فرحتوني بردودكم الله يسعدكم ويبعد عنكم كل هم ونكد..
عادي بعد ماكبرت وصرت بثانوي واختي الكبيرة بالجامعة عرفت من أقاربي أنه كثيرين تقدموا لخطبتي ومن ضمنهم ابن خالتي فطبعاً أبوي وأمي مرا زعلوا وكيف انه ممكن يجي نصيبي قبل أختي الكبيرة..فصارت أمي تحاول تحطمني قد ماتقدر في شكلي في أخلاقي لا وكمان قدام أخواتي وبالذات قدام أختي الكبيرة عشان ما تحسسها اني أحسن منهاأو أجمل من شان مايجي في بالها انه الناس ماتقدموا لي الا عشان كذا..وربي يشهد انه في داخلي ماكنت اتمنى هالشيء يكون وكان ودي الناس يخطبوا أختي الكبيرة ولا يخطبوني..لكن تجريح أمي لي آثر فيني لهالوقت..والله اني ماعندي ثقة بنفسي كان البنات يقولون انك جميلة وانك حلووة..ولما أناظر نفسي في المراية ماأذكر الا كلام امي عني وتريقتها بشكلي..طبعاً مثل ماقلت لكم ولد خالتي كان يبيني وصرح لأمه ولخالاتي بهالشيء..فطبعاً كلهم وقفوا بوجهه وكيف انه يتقدم لي مايتقدم لأختي الكبيرة وخاصةً أصغر شقيقات أمي كانت فتانة وتحب المشاكل صارت وراه تسبني واني ماانفع أكوون زوجة وان أختي أحسن مني وصارت تحاول تقنعه لكنه رفض وانا والله مو مدح في نفسي لكن والله اني كنت أحاول أخدم الصغير والكبير وماكنت أقصر في اني اساعد أمي وأخدمها وأخدم أهلها اللي هم أخوالي والحمدالله الكل يشهد لي بهالشيء...لكن مع ذلك صارت خالتي تدور على أي عيب عشان تنقله له..مشيّت كل هالكلام ألين جاء اليوم اللي تقدم لأختي عريس وفي نفس الوقت مرت خالي عرضت على خالي انها تخطبني لأخوها فقامت خالتي الصغيرة وتدخلت في الموضوع وقالت لا هذي محجوزة لولد أختي وأنسي تخطبيها..طبعاً هنا انا زعلت ورحت لأمي وقلت لها بأي حق تتكلم على لساني وتقول اني مخطوبة وانا لسا ماأنخطبت لولد خالتي وقبلها تقول لولد خالتي أصرف النظر عنها ولا تتزوجها أيش قصدها بهالكلام تبي تشوه صورتي وتحرمني اني أتزوج...تدرون أيش سوت أ مي؟؟ رجعت صفقتني ودعت علي وليش تتكلمين عن خالتك بمثل هالكلام وأنتي ماتستحين..وصارت تصيح وانا أحاول أفهمها وش قصدت من كلامي وهي تصيح وتدفني وتدعي علي بالدعاء والله اني إذا افتكرته يقشعر بدني.. ومو بس كذا جلست كم يوم ماتكلمني.. طبعاً أبويه في هالفترةأنشغل عنا بتجارته وسفراته..ولاأخفيكم أني كنت مترددة من ولد خالتي ومن زواج الأقارب ومشاكله..لكن مع ذلك كنت اذا رحت لأمي وقلت لها اني مترددة ومدري أوافق ولا لا تعصب وتقول خلاص لاتوافقين ربي بيبدله خيراً منك..فمرة قلت لها عشانه ولد أختك تدافعين عنه..وقامت دعت علي انه ربي يوليني باب النكد لوتزوجته..ومايهنيني معاه..:44:
ماكنت أقدر أتكلم ولا أعبر عن مشاعري وخالاتي لما عرفوا اني مترددة جلسوا يدعوا علي ويقولون والله ماتستاهل ظفره ايش يعني شايفة نفسها والله لو احنا منه مانناظر فيها وراح يلقى له أحلى منها وأجمل..طبعاً أبوي لما جاء من السفر ولأول مرة تكلم معاي بهدوء وسألني عن رأيي في الموضوع فخبرته برأي فصار يمدح لي ابن خالتي وقال لي كلام ريحني وتمت الخطوبة...طبعاً بعد الخطوبة حقرتني امي عند أهل خطيبي(اللي هي خالتي) اذا جابوا لي هدية عشان نجاح ولاعيد تجلس تقول ماله داعي وهي بنتكم ومو لازم هذا كله ولما جووا يبنوا بيتهم وخصصوا لي شقة في البيت أمي بغت تتقطع وصرت تقول لهم كيف تكلفوا على نفوسكم والله يجزاكم خير وكلام طويل...يعني بإختصار حسستهم أنه مالي قيمة وأنهم أحسنوا فيني..طبعاً ذيك الفترة أختي اللي أصغر مني أنخطبت وتحدد زواجها قبل زواجي فأنا قلت لأهلي خلاص أنا بعد زوجوني في نفس سنة أختي ولا خلوونا في نفس السنة..طبعاً أهلي خاصموني وقالوا خلاص نصيبها جاء أيش نسوي..أنتي عادي تزوجي بعدها..قلت لهم طيب انا لما جاء نصيبي قبل أختي الكبيرة رفضتم تزوجوني وقلتم تتزوج هي وبعدين أنتي..وألحين تزوجوا أختي الصغيرة قبلي وين العدل...أيش كان رد أمي لي انتي جميلة عادي بيجيك نصيبك...ساعتها حسيت انه النعمة ممكن تكون نقمة واني جالسة أتعاقب على شيء مش بيدي أو أحتكرته لنفسي..:(
يتبــــــــــــــــــــــع
الصفحة الأخيرة
الله يفرج عليك وعلى خواتك يارب