يعني العيون تشخص .. تثبت وتجحض وتقل حركتها ..

مرحبا خواتي ,, السموحة ع التأخير
كان خاطري اكتب لك مشاركتي بعد ما اخلص العلاج بالكامل .. وفي موضوع مستقل علشان البنات يستفيدون ..

لكن .. سبحان الله لعله خير..

أختي ابريق شاي .. الرسالة الأصلية كتبت بواسطة أبريق شاي »
بنااات اللي كانت_أو تقراها اللحين تقرا سورة البقره هل إبعدت عن أشياء معينه؟؟؟؟؟

بديت اقرا البقرة ,, بس مو كل يوم ما ألحق ،، لكن في المقابل اسوي الاشياء اللي وصاني عليها الشيخ ..

احيانا اقراها في القيام كذا يوم ورا بعض ,, واذا ما لحقت ,, اقراها في اي وقت ,,
وهاليومين مرات الحق ومرات ما الحق ,,

البقرة كنت ايضا اقراها منذ شهور واستمريت عليها وانشغلت وقطعت ..
وسبحان الله كنت احلم الحرمة ويا البريعصي الاسود يخرج بجوار رجلها .. ومسرع لاتجاهي وانا كنت خايفة جدا ..
اشيااء وايد ,, ربي بصرني من خلال سورة البقرة واااااااااااااايد اشياء ,,


أكلات معينه ؟؟؟؟
والرقيه بعد ... اللي كانت تقراها او تقرأها الآن هل إبعدت عن أكلات أشياء معينه؟؟؟؟؟؟

وايد اشياء مثلا .. قامت تطلع صراصير ،، الخدامة تحلم بجن يخنقونها ..
انا احلم حد يخنقي
ضربات قلبي سريعة
وانا كله عبالي دمي نازل (( الهيموجلوبين ))

انسى مرات وين محطية بعض الاغراض
انسى اشياء تافهة ... وارجع الغرفة ادور .. بعدين اقول ياربي شو ابي ادور ..
حتى انسى الشي اللي ابي ادوره ..
ايضا كنت اعاني من اللعاب ..
لما ارقد يمتلئ فمي لعاب رائحته كريهة ..
سرت كذا مستشفى ما عرفوا عطوني مضمضة ما نفعت ..
لما سرنا تايلند وسويت فحص ,, طلبت ادخل ع الدكتور اكلمه عن هالمشكلة نفس الشي ..
قالوا يمكن عندج مشكلة لما كنتي صغيرة في اللوز ,,
الحل : نامي ع مخدة مرتفعة ..

بس هل يعقل ان هذا حل ؟؟
ما تغير شي ..
وكله افكر اذا تزوجت ما بقدر لأن اللعاب مسوي لي ازمة

وكنت ادعي ربي يبصرني ..

لين ما ربي كتب .. وحلمت الحلم الاخير
(( الديدان ))
حسيت هذا الحلم من ربي - سبحانه -

لأني قبلها خذت بالاسباب من وضوء ودعاء وذكر ..

وربي شاااااااااء انه يتفسر الاسبوع اللي طاف // مع اني من زمان حلمته من شهرين تقريبا ..


ايضا يتني فترة كنت ارردد : (( دعاء سيدنا موسى - عليه السلام - ))
ربي اني لما انزلت إلي من خير فقير .. بنية الزواج
وكذلك : (( ربي لا تذرني فردا وانت خير الوارثين ))

وان شااء الله بييي اليوم اللي ابشركم بخطوبتي ..
طال الوقت ام قصر - ربي بينصرني -
واملي كبييييييييييييييييييير ..


وربي يسر لي ادخل جوجل واكتب تعطيل زواج رقية
سبحان الله



========================

بنات تتخيلون من كم سنة السحر مسوينه لنا ..

؟؟؟؟؟؟؟؟؟؟؟؟؟؟؟؟؟؟؟؟؟؟؟؟


انا لما كنت طالبة في الجامعة ..

وانا الحين تخرجت وتوظفت ..

يعني اكثر عن 10 سنوات

حسبي الله ونعم الوكيل ..

المشكلة ما خطر في بالي ابد ان فيني شي
لأني ما احب اسئ الظن بأحد ..
بس اهلي كلهم مستغربين وايد ..

============================
بنسخ لكم رد الشيخ ..
=============================

كتبت حلمي ورد الشيخ علي كالتالي :
سحر اختي والله اعلم
الدود سحر
والمرأة ساحرة
والبريعصي ( الوزغ ) خادم

وللتأكد اجيبي على الاسئلة اختي وضعي موضوعك لدي من ترغبين في متابعة حالتك من المعالجين والرقاة فجميعهم خير وبركة بأمر الله


---------------------------------------------

اجيبي على هذه الاسئلة اختي الكريمة
واختاري اي قسم من الاقسام الخاصة بالرقية - او ضعيها هنا في نفس الموضوع
وحددي اي من المعالجين والرقاة ترغبين في المتابعة معه وسيرد عليك بأمر الله في حالة تواجده بالمنتدى
-------------------------------------
وبعد ما جاوبت ع الاسئلة التشخيصية ..
-----------------------------------------------

رد الشيخ :
انتي مسحورة سحر وقف حال عن الزواج بالذات وبك عين مع المس العاشق – وتلاحظين في قولك انك لاتُعجبين بكل من يتقدم لك وكل واحد يجي تتهأين انك ستجدين افضل منه وهكذا حتى يسير بك الزمن –

بيتكم به سحر وحسد – واحد اسبابه تطفيش الخادمات
ولو سألتي خادمتكم الان عن احلامها – لقالت انها ترى من يأتي لضربها او تخويفها – وهي علامة مؤكدة

لعابك لاتقلقين منه فهو من نتائج سحر وقف الحال حتى لايقبل بك أي زوج او ان تزوجتي يطلقك زوجك لهذه الرائحة لاسمح الله
غرفتك بها سحر – بل كامل المنزل به سحر والله اعلم

رشي المنزل بمافيه غرفتك وغرف المنزل ماعدا الحمامات بماء عادي او ماء زمزم وملح خشن بالبخاخ حق الكوي بعد قراءة سورة البقرة عليه كاملة والمعوذات بنية ابطال السحر وصرف العين – وتستطيعين ان ترشي الحمامات بماء وملح خشن بدون قراءة –

والرش يكون من الداخل للخارج وليس العكس ( المداخل والمخارج والاركان ووسط الغرف ) وان يكون الذي يرش على وضوء ولا يرش في الليل ويبعد الاطفال في هذه الاثناء 0

الحبة الي تطلع في صدرك وبها قيح هي عُقد سحر – فأدهني جسمك بأستمرار بزيت مقريء عليه – لاتنامين لوحدك ولا في الظلام ولا عارية

حاولي بأستمرار ان تمضمضين بماء وملح خشن بطريقة الغرغرة - وخاصة قبل النوم

------------------
على فكرة من اول يوم استخدمت الملح الخشن مع الماي .. حسيت 50 بالمية خف اللعاب .. وبعد اسبوع انتهى الحمدلله .. معناها فيه تقدم
=======================

عطاني برنامج علاجي : :

طبعا مو شرط اللي يناسبني يناسب غيري ,,
وامشي عليه ,, وأوافيه بكل شي يصير ,, ويخبرني شو اسوي

الله يعطيه العافية ,,
والله ادعي له من قلبي


وكل اللي يصير تسخير وتسهيل من رب العالمين


فيه سبب ما خلاني اروح لقارئ :
اني ما ابي حد يعرف اني اتعالج ..
حتى امي ما تدري ..
احب الخصوصية ..
لعله خير


==================


بعد شفائي بإذن الله بكتب لكم الدروس المستفادة من هذه التجربة

زمردة

الله يشفيك يارب وينصرك ويكتب لك الخير ..

بنات

أبغى أقرا الرقيه

استغفر الله مني قادره اكمل

اتعوذ منا لشيطان مااقدر


قريتها اول امس وامس ماقريتها اليوم اقراها واسهى

استغفر الله مني عاارفه .....


طيب لو قريتها ووقفت يوم هل بيخترب البرنامج العلاجي؟؟

up