لكل وحدة تفكر روحها عانس.../ يمنع فتح موضوع للتعقيب على موضوع اخر

للاسف طريقة تفكير مجتمعنا سلبية في كثير من النواحي وخصوصا في المواضيع الي تخص البنت
ومن هذي المواضيع الي تكسر خاطر كثير من البنات في بلادنا العنوسه او انا احب اسميه تاخر الزواج
لكن تدرون وش المشكله انه في غالب الاحيان الوحده تتسمى عانس او تفكر روحها عانس وهي بعد ما عدت ال25 سنه
وترى هذا عمر صغير مرررة وما في اي مبرر لاي احد يسمعك اي كلام بخصوص موضوع تاخر الزواج
لانه الي بتكلم في هذا المووضوع يكون ما عنده سالفه الصراحه

xxxxxxx

الي ودي اقوله يا اختي انه ربنا كتب نصيبك وربنا ادرى بكل الامور ويعرف وش اصلحك وش لا وارادة ربنا فوق كل شي
يعني ابدا ما تستعجلي روحك وتقبلي باول رجال يدق بيتك صدقيني هذي حياة وعمر بتعيشونه مع بعض ودايما اقول تقعدي معزوزة عند اهلك وما تروحين لرجال يهينك بس خاطر فكرتي الزمن مشي فيك وما تزوجتي بعد
شي اخر بغيت اذكرك فيه لو اجا رجال يخطبك ما اقدر اقلك ما تتوتري لكن لا تعلقي نفسك بالامل ولو ما صار نصيب ترى مب اخر الدنيا وانتي مو اول ولا اخر وحده يجي حد يخطبها وما يصير نصيب لان هذا الموضوع ياثر ع النفسية حيل وخلي ببالك ما يصير الا الي ربنا كاتبه
توكلي ع ربنا دايما
وربي يوفقكم جميعا حبيباتي