للحوامل ... وغير الحوامل .. تفضلن بالدخول ..

انا اول من يشارك بموضوعك..:27:


طبعا انا توني طالعة من الولادة من اقل من شهر..

وكان أول حمل لي..


من اول مادخلت شهري التاسع صرت كل يوم افطر على سبع رطبات.. وآكل تمر بعد خلال اليوم..
ماكنت اشرب شي معين..
كان معاي حرقان حارمني من الأكل والنوم :(
أما بالنسبة للمشي.. للأسف ماكنت اقدر امشي لأني كنت اتعب مرة.. والجو كان حااااااااااااااااااااار مرة
بس كنت احاول اسوي بعض التمرينات عشان اقوي عضلات الحوض
وكنت دايما ادعي.. ربي يسهل ولادتي.. خاصة اني مالي احد من بعد الله إلا زوجي واختي!

للأسف ماجاني اي طلق لين خلصت التاسع..
الدكتورة نصحتني اني اخذ طلق صناعي ، بالفعل رحت اول يوم بالعاشر للمستشفى واخذت الطلق الصناعي
وبعد معاااااااااااااااااااااااااااااااااااااااانااااااااااااااااااااااااااااااااااااااة مع ألم الطلق.. الحمدلله جبت بنوتة حلوة الله يخليها يارب..

وزنها كان 3200 مع انهم كانوا قايلين لي ان وزنها 3700 عن طريق الاشعة!! فانتبهوا لاتثقون بالوزن اللي تعطيك اياه الدكتورة اثناء الحمل لأنه تقريبي..

أما سؤالك عن اذا كانت الولادة سهلة ولا صعبة.. فهذي اول مرة بالنسبة لي.. اشوفها كانت موووووووووت

بسسسسسسسسسس

لا تخافين.. كل شي يعدي ويمر..

بس اهم شي نصيحة لكل حامل لأول مرة..

اذكري الله طول فترة الطلق.. واقري آية الكرسي.. وادعي
لاتصارخين ولاتتشكين..

أنا بعد مثلج أختي رجيق الزهور في الأسبوع 36 بس أبي أشوف إنتي مثلي أنا كان أول يوم في آخر دوره 22- 12 -2003 يعني متى أدش التاسع :27: وبالنسبه لي حملي الثاني والأول كان قبل 7 سنوات يعني نسيت كل شىء تقولي بكريه وأبي معلومات أنا بعد وبغيت أسئلج عن وزن جنينك ألحين كم ؟لأني سويت سونار قبل يومين وقال وزن الجنين كبير يمكن نولدج قبل لاتخلصين التاسع وانا خايفه فأرجوج قولي لي كم وزن جنينج ألحين فيه حريم قالو لي لاتسمعين كلامه خليج على طبيعتج ولا تخلينه يولدج قبل موعدج وانا محتاره يابنات وش أسوي:( :44: :24:

انا الحين في الاسبوع 36 وولادتي ان شاء الله بتكون بتاريخ 16-9 ادعوا ان الله يسهل علي لان هذي ولادتي الخامسه وهالمره ما ادري ليش خايفه وايد احس مافيه قوه
وعلى فكرة انا دايما اتاخر في الولادة يعني اخذ شي من العاشر
وانا صارلي اسبوع تقريبا امشي بس مب هاك المشي يعني نصف ساعة واشرب زعتر واكل رطب
والله يسهل على كل الحوامل

أختي موج وأم مشاعل مشكورين على المشاركة ... وأنا بعد آكل رطب وأمشي بس ما أمشي وايد يعني بالكثير نص ساعة ...
أختي وصيفة أنا موعد ولادتي 24-9-2003م
أنا بتاريخ 24-8-2003م بدخل في التاسع أما أنت فبتدخلين بتاريخ 28-8-2003 م في التاسع ... أما عن وزن البيبي وزنته من ثلاث أسابيع عند الدكتورة .. كان وزنه 1900 جم تقريبا
إن شاء الله نولد كلنا بالسلامة .......:21:

مشكوره حبيبتي رحيق الزهور ثلاث أسابيع وايد أكيد ألحين أكثر من 1900 أنا قال لي الدكتور وزنه 2800 إش رايج صج كلامه كبير :26: يعني بيني وبينج أربعه أيام :42: خلينا نشوف منو بتولد قبل :o الله يقومنا ويقوم كل حامل بالسلامه ياااااااااااااااااااااااااارب:17: