السلام عليكم ورحمة الله وبركاته
لكل من تعاني من الإمساك اول شي الله يشفيك
ثانياً هذا عصير اعطاني طريقته دكتور مفيد للي يعانون من الإمساك انا بصراحه مااستخدمته لاني ماني محتاجته الحمدلله بس كان لناس محتاجينه
المهم هذه هي الوصفه
1- اناناس طازج ماهو المعلب روحي لسوبر ماركت ونقي لك وحده حلوه زيك ياحلوه
1- تفاحه بقشرها حمراء صفراء خضراء ماتفرق بس شيلي البذر
1- كمثرى بقشرها وشيلي البذر
1- كيوي
جيبي الخلاط حق الطماطم لا تستخدمين العصارة لان بهالشكل ماكأننا سوينا شي بتقولون ليه بقول لان الخلاط يخلط لك الثمره كلها ماراح تفقدين شي منها اما العصاره بتصفي لك بس المويه والنكهه اما الالياف اللي هي اهم شي بتترسب برا على الحواف وبناخذها نرميها صح > قاتل الله الجهل :09:
وبعدين شغلي الخلاط واذا حسيتيها لكت معك يعني مارضت تنطحن حطي شوي مويه بس المقدار اللي يحرك الخلاط
ماهوب تشحين وتحطين كثير عشان يكثر العصير :icon28: امزح
وبس ياحلوات
بس اهم شي المشي لان اللي يعانون من الامساك لازم يحركون القولون ويساعدونه بالمشي والحركه
واهم شي اذا مانفع معك العصير لازم تستشيرين طبيب عشان يشوف الحاله ترى الموضوع ماهو هين ترا الامساك يسبب سرطان للقولون الله يكفينا الشر
والله ينفع بنا وينفع بكم
وسامحوني على القصور لو الشرح فيه شي ماهو واضح:26:
وأمطرت سمائي عشقاً @oamtrt_smayy_aashka
محررة ماسية
يلزم عليك تسجيل الدخول أولًا لكتابة تعليق.
انسانة جديدة
•
ميرسيه
الصفحة الأخيرة