حياكم يالغاليات اتمنى ان موضوعي ينال على اعجابكم تفضلوا
******************
من المطار حلقت إحدى الطائرات وفي داخلها كانت بطلت قصتنا لهذا اليوم ولكن قبل ماندخل في أحداث القصة أكلمكم شوي عن بطلتنا عشان تكونوا على علم فيها الاسم : رهف
هوايتها : الرسم تحبه بشكل جنوني
مدينتها : من إحدى دول الخليج
جامعيه مرحه تحب المرح جريئة وتحب الرجة والدجه
مسافرة برحله هذه لسياحه
وفي لرحله بدأت قصتنا لهذا اليوم
جلست رهف على إحدى مقاعد الطائرة تقرءا مجله عشان تتسلى وتضيع الوقت وفي الكرسي الي جمبها حرمه كبيره ومعها أولادها بنت وولد وهي منسجمة
مع ألقرائه سمعت صوت
ولسمحتي لوسمحتي
رهف : رفعت أبعدت ألمجله عن وجهها عشان تشوف مين يكلمها طلعت البنت الصغيرة
رهف : اهلاياحلوه وشوتبين
البنت : أبي الميدالية حقتي طاحت عندك
رهف : أخذت الميدالية وقالت أول قولي لي وشمسك يحلوه وعطيك إياها
البنت : اسمي مينا
رهف : أنتي اسمك مينا وإنا بعد اسمي مينا تخيلي
البنت وهي فاتحه فمها: لاتضح كين علي ماسمك مينا وشو اسمك
رهف كيف ماتصدقيني اقولك مينا
البنت : قولي والله إن اسمك كذا
رهف : ههههههه صدتني يامشاغبه لا انااسمي رهف وشرايك حلو اواسمك احلى
البنت : اسمك حلو واسمي بعد حلو
رهف : ماشاءالله عليك شكلك جيتي لوحدك بطياره كيف ماتخافين
البنت : ههههههههههههههه لالا انا ماجيت بالحالي ماتشوفين امي جمبي وشفيك انتي وبعد معاي اخواني فهد واشرت بيدها علىالولد الصغيرالي كان فاقر فيهم ومدت رهف يدها مصافحه لفهد اهلايابطل كيف حالك
وبعد معنا اخوي تركي وأشرت بيدها على المقعد الي في الجهة الثانية التفتت رهف تشوف الاوتتفاجاء انه كبير
وشكله كان يتفرج عليهم من الأول احمر وجه رهف من الخجل وقالت ايو وسكتت الاان البنت قالت تعالي سلمي عليه ليش ماتسلمين عليه
رهف : لا خلاص مايحتاج بعدين
البنت : ليش يعني عشان عيب تسلمين عليه
رهف : ان لله وان اليه راجعون اقولك انتي تدرسين اوتوك صغنطوطه
البنت : هههههههههههه صغنطوطه لا انا كبيره ادرس
سنه اولى
رهف : سنه اولى ماشاء الله عليك اجل كبيره
فهد : وانا بعد كبير انا سنه ثالثه
رهف : اف عاد انت البطل الكبير صح
البنت : لالا اصلا ماهو الكبير تركي اخوي اكبر منه
ودبت هوشه بين فهد ومينا انا ال اكبر اقولك مانت كبير
انت توك صقير تسوي نفسك بس والله اوريك ويشد شعرها
رهف : خلاص خلاص كلكم كبار وهي تفك بينهم انا الي صغيره وشرايكم ترى ازعل عليكم كذا الابطال
يسون افا بس افا
رهف : شوفوا انا عندي حل انتي بسميك ميمي البطله
وانت البطل فهودي وشرايكم اتفقنا
رد جماعي اتفقنا
البنت وانتي نسميك البطله رهوفي
رهف : هههههههههههه اتفنا
البنت : طيب وتركي وشو نسميه عشان مايزعل علينا
رهف : لالاهذا كبير مره خليه في حاله بس احنا عشان جمب بعض بس هو بعيد مايحتاج نسميه
البنت : تكلم رهف في اذنها انا احب تركي كثير بس هو
مسكين مايمشي زينا يمشي بالعصايا مايقدر يمشي بدونها
رهف : انصدمت صدمه كبيره وحست بشفقه عليه معقوله شاب في سنه مايمشي مسكين هذا الي قالته
رهف في صدرها من غير مايسمعها احد وختلست
نظره له لقته يقراء جريده فستقلت الفرصه
وسالت مينا بشويش ليش مسكين وشفيه
مينا : هواول كان زينا يمشي بس طاح من فوق الحصان
وتعوروصاركذا هويموت في الحصن حتى في بيتنا
عندنا ثلاثه كلا هاحقته حاطينها في الحوش ماهوفي بيتنا داخل
رهف : ههههههههههههههههه اكيد ماهو في بيتكم
البنت ايوا في مكان يسمونه طبل
رهف : قصدق اسطبل يابطله ومين الي يسميه كذا
البنت : ايوا اسطبل هوتركي الي يسميها كذا
وسكتت رهف ورجعت تقراء المجله لكنها في المره هذه ماصرت تشوف الحروف سرحت وسرحت لحد ماسمعت صوت
مينا مينا تعالي تعالي هنا وكان تركي هوالي يكلمها راحت له وكلمها في اذنها وهزت مينا رئسها كانها تقول طيب ورجعت مينا مكانها ورهف تشوفهم بالخلسه
وسالت نفسها ياترى وشو قالها ياليتني اعرف وبماانها
فضوليه قالت لمينا شوفي شوفي يامينا
هذا اسبونج بوب تعرفينه
مينا : الله الله ايوا انا اعرفه واحبه كثير اشوف وريني ودخلت مينا ورهف بالمجله وسالتها رهف وشوقال لك
تركي
مينا: يقولي اقعدوا عاقلين لاتزعجونها يعني انتي قلت لاهي اصلا صديقتنا وهي الي كلمتنا قال طيب بس برضوا
اقعدوا عاقلين لا تزعجونها قلت له طيب احنا ازعجناك قالت رهف لابالعكس انا مبسوطه معكم
رفعت مينا راسها وصرخت : تركي شفت قلت لك ماازعجناها هي اصلاصديقتي
تركي : حط اصبعه على فمه وقال اش طيب طيب خلاص ونقزت مينا من مكانها وراحت له كانت رهف
ودها تمسكها وتقولها لاتروحين خافت انها تقوله انها
تقوله انها سالتها عنه بس مينا راحت بسرعه وجلست
تكلمه ورهف على اعصابها وهي تقول يربي هالبزارين
الاطفال ماينقال لهم شيء الاوتسمع احد جمبها يقولها
لوسمحتي التفتت رهف لقت الام قامت من نومها وقالت
الام : لوسمحتي كم الساعه الله يعافيك
رهف : ها ايوالساعه 8ونص
الام : ياه لسه باقي وقت طويل الله يعين
رهف : ايو الوقت طويل بس عيالك ياحبيلهم وسعوا صدري بسوالفهم والله ماحسيت في الوقت
الام : والله اخاف انهم ضايقوك الله يصلحهم شياطين ولسانهم متبري منهم
رهف : بالعكس والله انهم زي العسل
طلعت رهف من شنطتها دفتروقلم وجلست ترسم
وقالت لها الام انتي جيتي يابنتي لوحدك اومعك احد
رهف :لاوالله لوحدي انا احب هالبلد واحب اتمشى فيها
وانتي جيتي انتي وعيالك هذول بس وكانها ماتدري
الام : لا طبعا وولدي الله يحفضه واشرت عليه
جينا هنا عشان ولدي الله يخليلي قلبه يوم شافني ضايق صدري قال الاتروحين توسعين صدرك والله انه حنون
بس مسكين ماله حظ
رهف : مسكين ليش عسى ماشر وشفيه
الام : تعور على رجله ومن يومها وهو رافض يتزوج
وكل ماجيب له سيره الزواج يسكره ويقول مين هذه الي تبي تتزوج واحد مثلي وانا امنيت حياتي اشوفه متزوجواشوف عياله
رهف : طيب هو ماله علاج
الام : ياليت لاوالله ماله علاج بس هو حالته ماتستدعي كل هذا بس هوحساس ياعين امه
رهف : الله يشفيه ان شاء الله وتفرحين فيه يارب
الام : تسلمين لي والله الاماقلتي لي الحين بتنزلين عند احد تعرفينه اوبتسكنين في فندق زي حالتنا
رهف : هههههه لازي حالتكم بسكن بفندق انا متعوده
اجلس فيه كل ماجيت هنا
وجلست رهف طول الوقت ترسم وتسولف وتضحك مع الام ومينا
وفهد وكلهم حسوا كانهم يعرفون بعض من زمن وراح عليهم الوقت من غير ماحسوا ولما وصلت الطياره المطار سلمت رهف عليهم وكانت المفاجائه ان تركي
وقف وجاء عندهم عشان اهله وشافته وكانت تتوقع انه مشلول شلل كامل لاكنه طلع يعرج ويمشي ومعه العصا سلمت عليهم ومينا جلست تبكي لاتروحين خساره
يعني مانشوفك وتبكي سلمت عليها رهف وهدئتها وقالت لها خلاص ياحبيبتي انا بجي ازوركم في المكان الي بتسكنون فيه الا انتوا أي فندق بتسكنون ترى انا اعرف فندق رهيب انا متعوده اسكن فيه وشرايكم تسكنون فيه اذا تبون
الام : الاوالله ياليت انا بصراحه ماعندي مانع وفرحت مينا ايوا ايوا نبي نسكن معها
الام : خليني اقول لولدي وراحت قالت له ومكان عنده مانع وسكنوا في نفس الفندق اخذوا لهم سويت وهي آخذت غرفه مقابل لهم وفي وقت الغداء سمعت رهف
الباب يطق فتحته طلعت مينا
رهف أهلا بالبطلة ميمي
مينا : أمي تقولك إحنا بننزل نتغداء تحت في المطعم حق الفندق وشرايك تجين تتغدين معنى
رهف : ماصدقت طارت من الفرحة وباست مينا بوسه كبيره وقالت طيب انتوا انزلوا وانا بلحقكم بجي وراكم
لبست رهف فستانها النيلي ولبست عقدها الكرستال ورفعت شعرها على فوق ونزلت اول مادخلت جتها مينا وفهد ومسكوها من يدها وجابوها قامت الام وسلمت عليها لكن تركي استأذن وراح تضايقت رهف وقالت للام انا شكلي ضايقته قالت لها الام لالا هو كذا معليك منه اجلسي ولاتهتمين وجلسوا يتغدون وقالت لها الام
شوفي بكره احنى بنطلع برحله بالسفينه وشرايك تروحين معنا قالت انا ماعندي مانع لكني خايفه اضايق تركي لكن الام قالت لها لا لاتضايقينه ولاشيء انا بصراحة ارتحت لك وصرت اعدك زي بنتي وحتى مينا
وفهد حبوك اول مره اشوفهم يتعلقون في احد كذا لكن انا
ابك تركبين السفينه ولما تشوفينا بدينا في الاكل تعالي علشاني وافقت رهف لكنها استغربت من هذا الطلب وعرفت القصد منه لما دخلت عليهم وهم يتغدون جاء
تركي بيقوم الا ان امه قالت له اقعدا قعد وكمل اكلك هذه
رهف صارت ماهي غريبه اقعدي يابنتي وتغدي معنى
والله اني تعوت عليك الله يعيني على فراقك وجلست رهف معهم وصارت زي عوايدها تضحك وتمزح والام
ومينا وفهد جدا مبسوطين ضحك ووناسه لاكن تركي ولاكلمه كان ياكل وهو ساكت ولانظره ولابتسامه ليش دمي ثقيل هذا الي كانت تفكر فيه رهف باليل وهي على سريرها ليش شكلي ثقلت عليهم بس كلهم مبسوطين اشمعنى هو لا اهم شيء على الواحد كرامته انا بكره مراح اروح معهم شكله يبي ياخذ راحته مع اهله ولما
جاء من بكره اتصلوا فيها وطلبوها تجي معهم لكنها اعتذرت ان عندها شغله بتسويها وعلى العشاء نفس الشيء ولما جاء اليوم الثاني جت الام بنفسها وسالتها
اشفيك يابنتي اتمنى مانكون ضايقناك اوزعلناك واصرت عليها انها تقول السبب وضطرت رهف انها تخبرها لاكن الام قالت لها يابنتي لاتزعلين منه وانا بصراحه عن جد حبيتك من كل قلبي واتمنى انك اذا
ماعندك مانع تصيرين بنتي الثالثه مينا وبنتي المتزوجه وانتي وشرايك
رهف :اكيد ياخالتي انتي زي امي واكيد اعتبريني بنتك من الحين
الام : بس مش بس بالكلام انا ابيك تصيرين زوجت ولدي
رهف : كيف بس انا
الام : لاتقولين ولاكلمه فكري على راحتك هذا زواج ماهو لعبه وصدقيني يابنتي ان تركي انسان تحلم فيه أي بنت ماهو لانه ولدي لاوالله لكن لانه طيب وشهم ويحب الخير والكل يمدح فيه بس عيبه الوحيد العرج الي في رجله وهي زي منتي شايفه ماهي مشكله هذاهو يروح ويجي ماهي مشكله الاعنده وابوه يوم توفى الله يرحمه
خله له ثروه تخليه ماهو محتاج لا لشغل ولاشيء ورغم كذا مصانع ابوه والحلال كله هوالي يشرف عليه بنفسه والله يابنتي ماتعرفينه مرح ودمه خفيف ويحب المزح زيك بضبط لكن سالفت رجله هي الي ماثره عليه بس
رهف : طيب وهو موافق على الي قلتي عليه او هذا ريك
الام : انا ام واعرف ولدي انا متاكده انك عاجبته ومن يوم احنا في الطياره بعد ولدي واعرفه عشان كذا يبتعد مايبي يتعلق فيك هذا شيء انا متاكده منه وانا احس انه
مش بس هواذا ماخاب ظني حتى انتي عاجبك او انا غلطانه
رهف : نزلت راسها مستحيه وحمرة خدودها وابتسمت
الام : ضحكت الام وقالت كان ظني في محله لكن في مشكله وهي انه رافض الزواج نهائي دايم كان يقول ماابي اظلم الي بتزوجها معاي عشان كذا انا لوقلت له
بيرفض فانا ابي اخليه هوالي يطلب بنفسه بس يد وحده ماتصفق انا ابيك انتي تساعديني وتاكدي انك مراح تندمين وشرايك
رهف : انا اساعدك كيف ياخلتي
إلام : إنا بقولك وشو تسوين
وهنا توقف مخ الماهرات عن التاليف اقرائوها ان اعجبتكم كملت الجزء الثاني وتكمله سوف تكون في موضوع ثاني واكون سعيده لوشفت ردودكم غالياتي
القصه من تاليفي 0000الماهرات