هلا بندى.. شحالج وأخبارج بالغربة؟؟ الله يعينكم والله ويخليلج زوجج انشالله..
مشكورة على ردج وطريقتج في حبة الحمرا شوي تختلف في الطريقة بس المقادير وحدة لاكن احنا نسويها بدون بصل..
يزاج الله خير والله يعطيج العافية..
مرااااااااااحب اختي أم روضة.. الله يسمع منج ويعطيج بنوته وتسمينها روضة .. واضح انه عاجبنج..
عزيزتي بالنسبة للولادة والتساهيل كلها بيد الله.. وانا بس والدة مرة وحدة وفي انتظار الثاني.. بس بقولج من تجربتي.. يقولج فيه رياضة بسيطة للحامل تسويها وأحسن في التاسع أو اخر الثامن.. هي انج تحركين عضلات الرحم من داخل كأنج بتسيرين الحمام (وانتي بكرامة)بس ماسكة عمرج.. انشالله فهمتيها يعني مثل تشفطين الرحم وترخين.. سويها كل ماتذكرين وهذي الحركة تفيد عضلات الرحم وااااااايد.. وشوفي بعد من تجاربي اني قمت أشرب زيت الخروع تقريبا ملعقة كبيرة منه في الماي أو العصير أو حتى شاي الاعشاب ( سنوت وكراوية وفوطن ومرامية ….. اللي تحبين).. أقولج لا تخافين منه ترا هو بيسويلج شوي حيسات في بطنج وبتحسين باسهال بس عادي هي مرة أو مرتين.. لاكن اذا يتج الام الولادة تراه يزيد الالم وبيساعدج باذن الله.. يعني مافيه شي يخوف.. وكم وحدة من ربعي مجربين وهم اللي مخبريني عنه..بس خواتي كلهن خوافات ومارضوا يجربونه.. بس والله عادي.. ووحدة منهم تشرب ماي وفيه زعفران وتقول انه يساعدها في الولادة وطبعا هذا وقت العوق لاكن انا ماقدرت اشرب شي هذاك الوقت بس الخروع شاربتنه من الليل وبدابي العوق الفجر وهو يزيد ولين الظهر أنا مربية.. OK بعد فيه نقطة مهمة اذا كان فيج ألم ولادة اخذي شهيق وزفير وايد يعني تنفسي بقوة لأنه يساعد على انفتاح الرحم.. امممممممممممممممممم شو بعد؟؟؟؟!!! بس هذا اللي أذكرة واذا ذكرت شي ثاني من عيوني والله بكتبلج مرة ثانية واذا عندج أي سؤال أنا بعد مستعدة اهنه والا بالخاص.. أشوفج على خير ومع السلامة..
السلام وعليكم حبايبي.. تذكرت نقطة بالنسبة لسرة الطفل .. قبل كنا نحطيلهم المطهر السبيرتو بس لحد مايطيح وبعدين البودرة الامبي.. لاكن ألحين على القول فيه تجارب جديدة وطبقوها في مستشفى الكورنيش انه مايحطون على السر شي الا بعد مايطيح يحطون البودرة وبالفعل وحدة ولدت عندهم وسوت هالطريقة وبس 5 أيام والسر طايح.. وطبعا الخيار ااااااااااالكم أولا وأخيرا بسأنا من وجهة نظري هذي الطريقة أحسن من الأوليه.. باااااااااااااااااااي
فعلا كفيتي ووفيتي الف الف شكر
وبعدين لا تنسوا تحضير شنطه للمستشفى وكثرى ملابس للنونو
احتسابا للطوارئ وشنطه للمراه الحامل لان الولاده تكون مفاجأه
:) الف تحيه سكريه :)
وبعدين لا تنسوا تحضير شنطه للمستشفى وكثرى ملابس للنونو
احتسابا للطوارئ وشنطه للمراه الحامل لان الولاده تكون مفاجأه
:) الف تحيه سكريه :)
الصفحة الأخيرة
من خلال تجربتك أختي um salamy شوه الوسيلة الي تسهل آلام الولادة أو على الأقل تخففها
أريد طريقة مجربة و مضمونة لأني وايد خايفة من آلام الولادة و خاصة أول ولادة لي
و انت ما قصرت و خبرتينا عن الطرق الي تلم الجروح ما بعد الولادة و مشكووووووووووووووووووووورة وايد.