الله حـــــيهم
اقلطـن يابـنات
يالله انك تحييهم وتكثر من امثالهم --> تسمع بالموقدمات السنعه
وش تشربن
ديزل / فلاش / زيت سيارات ..
لاتصدقن عاد .. قايلين لكم فرع ستار بكس بالواحه << شانت الاخلاق :dry:
المهم ياطويلات القامه ==> القصيرة تطلع من اللحين
بما ان الـجو هـاليومين وش زينـووه والبر صاير يفتح النـفس والـقريحـه
خضرة وماء وماينقصه غير وجيهكن الحسنه :bkh:
وعلى قوله الشاعر
اذا شئت أن تلقي المحاسن كلها ففي "البر" تلقى جميع المحاسن
وبعيداً عن صجه المدينه وعوادم السيارات
سنحلق الى اراضي الصمان الخضراء لنعانق سحابها
ونستنشق عبير حشيشها --> لايروح تفكيركم بعيد
وعليل هوائها .. سنحلق رغم انف الرياجيل اللي يزعمون بأنها منطقه خطره وفيها ( عفاريت )
وماتصلح للحريم ( لتكون كشتتهم ذات نكهه عزابيه ) ..
سنحلق وياخوفي لايخلص البنزين وحنا نحلق
وبعد هالتحليق كله سوف نهبط في هالمكان الطيب
واللي تتوفر فيه جميع مواصفاة البر الناجح
شفتن هالبر ياسبحان الله يشبه برنا بالضبط .. :S_45:
أول شئ بنزل عفشنا وقشنا وعزبتنا
( وللي ماتعرف العزبه تراهي شنيطه فيها اغراض الشاي والقهوه )
وبعض العزب السنعه تلقين فيها كل حوسه الطبخ من رز وبهارات وبصل
وهذي ابدا ابدا ماتصلح للرفلات
المهم من الطبيعي جدا جدا اني راح اعزمكم على حليب نياق وكل ابوكن بتشربن
وتراه كله فوايد اللهم لو كنتي اول مره تشربينه
بيعمل لك تنظيف كامل للبطن --> قالو لك تنظيف بشره
يقالكم بأفتح نفسكم بهالصوره
ودامنا دخلنا بسالفه النياق محنا بطالعين منها غير بكرا
بالله ودي اسوي احصائيه بعدد السنعات بالواحه , اللي تعرف تحلب نياق ترفع اصبعها ؟
والله ادري انكم ماتدرون وش الطبخه
بس قريب ان شاء الله بنزل موضوع فيه شرح مفصل ووافي بطريقه الحلب
يمكن لاسمح الله بكرا ينضب النفط ونبلش فيكم :biggrin: --> انواع التناقض
فاصل اعـلاني
( ابدفنها بمكانها اللي ترد قبل لا اخلص هذرتي :dry: )
لاجيت أفكر كيف أفكر بلا كيف = والكيف كيف اجمعه وسط دله
مع قهوتي يا ناس تحلى السواليف = يرتاح بالي وريحها ما أمله