للاجابة بوالله في وضع محرج راح أنجن وربي

حبيباتي اسعد الله اوقاتكم بكل حب وسرور

راح أشرح لكم حالة بس ابي الرد زي مو واضح بالعنوان تكفون تكفون
راح أحاول أختصر القصة عليكم ,,,,,

المقدمة :
عندي اخ متزوج عنده 3 فرفورات يا حياتي عليهم عمر اخوي 33 سنة متزوج له سبع سنوات كلمني أمس يقول ابي أتزوج وابي أطلق زوجتي ؟؟؟؟؟؟؟

الحالة :
اخوي
متزوج بنت عمي طبعا هذا عمي اللي تربينا عنده بالبيت لان أبوي متوفي قبل ينولد أخوي ووالله العظيم ما أحس أنا وأخوي الأ أنه في مقام أبونا وأغلى بعد ....

زوجة أخوي :
أنسانة طيبة وحنونة وحلوة وهادئة ومهتمة بأخواني أذا يجونها البيت بس عنيدة وما فهمت أخوي وتفهم الأمور بشكل غلط دائما بأختصارعندها سوء الظن غالبا في أي مشكلة تصير مع أخوي

زوجها :
راح أتكلم على أساس أنه مو أخوي والله العظيم ,,,,
أنسان مكافح جدا كريم طيب خدوم بار بأمي ... بس ما يعاملها بحنان ولا يتناقش معها ولا يصرف عليها تقول انه يصرف على الناس أكثر منها وأنسان متكبر لا يمكن أذا أخطا أنه يعتذر منها وجاف بمشاعرها معاها .

رائي الشخصي في الأثنين:

اخوي بصراحة أنسان مثقف مكافح جدا بس عنيد وعنده عزة نفس بشكل أقرب ما تكون للكبر وحساس ويحب الخير بشكل ويقدر عمي يقول هذا الخير والبركة ويعتبره أبوه

بنت عمي
انسانه طيبة حنونة عنيدة وعندها عزة نفس زي أخوي بشكل أقرب ما تكون للكبر وتسيء الظن عادة مو زي ما يقول اخوي غالبا

الخلاصة (هذا ما دار بيني وبينه )

اخوي يقول أنا صبرت عليها 7 سنوات والله كله عشان ما أجرح عمي أو عمتي وبنفس الوقت انا مليت ما عاد أقدر اتحمل طريقة تعاملها معي ما أبي أظلمها معي يمكن الله يرزقها بواحد أفضل مني مليون مرة لان وجهات النظر بيني وبينها دايم مختلفة انا افكر بالغرب وهي يأخذها التفكير بالشرق احاول افهمها تقول ايه فهمت وهي ولا فهمت حاجة يقول والله صرت اكره عمي وعمتي لانهم مدلعينها بقوة وهم عندي غالين جدا يقول الانفصال العاطفي موجود 80 % بيني وبينها نعيش في السنة شهرين حلوين والباقي هواش ومشاكل وقلق صرت أكره أدخل بيتي وبعدين أعرف عندي أطفال اذا حبت تجلس الله يحييها البيت بيتها واذا طلبت ورقتها الله وياها .....

بنت عمي
اخوك دبل كبدي والله ما يفكر يدق علي ولا يتطمن علي بس يدق على عياله ويسولف معاهم ويقفل ويرسل بمصروفي لما اكون عند اهلي واذا كلمته ما يحسنني انو مشتاق لي ابدا احس اللي جواه حديد مو قلب قلت لها يا قلبي والله لو حاولت تفهمينه انك راح تكونين اسعد انسانة في العالم وهالكلام يا بنات ورب الكعبة من جد لانه طيب جدا اقوله توكم جايني من تركيا مفروض انك تكونين مبسوطة منه ومن هالحكي ابي الطف جوها وش جاكم قالت لي والله انتي واقف مع اخوك وانتي ما فيك خير وطع الخط بوجهي عموما انا اعرف عشان هي معصبة والله عادي عندي ولازعلانه منها ولا حاجة دخل بخاطري بس نفسي انها تكون مع اخوي لانه طيبه ....

ملاحظة هامة ؟
الاثنين فيهم صفات مشتركة تجننت منها عنيد وعنيدة طيب وطيبة عزيز نفس مو كبر والله و عزيزة نفس مو كبر والله بار بأمه وهي باره بأمها حساس وحساسة يعني تقريبا صفات الاثنين تشابه بعض بس الفرق هو هادي يعذبها بالصمت والتطنيش وهي سريعة الغضب ولسانها طويل ......

والله العظيم يا أخواتي اني حاولت أكون صادقة مع الله ثم مع نفسي ثم معكم في كل اللي كتبته وناظرت الأثنين بعين وحده ما حاولت أفرق بيناتهم في خاطري وسامحوني على الاطالة صدقوني صرت احس اني في اختبار فيزياء والله


أسالكم بالله العظيم تعطوني رايكم بكل صدق والله ما راح أزعل