مو كأن وقت الدوام طويييل مرة؟ غريبة الوظايف الحكومية عادة لي الظهر وخلاص..

😳دقيقه دقيقه ماترجعين البيت إلا المغرب ؟!!
خلي عنك سوالف اللي يقولون توظفي وماتدرين عن بكره.
يقال الوظيفه بتحفظها من شي مقدره لها الله
اصحي لنفسك معقول بتوظفين وظيفه ماترجعين الا المغرب
متى بتروقين لزوجك وعيالك
لا تقولين انظم وقتي
بترجعين المغرب دايخه حتى كلمه وحده ماتبينها
الرجال بيرجع لبيته يبي زوجته تستقبله
مروقه ومجهزه لهم فنجال قهوه
وقلتها ينسى كل التعب اللي كان فيه
مادري كيف تفكرين تتوظفين ع حساب بيتك
وراحتك
دام زوجك نعم الرجال انتبهي تخسرينه !!
ايه تخسرينه
يمل منك بكره كل يوم راجعه تعبانه
لا اهتمام بزوج ولا عيال ولا بيت
حتى شكلك ماانتي محصله له وقت
تهتمين فيه
لو انك ترجعين 1 الظهر قلنا ممكن
مع ان زوجك الحمدلله موفر لك كل شي
وهذا من واجباته
بالمقابل له هو واجبات عليك
اهتمام بنفسك واهتمام فيه واهتمام بعيالك
وبيتك
مو البيت للخدم وانتي تشقين بالوظيفه
وكل شي بالنهايه طاير
لا طلتي راحه ولا كنزتي شي
خليك من بعض الحريم اللي تبي الوظيفه
على حساب كل شي
لو ظروفك صعبه وعايشه بسلطة رجل ظالم
ومايصرف عليك ولا يقوم بواجباته
كان الوضع تغير
بس الحين انتي بتجيبين المشاكل لنفسك
بكره يطفش زوجك من جلسته لحاله
وبترجعين تعبانه وتنامين وتصحين ترجعين
لشغلك وعلى هاالحال
نصيحه لا تفكرين بها الوظيفه
واحفظي بيتك وزوجك وعيالك

لااااااااااا
لاااااااااا
لاااااااااا
لااااااااااا
انا كنت موظفة بمستشفى الين 5 المغرب
اذا تبين تدين حياتك توظفي دوام طويل
غيرت زميلات
ضغط نفسي وعصبية
نوم وعيال وبينك ماتتهنين فيهم
وش قاردك
وش حادك
الله يشهد على كل كلمة أقولها شديد أرضك وقابلي بيتك وعيش حياتك بلا هم بلا وظيفة
زوجك الله يحفظه لك مستتك ومهنيك الله لايغير عليك


لو هو من الرجال الوحيد الي تلاقيه بالقوة يبي حرمته تشتغل اقول اوكي
بس انتى مالك عذر
وصدقيني سوى سوى بتلاقينك شيلة البيت كله على رأسك وكل المصاريف
ومو بعيد تطلعين قرض من البنك ويستعبدونك باقي عمرك
الوظيفة الي زي كذا اعتبرها فخ من برا مغري ومن الداخل قطعه من الجحيم

يا عزيزتي الوظيفه أمان لحياتك فهتمي علي ،، ولو حصلتي اقل وقت يعني الى المغرب شوي طويله لكن هل زوجك المغرب في العادة يتواجد معك في البيت او يكون برى البيت اذا برى البيت
وزوجك لما حكا هالشي انا معاه في بعض الحكي نفس مصروف الحضانه بالنصف انا معاه في هالشي لكن تقدرين تقولين له مصروفي الشهري تعطيني اياه لان مصاريفك بعد الدوام بتزيد من فطور وغدا فمصروفي الشهري يمشي وهذا حق مشروع لي وواجب عليك من رب العالمين ( وهو معروف ولو تسأل اي علامه بيقلوك انه انت مسؤول عن مصروف زوجتك حتى لو كانت هي غنيه وانت فقير ) وانتي تقدرين تقولين له المفروض تفرح ان زوجتتك موظفه للاسباب التاليه :هل تظمن ظروفك مستقبلاً وهل تضمن صحتك وهل تضمن حياتك بعد عمر طويل اقلها لو حصل لك ظرف رح تطمن انه عندك زوجه تقدر تأمن مصروفها ومصروف عيالها ..
الرجال الان يفرحون ان زوجاتهم موظفات لانه يفكر في مستقبل عياله من بعده والاعمار بيد رب العالمين وما يندرى من يحيى ومن يموت لكن لازم تكون نظرتك مستقبلية ..
موضوع الحضانه نصفه عليك ونصفه عليه ما الومه لانه اذا توظفتي رح تكثر المصاريف خصوصا مصروف الحضانه ..
لكن المصروف الشهري لك ولولدك وكسوة الاعياد هذي مجبر عليها وهذا حق من حقوقك ومن الواجبات عليه
وفي النهايه يا اختي حياتك هذي استخيري وقرري والله يوفقك

عن نفسي لو مكانك لا والف لا ماتوظف كل الي ابي القاة خلاص وش لي بتعب