السلام عليكم ورحمة الله
انامادخلت بهالقسم الا وابي كل وحده تستفيد من قصتي وتجعلها عظه وعبره
حبيباتي بنات حواااااء انا بقولكم بقصتي اللي دمرت نفسيتي
انا الحمدلله بنت محافظه ولله الحمد مصليه وخاف الله ولا أزكي على نفسي لكن ماننكر ان فيه شيطان يجري في ابن ادم مجرى الدم انا كنت ابتعد عن كل مايقرب للعلاقه المحرمه وكنت اكره هالسيره وكنت اسمع البنات اللي لهم علاقات واقول في نفسي الله يهديهم لكن انا وقعت في هذي العلاقه عن طريق لعبة البلياردو وهذي اللعبه يجتمعون فيها من كل جنس في العالم بنات وعيال ويلعبون مع بعض ودردشه انا لأسف دخلت اللعبه ولعبت وماكنت ابد اسولف مع احد وكنت دايم ادخل للعبه وانا واثقه من نفسي اني ماراح اسوي الحرام لكن اغواني الشيطان باحد من الشباب وتعلقت فيه تعلق مو طبيعي وحتى هو وطلب مني الايميل وكنت يومها متردده لكن عطيته ايميلي وانا خايفه استمرت العلاقه شهر ونص وكل يوم اكلمه اقوله هذي اخر تواصل بيني وبينك وابيك تحذفني المهم كل يوم يزود فيني الشوق وارجع اتواصل معه عالماسن وانا خايفه من الله واقول في نفسي الله قاعد يشوف ويسمع اللي نقوله لكن الشيطان يلهيني كنت دايم اصلي الليل وادعي ان الله يصرفني عنه ويصرفه عني لأني اتعذب في اليوم الف مره بس اشتاق له وارجع كل يوم على هالحاله اتوب وارجع لين سبحان الله يوم الجمعه في اخر ساعه من العصر دعيت الله بكل قلب انه يصرفه عني ويصرفني عنه بكيت وبكيت خوف من الله ورجا منه انه ينصرني عن الحرام والحمد لله يارب امس كانت لنا اخر لعبه مع بعض وبعدها رسلي على البريد ويقول خلاص علاقتنا بحط لها حد وخط احمررررررر لأني ماستاهلك انا شخص مو زين وفيني وفيني وانتي بنت الف من يتمناك ومحافظه واخلاق وا وانا انسان لعاب واتمنى انك تسامحيني من قلبك
تدرون ليه يابنات لانه كان يبني اسولف عن الجنس وانا ارده واقول كل شي له حدود وانا ماني مسولفه معك بهالاشياء ويعلم الله اني بس كنت اسولف عن الحياة عااااامة ولا اتطرق له الاشياء ودايم ارده
يقول عشان كذا انبني ضميري انتي انسانه عن ميه رجال
القصه سردتها لكم ابيكم تستفيدون مني
1-انكم ماتدخلون مواقع والعاب مختلطه مهما كانت البنت واثقه من نفسها الشيطان مامات ويجري مجرى الدم
وانا اكبر دليل
2-لكل بنت لها علاقه بشاب تقطعها لان والله العظيم مااقترب منك الا وفي نفسه غرض
كلهم مثل بعض وقلوبهم مرض ومايقترب منك شخص الا وفي نفسه غرض
3-ابيكم تدعون لي بالهداية والثبات انا الحين تبت لله ويارب يقبل توبتي
انا خسرت كل شي عشان انسان عاااادي مخلوق زيه زي غيره
خسرت رضا الله ووالديني اللي واثقين فيني اشدالثقه وخسرت احترامي للنفسي
قال تعالى"قل ياعبادي اللذين اسرفوا على انفسهم لاتقنطوا من رحمة الله ان الله يغفر الذنوب جميعا انه هو الغفور الرحيم"
الحمدلله فيه رب نتجه له ويغفر لنا الذنوب
حنيني لنفسي @hnyny_lnfsy
عضوة جديدة
يلزم عليك تسجيل الدخول أولًا لكتابة تعليق.
توي متزوجه
•
الله يوفقك
الله يثبتك
الحمدلله إنك تركتي هالطريق وتأكدي إنك اذا كنتي صادقه في التوبه إن ربي فرحان فيك وراضي عنك إن شاء الله
الحمدلله إنك تركتي هالطريق وتأكدي إنك اذا كنتي صادقه في التوبه إن ربي فرحان فيك وراضي عنك إن شاء الله
الجيده
•
الله يحفظك ويعفو عنك ويثبتك
أبارك لك هذا التقدم والشجاعه
الحمد لله إنك تداركتي نفسك قبل فوات الاوان
ومن تقرب لله حفظه الله .. المهم صدق النيه والتوبه
أبارك لك هذا التقدم والشجاعه
الحمد لله إنك تداركتي نفسك قبل فوات الاوان
ومن تقرب لله حفظه الله .. المهم صدق النيه والتوبه
الصفحة الأخيرة