مررررررررررررحبتين أم روضة.. شحالج وأخبارج؟؟
مشكورة على ردج والله يسهل عليج ويرزقج الذرية الصالحة يااااااااااااارب.. سيري من ألحين جهزي الأغراض لأنه مابيمديلج وخاصة انج أول مرة مرة ويالله بدوا المحلات في التنزيلات وهذي فرصة.. اذا انتي من دبي سيري دبنهامز يقولون مسوي خصم 50% وأغراضه حلوة.. ومذركير بعد منقصين وخاصة لوازم السرير.. ومب كل البضاعة.. واقري عزيزتي باقي الموضوع اللي كتبته تحت وانشالله يفيدج بعد الولادة..

خوااااااااااتي.. بكملكم الموضوع بس ألحين للنفساء مايخص الطفل أبدا..

أولا: لازم تاكل أشياء حاااااارة عشان تنظف بطنها.. مثل ( حبة الحمرا ) وهي عبارة عن حبوب صغيرة حمرا تنباع عند العطار مادري اذا عرفتوها والا.. المهم احنا من عوايدنا انا لازم ناخذها بعد الولادة.. وأكيد أهل الامارات يعرفونها.. وحتى فيه وصفة من حبة الحمرا يعطونها للرضع تنظف بطنهم بس هذي ماجربتها بس سمعتها.. والأحسن انها تتجهز قبل الولادة عشان تنتقونها لأنها فيها حصى ووصخ وتاخذ وقت.. وفيه بعد حد يشرب الحلبة بس أنا أكتفي بالأولى.. ومرة بعد شربت الحلبة بس كانوا مسوينها بطريقة حلوة ماتنطعم..

ثانيا: لاااااااااااااااااازم ومن الأفضل انها تتغسل بالماي والملح بس تتغسل ماتيلس (تجلس) فيه مثل الأوليين.. لأنه الوصخ بيطلع وبيرد يدخل وماسوينا شي.. وفيه بعد شي ثاني أسمه ( قرط ) ينباع عند العطار فيه قطع وفيه ناعم .. كله زين بس الفرق انه القطع لازم تتنقع في الماي بس الناعم أسهل على طول يستخدم.. وطريقة استخدامه.. تاخذين ملعقة كبيرة منه وتحطينها في الماي وعادي اذا خلطتي الملح وياهم مرة عن مرتين.. وبس تتغسلين فيه تراااااااااااه وااااااااااااايد زين ينظف ويلم الجرح والمكان.. اممممممممممممممممممممممممممم شوووووووووووو بعد .. انشالله اذا ذكرت بعد شي بخبركم اياااااااااه بس همتكم في المشاركة.. مع السلااااااااااااااااامة..

الله يجزاك خير ياام سلامي ويوفقك ويسهل عليك ولادتك اذا كنتي حامل ..

بصراحه موضوعك شامل بس عندي اضافه بسيطه لبيبي وهي سرير يدوي اللي ينشال فيه الطفل اعتقد انه ممتاز ومريح وخاصه للام اللي زي حالاتي ماتعرف تشيل ..

مرررررحبتين وهلا ببنت العز.. مشكووووورة على ردج .. بالنسبة للي ذكرتيه .. السرير اليدوي أو السلة حلو للي تتنقل من مكان لمكان يعني فيه عدنا اللي يسيرون أبوظبي اسبوعيا ياخذونه يفيدهم في السيارة.. بس هو يكون لفترة محدودة لأنه الطفل يكبر ويضيق عليه.. أما عني خذته وماحسيت انه كان يرتاح فيه وماستخدمته الا كم يوم بس..

ذكرتيني بشي هوالشنطة اللي يحطون فيها الصغير مثل الفراش بس فيه سحاب ويتسكر عليه ويكون طالع راسه بس .. انشالله تكونون فهمتوه.. دورتلكم صورة وماحصلت..

السلام عليكم .. ان شاء الله الكل بخير وسهاله
مشكوره يا أم سلامي على الموضوع الحلو ، أنا بحاجه لهذه النصايح خاصه إني في غربة وما عندي حد من أهلي غير الله ثم زوجي الله يحفظه ويحفظ كل الأزواج.
حبيت اضيف وصفه لطريقه (( الحبة الحمرا )) أو (( التفه )).
((الحبة الحمرا )) أو (( التفه )) مثل ما قالت أم سلامي في وصفها هي عبارة عن حبوب صغيره لونها أحمر ، إحنا في الإمارات نسويها على شكل شوربة ولها مسميات عديده من ضمنها ( السخانه أو السخونه ))


هذه احدى الطرق:

كوب طحين
فنجان (( التفه )) الحبة الحمرا ، ( تنقع في الماء مدة 10-15 دقيقة))
2 بيضه ( على حسب الرغبه )
راس بصل ( على حسب الرغبه)
فلفل أسود
رشه كركم( على حسب الرغبه )
راس بصل
ماء نصف القدر
ملح

الطريقه :
قومي بتقطيع البصل قطع صغيرة وضعيها على نار متوسطه حتي تزبل
اضيفي البيض وقومي بالتقليب الي ان ينضج البيض
اضيفي رشه الكركم والملح والفلفل الناعم .
اضيفي الماء تقريبا من 4-6 اكواب
اضيفي الطحين مع التقليب المستمر على نار هادئة
اضيفي الماء اذا لزم الامر
اضيفي (( التفه )) الحبه الحمرا
تأكدي ان النار متوسطه الحرارة
قومي بتقليب من حين الي اخر الي ان ينضج



ارجو ان اكون شرحت بطريقة واضحه ^_^

اختكم الندى