فروحة ~ منوره حبيبتي .. وخذي راحتك الموضوع لك

شذى ~ يالبى قلبك ان شاء الله اجربها .. اسعدني حضورك المميز ياحلوه
وربي يحقق كل ماتبينه ويشفيك

مذهلة ~ لبى هالطله الحلوه .. افدتيني ربي يسعد قلبك

قرب الرحيل ~ فديتك يالغلا ربي يسعدك ويخليك

سوار الملكة ~ جربي طرق البنات وانا كمان راح اجرب وان شاء الله تفيدك .. عموما نورتي حبيبتي

عسل مصفى ~ صادقه غلاتي سيلفكرين بالبيض شي روووووعه ~ وراح اطبق طريقتك في الحنا باين عليها كويسه
فديتك على هالطله الحلوه مثلك ياعسل

هلا اخيتي
التقصف تقريبا منتشر بس الاكثررر نهايه الشعره نفسها وقبل اسبوع قصيت اطرافه

زمان ايام الجامعه كنت داييييييييييم استشور >>لاني لو ما استشورت هربوا بنات الجامعه :09:
صابغته بغارنيه قبل العيد الفطر بيوم
وفردت بسوفت بالاعشاب بشهر 12 >>ماتغير فيه شي الا بس لما استشورت بالعيد كان الشعر حليوو وهاجد
بس تقريبا لي ثلاثه شهور ماستشورت الا مره لاني خفت يتضرر زود

وحاليا مخلطه لي زيوت وناويه ابداء فيها لما اكملها ان شاء الله
وقالت بسبوسه ربي يحفظها انو لازم ادخل برنامجي حنا او سدر

ووافكر اشري امبولات ايفا الصبار والزبادي >ايش رايك فيها


ربي يسعدك و يوفقك ويسخر لك جميع خلقه




النور نورك ي بعدي
روحي ي كلي حلا عسسى ربي يسعدك قد السماء

هلا أختي .. اللي فهمته أن مشاكل الجفاف عندك من الصبغ والفرد ومن قبل ماكان صحي لأنك تكثرين الإستشوار عليه

إذا عرفنا السبب يصير سهل نعالج المشكلة بإذن الله

لكن المسألة يبغى لها صبر وطولة بال وأوعدك بإذن الله إذاطبقتي اللي أقوله لك

بيصير شعرك حرير ولونه يجنن والكل بيسألك وش سويتي فيه وكله أشياء طبيعية ومتوافرة وسهل تطبيقها

بأجاوب على أسئلتك : أمبولات الصبار ماجربتها لأن عندي حساسية من الصبار

ومن قال لا أعلم فقد أفتى

الزبادي : ينصح فيه اللي فروة شعرها دهنية لأنه معروف أنه ينظف ويطهر الفروة الدهنية

يستخدم كماسك ترطيب للشعر الدهني

أما الشعر العادي والجاف لازم تضيفين له مواد دسمة مثل الزبدة والمايونيز والزيت لكن لحالة فقط بيجفف

البرنامج بينقسم إلى زيت و حناء وماسك ترطيب و شي تقدرين تسمينه تونيك

الأغراض المطلوبة

من الصيدلية أو محلات التجميل مكتوبة حمامات الزيت تحت

من العطار : حناء يمنية أصلية غيرها بتجفف شعرك
وسدر يمني وكيلو زيت خروع من المعصرة وكيلو زيت نارجيل من المعصرة وجديد حتى مايكون فيه ريحة
<< أختك كروه ماتواطن الريحة الشينة
بتجيبين زيت سمسم من المعصرة حلو ترطيبه على راحتك ماتبغين مو ضروري

طريقة الزيت : اخلطي الزيتين مع بعض وإذا سخن الزيت وقبل مايقدح طفي عنه وإذا برد حطيه في علبه بلاستيك
بداخل كيس حتى إذا صبتي منه مايحوس عليك وببلاستيك حتى لو طاح منك ماتنكسر العلبة وتخسرين

الزيت مرة وحده في الأسبوع دلكي فروة شعرك فيه وادهني شعرك خصلة خصلة و ومسيها وأنتي تزيتينها
فايدة الخروع يفرد الشعر ويكثره والنارجيل يرطب ويطول
لفي شعرك وخليه ٣ ساعات وبعدين غسليه بالشامبو

طريقة الشامبو تخففينه بالموية بعدين توزعينه على شعرك بعد ماتبللينه بالمويه

وممكن تكررين العملية لو مانظف زين

بعدها حطي حمام زيت خلطة نور الهدى أحلى شي جربته وأنا زدت عليه بوناويل القمح

(٢ ملعقة حمام فاشكول بالحليب والعسل وجيبي الإيطالي اللبناني ماينفع
٢ ملعقة حمام زيت فاتيكا تغذية مكثفة بالخروع وأشياء ثانية
١ ملعقة حمام زيت من غارنيه للشعر الخشن وصعب التمليس يمكن اسمه كذا خطير مايخلي شعرك ينفش مع الرطوبة
١ ملعقة من حمام زيت بوناويل بالقمح محتاجينه في البداية ضروري لأن شعرك معدوم وإذا استصح تقدرين تستغنين عنه)


المجموعة هذي بنفس النسب تخلطينها وبعد ماتخلصين من الشامبو
تجففين شعرك بالفوطة وهو مندي توزعينه على شعرك خصلة خصلة
لكن لا توصلينه للفروة إذا أنتي مستعجلة خليه بوقت ماتصنفرين جسمك وتحطين الشاور جل
وإذا ما وراك شي البسي كيس وخليه من ساعة إلى ساعتين وبعدين إغسليه بالموية فقط
ولا تصيرين مثل وحده جلست حابسة روحها في الحمام ساعتين
لا تقدرين بعد ماتغسلين جسمك تطلعين وتغسلين شعرك بعد ساعتين

كذا واضح طريقة الزيت وغسله وحمام الزيت

الماسك : نفس اللي كتبته لأختي كلي حلا ومرة بالأسبوع

يبقى التونيك وطريقة الحناء هذي في رد ثاني لأني تعبت من الكتابة جالسة أكتب حرف حرف

وأحب إذا أعطيت العلم أعطيه حقه من التفصيل حتى تنتفع به اللي طلبته

شكراً لأختي كلي حلا ... كلك حلا وذوق الله يحلي أيامك

وياكم حبايبي ربي يسعدكم ~

فروحه بأضيف لك شي بسيط انا اول لما نشف شعري كنت مرتين او ثلاث مرات بالاسبوع استخدم المايونيز
احط تقريبا ملعقتين مايونيز مع 4 زيت ( اي زيت يناسبك ) انا كنت احط 3 زيت سمسم وملعقة زيتون
واخلطيها كوووويس وحطيها على شعرك 5 ساعات
مررررره نفعتني