الوظيفة أمان لك من بعد الله والزمن هذا مهم يكون في دخل ثاني غير راتب الزوج ومافيها شي لو ساعدتي زوجك وتقاسمتي معاه بحدود طبعا وبرضى منك مو إجبار دام انه قبل مايقصر معاك وارجع اقولك ساعدية ب حدود بحيث انك ماتعطية كل راتبك ويكون الصرف كلة عليك لا كذا اكبر خطأ اما من ناحية الوظيفة انصصصصصحك كملي إجراءات واتكلي ع الله والله يجعلها خير عليك وعلى عائلتك

لا حبيبتي انتي مو جشعه ولا انانيه تفكيرك صح
حلالك وشقاك بيروح للخدم يتهنون فيه
ايش اللي اجي المغرب !!!!!
طفلك متى تشوفينه اذا كبر بترجعين الزمن لورا
حتى يصغر وتتهنين بعمره !!!
زوجك حبيبتي يبي يرجع يلقى زوجه
مو شغاله!!!!
انتي بتفتحين على نفسك ابواب شر
صدقيني وإن ضغطتي على زوجك ووافق على
شروطك بيحقد عليك وتصير بقلبه
على كلامك مرتاحه
تطلعون كلكم وتخلون الخدم يلعبون ببيتكم ويتهنون
فيه الى المغرب ليه وش هالضروره الملحه
الحريم زاحمو الرجال وخربوهم تحت مسمى الوظيفه
(لك وللزمن )صارو الرجال حريم والحريم رجال
افسدتوهم باعتمادكم على انفسكم بشي مش مطالبين
فيه شرعا هم المطالبين مش انتم !!
ياكثر البيوت المعتمده على دخل الزوجه والرجل
بالبيت طبعا لازم يحط رجل على رجل المدام صارت
هي الرجل
يعني لوكنتي محتاجه ووضعك تعبان ومضطره
نقول معليش لكن تحرمين نفسك من حياه هادئه
واستقرار وزوجك ما شاء الله ما يقصر عشان
فلوووس ودنيا وكلام حريم لو تتوكلون على الله حق
توكله لرزقكم كما يرزق الطير
احسنوا الظن بالله حتى بالرزق ويجيكم ما تتمنون

انا اقولك استخيري وتوظفي لكن فلس احمر ماتعطينه
فلوسك هذي لك وهو الي مسوؤل عن كل شي ..

والله لو تركتي الوظيفه بتندمين طول عمرك مهما زوجك كريم صدقيني مو مثل من يكون انتي المسؤله عن نفسك مو لو يطير نص الراتب لو يطير كلو توظفي ماتدرين الزمن وش مخبي لك نصيحه وتركي كلام البنات وربي لو هم لتوظفون بدون اي استشاره الي تقول الوقت طويل والي تقول زوجك طمع ....لخ
المفروض تتوظفين بدون ماتفكري

بصراحة حلو كثير مبلغ 3300 الي بيصفى من راتبك.. ليش معتبرته قليل؟ غيرك راتبهم الأساسي أصلا 3300!
لا تشيلي هم أغلب الموظفات يصفى من راتبهم كذا أو أقل بعد.
والمناسبات ما تصير كل شهر، وأمك وأبوك يستاهلون بس أكيد مب كل شهر بتاخذين لهم شي.
والصدقة تذكري ( ما نقص مالٌ من صدقة)
وبكذا راح تدخري مبلغ حوالي 2000 كل شهر خليه يتحول على حساب توفير ولا تصرفين منه.


أحس زوجك بالغ شوي بس بشكل عام صح كلامه.. إن الزوجة الموظفة تشارك في هاذي المصاريف لأن هي أساساً محد جابرها إن تتوظف.
ما يصير تتوظف على حساب أسرتها وتقضي نص يومها بعيد عن الأطفال ويكون لها دخلها الخاص وبعد ترفض تشارك فيه.
انا كذا أشارك في مصاريف البيت والروضة.. و راتب الشغالة متفقة مع زوجي 6 شهور عليه و6 علي.
والحمد لله الحال ميسورة بفضل الله ما أقصر على نفسي حتى شريت لي سيارة كاش وسافرت كذا مرة وبديت أشتري ماركات.
توكلي على الله وقبلي بالوظيفة وبشروط زوجك والله يسهل عليكم.