اهليييين اختتي البنااات ماقصروا بس حبيت اشااارك وانتي كل يووم سوي وحده من الطررق لحد ماتثبتين لك على اللي يعجببك


اما كبستي انا
اقطع بصله متوسطه ثمن احط زيت عاافيه عليها تقريبا نص بياله << بما انك عليميه تفصييل هههههه
وبعدين اجيب طاحونه الطماط واحط فيها طماطتين وجزره وشوي مويه علشان تحركها يعني بياله مويه المهم اخليها تطحن وبعدها احطهاعلى البصل ثمن اجيب الدجاجه واحطها اذا زوجك راعي اكل حطي دجاجه واذا عادي حطي نص لانه راح ياكلها عنك هههههههههه
المهم حطي البهارات اللي عندك مطحونه شوي ملعقه شاي وحطي ملعقه كبيره ماجي ابيض ثمن خليها شوي خمس دقايق تتسبك مع بعض
وبعدين حطي المويه الحاره عليها املي القدر الا شوي وحطي 2 فلفل حار كامله علشان تعطي ريحه حلووه للكبسه واذا تحبين تحطين دارسين عودين صغاار وليمون اسود 1 لاتكثرين علشان مايصير حامض وخليها تطبخ لها نص ساعه علشان تصير الدجاجه لينه وحلوه مو تطلع يالله تنققطع
وطبعا لاتنسين الملح عاد الملح على حسب الرغبه او حطي ملعقتين اكل
بعدين جيبي الرز اللي انتي منقعته من قبل انا وزوجي احط لنا اربع بيالات رز هههههههههههه مااعرف اقوس الا بالبياله عاد انتي حطي اول يوم اربع واذا كفتكم حلو امشي عليها ولا من بكره زودي او نقصي على كيفك
المهم جيبي الرز واشخلي المرق زين وشيلي كل الزيت اللي فيه لاننه زيت حيواني طالع من الدجاجه مضر وحطي الرز ويكون ارتفااع المرق عن الرز تقريبا 2 سم وغطي القدر وخليه على حراره عااالييه لحد ماينشفف معاد يصير فيه مرق وبعدها قصري عليه مررره وخليه عشر دقايق او ربع ساعه
عاد سررر المذااق الحلوو
جيبي لك بصله وقطعيها و حطي عليها زيت تتقريبا بياله ليش تحطين بياله ؟ لانك بتكونين مبعده الزيت الحيواني عن الرز وبيكوون نااشف وهنا راح نعووضه بزيت نباتي اصح واحسن وخليه يذوب البصل وبعدين حطي شوي بهاارات وفلفل اسوود شوي بس وماجي ابيض وحطي عليه نص علبه معجووون طماطم وخليه خمس دقايق ثمن حطيه على الرز اذا نششف يعني او ماينشف الرز حطيه عليه وغطيهم وخليهم سوا عشر دقايق علشان يكتسب الرز طعم الكشنه


اما الدجاجه خوذيها وحطيها في صينيه الفرن وجيبي لك صحن صغير وحططي فيه معجون طماطم ملعقه ونص وحطي عليه ملح شوي وبهارات وفلفل اسسوود واخطيها بشوي مرق او مويه ثمن ادهينها بها كلها ثمن حطيها بالفرن تتحمررر

اممممممممممممم تراااهااااااااا روعه من جد هذي اسمها الكبسه الكارثه هههههههههههههههه عاد ترى ععورني اصبعي وانا اكتب ياويلك ان ماسويتيها بذبحك :(


يالله بالهناء والعاافييييييييييييه
ولاتنسينا من صالح دعائك

شوفي الاميره كاتبه طريقة الكبسه بالتفصيل

تسلمون على الوصفات الرائعه مع جزيل الشكر والعرفان لصاحبة الموضوع

انا فاشله في الكبسه

ام سلمى
يعطيك العافية طريقتك مرة واضحة وان شاء الله اجربها بس ابي اسال سؤال وش البزار ؟