لكل بنت تحس نفسها كرت اي رجيم

السلام عليكم ورحمة الله وبركاته ,,,

رسالتي هذه اوجه الى الجميع ..... بتستغربون من شغله بس اذا عشتوها في انفسكم .. مثل ما انا عشتها راح تشوفون نتائج مبهرة ...

اول شيء كم وحده منكم سوت رجيم ومانزلت ولا .. كيلو .. وتموت قهر ومن قهرها تروح تاكل كل اللي بالثلاجة .. !!!:44: ( جاوبي )

طيب ماسالتي نفسك وانتي تتجهي الى الثلاجه انك راح تزيدين مشكلتك مشكلة ... وبدل ما تلقين حل راح .. تزيدن المشكلة اكثر .. :06:

اوكيه او شيء قبل لاتبدي اي رجيم .. كان هنا .. هل حضرتي نفسك لتنزلي من وزنك .. وهل في سبب عشان تنزلين ولا بس مجرد انك شفتي الكل مسوي رجيم ودك تسوين .. !! (جاوبي)

طيب وش الدافع اللي من اجله سويتي الرجيم .. هل هو الموضوه او الصحة .. او انك ودك تبهرين زوجك ..؟؟؟ ( جاوبي )

اوكي انتي الان تسوين رجيم ولكن كل يوم توزنين صح .. قولي لي كيف ودك تحسي بالنزول وانتي ماتنزلين نهائي عن الميزان ,,,

نبداء هنا في اول خطوة ... ::

اول شيء لازم تكونين راضيه على نفسك .. بعطيك مثال .. هل اذا جت وحده من صديقاتك وقالت لك يالله وش هذا الجسم البشع .. تنقهرين وتردين عليها ام تسكتين .. اكيد راح تردين لانك راح تدافعين عن نفسك .. هذا نفس الشيء لازم تسويه مع نفسك ... يعني كوني راضية عن نفسك رضاء تام وكلي ... بدون اي لو او ياليت ... انسي شكل جسمك تذكري انك بصحه وهذا اهم شيء .. وبعدين قولي بنفسك .. اذا انا قدرت اصل الى هذا الوزن مثلاً اللي هو ( 90كيلو ) اكيد اا قادرة اوصل الى ال 60 كيلو .. يعني كله بارادتك انتي ...

ثاني شيء حضري نفسك ذهنياً وجيبي ورقة واكتبي عليها كل الاسباب اللي من اجلها نويتي تسوين رجيم ... بخط كبير وواضح ... وفي اعلى الورقة اكتبي هذي الجملة ... انا راح انزل من وزني من اليوم وكل يوم ...

ثالث شيء : اختاري رجيم انتي قادرة تسوينه مب شيء قاسي وبس عشان تنزلين بسرعه .. لا تذكري اول شيء هل جميع مواد هذا الرجيم .. انتي تقدرين توفرينها؟ .. هل انتي تحبين تاكلينها ... ؟؟ على هذا الاساس .. ابحثي عن رجيم يناسبك ويناسب ظروفك .. ؟؟

رابع شيء :انتبهي احياناً انه يكون في عزايم وفي اعراس ... حطي جدول لهذه المناسبات .. وفكري هل في هذه المناسبات راح تفقدين .. الوجبة الخاصة بالرجيم طيب هذي سهله خلي المناسبة هذي مكافاة لج لانك سويتي رجيم .. وقبل حضور المناسبة حاولي تاكلي فواكه او سلطه مع شرب ماء .. و لاتتضايقين ولاتقولين للحريم انك تسوين رجيم واذا حطوا لك فواكة ثقلي منها شوي واشرب ماء كثير . وبعدين وانتي تاكلين حاولي انك تخففي في اكلك عشان اللي حوليك ينبهرون منك لا اكثر ويقولون شوفوا فلانه ماتاكل كثير .. وهذا راح يعطيك دافع انك ماتكثري اكل .. وراح ترضين عن نفسك لانك ماخربتي الرجيم باكلات دسمه وفي نفس الوقت استمتعتي باكله حلوه وبشكل خفيف ..

اخيراً : تحملي تعذبين نفسك وتنقهرين ابد ... انسي اليوم اللي خربتي به الرجيم .. نهائي .. وعشان ماتخربين الرجيم من ثاني .. كل مره تخربين فيها الرجيم اشربي زهورات .. وتاكدي انك اذا خربتي يوم واحد ... مب معناة انك تتركين الرجيم وترجعين تاكلين ...

وحبيت اقولكم في النهاية ... انا من قمت اطبق هذا وانا بدون ما اسوي اي رجيم قمت احس نفس خفيفة .. وشكل جسمي قام يتغير ووجهي يورد .. صدقوني مع اني مثلكم ابي انزل .. وقمت استمتع باي رجيم اسويه بدل ما اقهر نفسي واتعب نفسي ,,
وحالياً انا اسوي رجيم فلونه لانه نفعني قبل سويت لمدة اسبوع ونزلت عليه 4 كيلو واشوفهم حليون ولا رديتهم .. وصار لي الان يومين في الرجيم وراح اوزن بعد نهاية الاسبوعين ...

والله يوفقني وويوفقكم معاي ..

دلوعه :27: