انا عندي ولدي بالمدرسة الفطور .. اسويله كورن فليكس مع حليب أو سندويتش جبن مع حليب ..

وللمدرسة ياخذ معاه سندويتش ناجتس أو بيض أو جبن مع زعتر مع عصير أو حليب صافيو بالفراولة وساعات احط له روب بالفراولة طبعاً هو من الليل يحدد شنو اللي يبغيه للمدرسة ...


الظهر يتغدى معانا من غدانا ..

العصر .. ياكل فواكه او شابورة مع حليب ..

العشا .. ممكن اطلب له من مطعم أو اي شي الخدامة تسويه له أو العشا اللي نكون مسويينه بالبيت ..

وبعدين يسبح وعلى السرير على طول ...


وعندي بنتي عمرها سنتين و9 شهور نفس الشي تشارك اخوها بالأكل .. بس صارت ضعيفة وايد نفسيتها تعبانة لأني قريب أولد وأجيب لها اخت .. :27:

والله يخليلكم عيالكم يا رب

ومشكورة صاحبة الموضوع على هذا الموضوع الحلو :26:

وانا عندي بنوتة وحدة بس وعمرها سنه وشهر يعني لا تروح المدرسة ولا الحضانة

وجبة الفطور : عمتى تعطيها حليب (لاني انا في الدوام) .
الساعة 10 الصبح تعطيها سيرلاك أو شابورة مع حليب
ولازم حبة خيار أو جزر في ايدها طول اليوم هههههه
والغداء وهذي اكبر مشكلة اعادني منها والله انها ما تاكل شي لا عيش ولا معكرونة ولا شي ....... :( وفظطر اني اعطيها حليب :( والله انها ما تحب العيش لدرجة اني احط صحن العيش أو المعكرونة عندها عشان روحها تاكل :(

والساعة 3 ترقد لين الساعة 3 ونصف بعد اعطيها سيرلاك أو اي بسكوت لانها ما تاكل شي

وبعد هذا البسكوت ما تاكل شي غير الساعة 12 يوم تبا ترقد واعطيها حليب :(

والله كب ما اسويلها شي ما تاكل حتى شوربة بعد ما تشرب ..... شو الحل وياها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا عندي اربعه الله يحفظهم يارب 2 مدارس بنت ولد واحد عمره 5 ونونو بس يرضع حليب

الي بالمدرسه بالصباح يفطرون ياا كورون فليكس او بيض بس السناوتش الي يحبونه دائما توست بالتونه معه ماينويز وكتشب

يرجعون من المدرسه يبون بطاطس مقلي عاد تكون الشغاله مجهزته لهم وبالعصر يتغدون معنا غذلء العادي

بعد المغرب احب اعطيهم وجبه خفيفه اي شي شوكلاته وفي بالمخابر الكبرى يبعون خبزصامولي محشي بالشكولاته مره حلوه يحبونها
واحيانا حليب مع شابوره
والعشاء عاد اي شي يامكرونه او سليق او اطلب لهم من مطعم ومعاه عصير لازم او لبن يشربون بس عندي بنتي الله يهديها متحب الحليب متعبتني وياليت عيالي بعد يبان فيهم بس الدكتور مطمني يقول بنيتهم كذااا

لا اعرف الله يخلي لج بنتج وتشوفينها عروس ...

حليلها ماوديتيها عند دكتورة اطفال او دكتورة تغذيه عشن عالاقل يوصفون فيتامينات لبتج..

في وحده من اهلنا بنتها حالها كان من حال بنتج وفوق هذا شيطوووونه وماتااكل شي ابدا

يعني عادي وجبه في اليوم وطبعا بسكويت وتفاحه ماتاكل منها غير قرمتين ...

وامها تحاول تنوع لها الاكل بس مافي فااديه خصه الدياي واللحوم وعيوش موول ماتاكلهم

بس قامت تحب العيش مع الروب (زبادي)

وبعدين امها يوم يئست ودتها عند الدكتوره فوصفت لها فيتامينات والحمدالله الحين البنت حالها احسن
وطولت شوي وفيها صحه...

وطبعا الاكل ماتااكله الا وجبه في اليوم عباره عن عيش وروب .. وطبعا رضعة الليل والصباح

بس الفيتامينات هيه ردت لها الروح...

مع العلم ان البنت عمرها سنتين ونص

مشكورة الغالية gogitta

عااد عن الشطانة حدث ولا حرج ههههه :17: والله حتى الروب والعيش بعد عطيتها ماشي فايدة لا والقهر اني اول ما ابدأ القمها على طول اتظهر الأكل من فمها :(

بس ان شاءالله خلال هليومين راح اوديها