهم ,,,

(لكن هالبيت تقولين ساكنين بشليهات قرية الخليج :icon36: ) مجمع مع ان الحي راقي بالواحة بس الجيران اشكال الوان :S_45: وعيالهم جاين انصاص :kiss2: ؟؟؟

شي من اهل المجمع وشي من الي قدامنا . :024: ..ومن عقبهم عيالي انسبهو ...؟؟؟

مع العلم اني تقل راعي بقاله معلقة مفتاح البيت برقبتي . :232: ..

بس ماااش مااكو فايدة من يطلعون يصلون بالمسجد الي ويجون يصيحون :icon33: (شفتي يقولون انتم امكم مثل معتقل ابو غريب وكنها فراش مدرسه بس قافلة عليكم)

انا والله افكر اغير الحي مع ان البيت اكثر من راااائع بس يقااااااااااااااال الجار قبل الدااااااااااااااااااااااااااااار :angry:

الله يهديهم ما بيدنا غير الدعاء ومحاولة صحبتهم

تصكون على عيالكم؟
ابو 14 ماينفع تصكين عليه الباب قبل هالسن كان دور الوالدين يغرسون فيهم الاخلاق الحميدة وايضا ينبهونهم من العكس عشان يكون على دراية اذا طلعوا بروحهم برى البيت كما ان الولد غير البنت البنت يصير عادي جلوسها بالبيت لكن الولد لو طال جلوسه بالبيت كان يصلع بالي حوله

الحين يجي دور الوالد المفروض يوديه معه للمشوير مثل مقاضي البيت ويبدأ يعلمه وشلون يشتري ووين المحلات الزينه ووشلون يفاصل ويعوده يشيل الاغراض وينزلها ......ياخذه معه بعد صلاة الجمعة ويزورون الاقارب الاعمام والعمات وقبلهم الجدان كل جمعة بعد مايطلعون من الجد والجدة يخصصونه لأحد من الجماعة الكبار وهكذا.

غير كذا للشباب مجمعات مثل المساجد يحفظون قران وكل اسبوع ينظم جماعة المسجد طلعة لهم في بر قريب مثل الثمامة او في استراحة يقطون الي يجيب شاي والي قهوة والي فطاير ويسوون مسابقة ولعب كورة
وفيه بعض جماعات المسجد النشيطة تنظم طلعة للنشىء وطبعا معهم مشرفين يودونهم مكة ياخذون عمرة ويتعلمون الاعتماد على انفسهم بعيد عن الوالدين.

في كثير من المساجد تنظم دروس علمية للمشايخ لو الاب يعود ابنه يروح معه ويحضر يكون شيء طيب.

في هالسن ممكن يلتحق الابن احسن من قعدته عند السوني او المطارد وراء الكورة بالحارات ان يسجل في دورات تعليم لغة انقليزية او حاسب ولا يخفى عليكم ضعف شبابنا في هذه اللغة اما الحاسب هو عماد العصر.

ارجو اني افدتكم

حبيبتي لا تصيرين صارمه في تعاملك مع اولادك وفي نفس الوقت لا تتساهلين مره. يعني لازم يكون فيه حل وسط, تقفيلك للباب فكره غير جيده لانك بها الطريقه لانهم يحسون انهم صاروا رجال واللي بسنهم اربع وعشرين ساعه بالشارع. خليهم يحترمونك ويكون لك هيبه مو يخافون منك او تضربينهم. انا اقول احسن حل للولد بها العمر انك تدخلينه معهد حاسب وعلوم الكمبيوتر ودورات فيها تطبيق عملي مثل سباحه كراتيه, تخلي ذهنه دايم مشغول بالتفكير باشياء ايجابيه مو سلبيه .... راح اكمل بعدين :27: