للتواصل مع الاخصائية د. ريهام عبد الخالق تجيب على كافة اسئلتكم عن الرجيم مشكورة

كل عام وأنتي بخير يادكتوره ريهام
أنا طولي 147 ووزني 95
لو سمحتي ..ابغى رجيم أنقص عليه 2كيلو أسبوعيا لمده ثلاثة شهور
و شكرا لك

هلا دكتوره عيدج مبارك وكل عام وانتي بخير

انه عمري 23 سنه و وزني 63 وطولي 153 سم ، برايج جم وزني المثالي ؟؟ وهل الــ 55 راح يكون زين علي ؟؟

ثاني شي انه وحده ما حب السلطات ولا الفواكه ولا اي شي من البحر ولا الحليب ؟؟ شنو اقدر اكل يعوض هالاشياء ؟؟

وسمعت ان شرب عصير جريب فروت على الريج ينحف وحتى قبل النوم بعد ؟؟ هل هذي صج ؟؟ وينفع من بدال ما اشربه فرش اشرب عصير جريب فروت كي دي دي

ادري نفخت راسج بس هذي اخر سؤال :)

ممكن تسوين لي رجيم ما يكون كلش قاسي يعني تخفيف وينحفني في شهرين لي الوزن المناسب !!! مع العلم اني اروح النادي العب رياضه تقريبا 5 مرات فالاسبوع لمده ساعه ونص تقريبا

مشكوره مقدما :)

السلام عليكم
دكتوره انا طولي 159 ووزني 75وعمري 20 وارضع طفله عمرها 4 شهور ونص مع الصناعي
كم الوزن المثالي لي وابغى رجيم لي ويساعد على ادرار الحليب لان الحليب عندي قليل ويقل مع قلة الاكل وهل الدراجه الثابته تنحف و تغني عن السير وكم اقدر انحف بهذ الرجيم بالاسبوع واتمنى يكون الاشياء الموجده فيه سهله اقدر الاقاها باي مكان والكورن فيلكس ينفع اخليه وجبه من الوجبات باليوم والعصيرات الجاهزه من السوبر ماركت مسموحه ولالا
ولك جزيل الشكر ومعليش على الاطاله

ماشاء الله عليك يادكتورة والله يوفقك ويرزقك كل خير ..

دكتورة أبحكيلك عن نفسي شوي ..وأتمنى ما أكون ثقلت عليك ..

أنا عمري / 17 سنة

وزني / يتراوح ما بين 77 إلى 76 كيلوجرام

الطول / 159 سم

بصراحه أنا وحده أموت بشيء إسمه نشويات وخصوصاً الفطائر والأندومي

ممكن تعطيني رجيم يناسبني ..؟؟وكم ينزل خلال الأسبوعين ؟؟يعني ما أبغى نزول سريع جداً سعنس لو بالأسبوع كيلو أو إثنين نعمة كريم ..وتسلمي يارب على جهودك والله يوفقك ويرزقك الخير

دكتوره فديتك جاوبيني
أيهما أفضل الماء الدافي أو البارد
للتنحيف

وأبي اطعمه فيها بروتين غير البيض
تنصحيني أكثر من البروتين
علشان أنحف
ومن المسئول عن تراكم الدهون بالزنود{العضود}
سامحيني عالأطاله