الله يسلم عمرك ويسهل ويهون عليه وعليكم انا ابا اسمن بس مو كثير يعني شويه بس عشان ماما ما شافتني من سنتين وحرام تشوفني كذا مدري عاد الله يكتب الي فيه الخير
الله يسلمك فريش ميلك ودانه والشر ما يجيكم يارب ولا يوريكم سوء
دانه ما شاء الله عليك انا عندي اغراض من ماك بالذات ارواجهم وبودرات الوجه وكذا بس خطتي ان شاء الله في الشدوهات لا ماعندي شدوهات منهم وعندي سؤال هو بس انا ولا كلكم زيي هنا اشتري ميك اب بالهبل وما استخدمه ولا حتي يوميا ولا اسبوعيا غير اذا فيه مناسبه بالذات مع الدراسه ما احب احط في وجهي شي واطلع
فمكوم عندي اكوام اكوام بس مع الجو بارد ما احس انو يخرب ولا ايش رايكم
وبالنسبه للعطورات يقولو هنا اصليه الي في السعوديه مو اصليه بسبب الكحول ما يكون فيها او بنسبه بسيطه موجود فخذو عطور من هنا
ان شاء الله اليوم رايحه المول لما ارجع اخبركم ايش شريت
وسلامتكم

ايوه نسيت من ماك الاي لاينر الجليتري مره عجبني واسعارو والوانه حلوه انا تقريبا عندي كل الالوان ونفعني ليه لاني ما اعرف ارسم خط الاي لاينر الاسود كويس وهاذا مع مافي لون قوي بس الجليتر فيخلي الرسم سهل لو افتكرت شي ثاني احطه

بناات خلوونا انحط برناامج عنااية كاامل من اعلى الراس الى اخمص القدمين ( يا عيني على العربيه )
ونطبقه كلنا خلال الشهرين ....يالله مع بقى وقت ...وموضووع الرجيم والريااضه نتاابع مع بعض من خلال مساابقة فتااة سووريه للتشجيع ...يالله اللي عندها اي برنامج جااهز تتفضل ....


وانا اريد اسألكم عن اي منتج ممتاز لتطويل الرمووووووووووووووووووووووووووش يبااع في امريكا ..اللي تعرف اتخبرني ..بلييييييييييييييز ....

يا بنات انا حوليت مرة ..

ماشاء الله أم ريوف أظن عندها بنات في سن بنتي .

بنتي رح تكمل 8 بعد يومين .. ومن زمان هجرنا جمبوري .وغالباً أشتري لها من أولد نيفي . وكولز .

ليمتد تو قفل وماعاد فتح في المول الجديد.

دحين يافريش ملك قلتي مانشتري شي؟

رح تضحكوا علي أجل .أنا عندي هوايات رسم وتلوين .. والأشياء من هنا أحلى وبعضها مو موجود هناك.

أول أمس اخت زوجي قالت لي مهي لاقية سنارة كروشيه .. ماني مصدقة كيف ملقيت .هي ساكنة في المدينة.

نحنا رح نرجع جدة . وحاسة إني مو مرة مهتمة بالملابس خاصة إن الجو هناك العكس . ويبغالي كله خفيف .

يمكن أستنى بعد الإيستر .اروح اشوف ايش عندهم .

بنتي عادة آخد لها بعد الإيستر كم فستان حق مناسبات . وحدة مرة لقيت لها في تارقيت بـ 20$ بس ولا أحد صدق إنه بضاعة تارقيت.

ايش كمان ..!! ايوة خرابيط المطخ اتذكر الهندية قالت جيبوا اواني كل يوم لأنه مافي وقت تشتري وفوق كدا نضيع فيها فلوس .

مالي نفس اجيب هدايا :( مرة مخي حايس وقاعدة اقلب في الشغلة ستة وستين مرة .

كمان عندي ولدين . واحد 10 وواحد 6 سنين .

ماني لايقة لهم شي عدل . لازم استنى اجيب لهم من هناك . حق هنا هلافيت والا بدل رسمية .

ولو تعرفوا شي عن الملحقية لأنه نحنا على الملحقية وكنا نفكر في الشحن بس شكله مافي شحن ولا غيره.

بنات نفسي اشتري قاربج ديسبوزل .. اليي تحت الحوض اليي يخلط لك بقايا الأكل .. مرررررررررررة نفسي اشتريه واركبه في بيتي.

طبعاً كل شي رح اشتريه من جدة . غسالة صحون وفرن وتلاجة وغسالة ونشافة .ومكنسة كمان خخخخخخخخ.

ايش عندكم كمان .

أما الوزن طفشششششششششششششششت . وطول الستة سنين وأنا أحاول ووزني ماشاء الله ثابت .

وحدة تقولي طيب انك محافظة :(

ياريتني محافظة على رشاقة .

لي عودة قريبة إن شاء الله .

جزاكم الله خير حمستوني .

شكله دوري في الكسل ...........هههههههه
وهالشهر شريت مفرش سرير من تارقت بمخداته والتنورة المكشكشه وكل شيء وشريت من قسم الديكور بتارقت للاطفال اشياء حلوة انصحكم فيه .

حمرة الورد
يعني بعد الايستر يخفضوا ثياب المناسبات لان حقاتهم حلوين مرة وسعرهم رخيص ///بس بستنى بعد الايستر على شورك وهداية الله .

مكياج ماك ليسا ما شريت منه للان يبغالي احدد ميزانيه محترمه //الشهر الجاي ان شاء الله .

ام ريوف
تقدري تعملي عكس ريجيمنا مثلا ركزي على الاكل في الليل وخصوصا معجنات وبيتزا ودونت ///الله اشتهيت اكل ههههههههه
واجدد عطوري هي dkny be delicious
cartier delices de
والله حلوين مرة واللي من كارتير يثبت اكثر من الثاني.
وما يشوفوا شر الكتاكيت .

دانه
يالغلا متى نزلتكم ؟؟من اللحين رتبتي الاغراض في كراتين ؟؟
وبالنسبه للرجيم اضيفوا نص ساعه مشي ضروري (النفسيه تتغير للاحسن )

Fresh Milk

عساكي على القوة وما شاء الله
بالنسبه لبرنامج العنايه
يوميا اشرب حبه فيتامينات والاكثار الفواكة والخضروات عند الجوع (تنفع للبشرة)
ولالالالالالالالا للشكولا (قطعتها من شهر او اكثر)
واشتريت حبوب كولاجين طبيعيه من الصيدليه تنفع للبشرة والاظافر والعظام (بس طعمها مو مرررررة)
هذا اللي عندي وان شاء الله البنات يفيدونا بافكارهم .