اخواتي ..الموضوع أبدخل فيه مباشرة..
كثير جدا يشكون من الامساك هذي الايام..والاسباب كثيرة جدا..
منها طبيعة الغذاء الفقير بالالياف....
أو كسل من الامعاء بالوراثة او قل الحركة او بسبب عدم الاستجابة لنداء الحمام على طول فتتعود على الكسل..
واحيانا بسبب الرجيم ..قلة او زيادة تناول الدهون..والمواد الحافظة..
المهم تعددت الاسباب والمشكلة وحده..
والنتيجة..احساس بالوهن..شحوب الوجه..عدم نزول الوزن..و توتر النفسية..وتتطور للبواسير والشروخ وهو طريق طوييييييييييييييييل..اذا بدا ماله نهاية..:icon33:
الخلاصة ..الحل يكمن بطريقتين..
اما تغيير العادات..يعني نشرب موية كل اليوم..نسوي رياضة..و تصيير وجباتنا 70% الياف وقليلة الدهون.. والكافيين..
وهذا خلونا صريحين مع انفسنا مستحيل..على الاقل مستحيل على طول..يعني نلتزم يومين ونمل..:35:
فالحل الاكيد واللي مالنا عذر بالعجز عنه..هو البديل الطبي..
عليكم بالالياف الصناعية كمكل غذائي..من الصيدلية او محلات جي ان سي..
ومامنها مضرة لو نستخدمينها طول العمر بالعكس هي تعتبر واقي بإذن الله من سرطان القولون ومشاكل الجهاز الهضمي والبواسير والشروخ..وتساهم في نفس الوقت بتخفيف الوزن لان الالياف تساعد في التخلص من الدهون الزايدة اثناء الوجبة..
وهي طبعا ملين وليست مسهل ابدا..يعني مو مثل السنامكي والاعشاب الخطرة هذي..
يعني كانك تاكلين طبق كبيييير من الخضار بالضبط..
وهذي طبعا نصيحة اكثر من دكتورة لي بعد معاناة سنين..
وممكن تتأكدون من هالكلام بسؤال الصيدلي..
يبقى اخبركم بعض الانواع وهي كثيرة بس هذي اللي جربتها..
نورماكول..من الصيدلية..تجي مغلفات حبوب صغار بيضاء..تبلع ومعها كاس مكوية كبيرة..مغلف او اثنين كل يوم..طعمه لذيذ ..
نورماكول بلاس..وهو نفس الاول بس حبوبه سوداء بدل بيضاء..وتاكلين كل يوم ملعقة مع كاس موية برضة..ولا ادري اذا فيه من مغلفات..
بيني فايبر..وهذا علبة مثل التانج بودرة تحطينها على كاس موية او عصير او روب..وتتناولينها عادي..تجي نكهات سادة او تفاح او ليمون..انا ما حبيت طعمها مع الموية بس مع العصير ماتحسين فيه.. ويجي منها مغلفات..
كولون بيور.من محلات جي ان سي..بودرة برضة..وتاخذينها ملعقة على كاس موية ..مرة او مرتين يوميا.اللي مو في السعودية يجي منها حبوب بعد ممتازة..
كولون كير..من محلات جي ان سي..تجي بشكل حبوب كبيرة شوي..نكهتها مثل النعناع شوي تاخذين حبة وحده كل يوم مثل اي كبسولة عادية..وهي اكثر شي ارتحت لطريقة تناوله يعني تكونين برا البيت او مسافرة مالك عذر حبة وانتهينا مافيه ذوبي واشربي ..
ونتيجتهم وحده تقريبا واسعارهم نفس الشي.. وامنة جدا وهذا اهم شي..حتى على مصابين القولون.. وتمتعوا براحة نفسية كل يوم في الحمام تكرمون..(فيس مستحي)..بس اوالله اكلمكم من تجربة مرررة..كنت اجلس بالعشر ايام تخيلوا من شدة الحالة..
طبعا لاحظوا يا بنات ان مفعولها مثل الالياف بالضبط يعني لا تاخذينها مع حبوب فيتامينات تحد من امتصاصها بس مع وجبة الغداء بتكون ممتازة..تخلصكم من الدهون وترتاحون في نفس الوقت..
واخيرا سامحوني على الاسلوب والاملاء وكل شي..كتبته بسرعة ولا راجعته..الغرض منه منفعتكم اولا واخيرا وارجوا فيه وجه ربي ..واتمنى اكون وضحت المعلومة كاملة..
بقي الان دعواتكم لي بتفريج امري عاجلا غير اجلا وكل المسلمين يارب العالمين..