ياب نات انتو واثقين من الدكاتره اللي رحتو لهم
انا استعملت الحبوب 3 سنيييييييييييييين و ما حصل لي شي من اللي اشوفه من البنات يعني لا عيوني تأثرت و لا شعري تأثر و اكلي كان عادي اصلا الدكتور ماقاللي شي عن اكلي قاللي خذي راحتك
و بعدين بالنسبه لحبوب الدوره بتطلع وحده والا ثنتين مو مشكله بس اكيد مو زي قبل العلاج
اما الاخت اللي قالت انها استخدمت اشياء طبيعيه و فادها اكيد اختي انت حب الشباب اللي كان عندك من النوع العادي اللي سهل علاجه لكن في بعض انواع حب الشباب ما ينفع لها الا العلاج من الداخل لانه يكون في سبب بالداخل لهذي الحبوب
انصحكم اخواتي ترى هذا العلاج ماهو بسيط اضراره كثيره اذا ما حذرتم لا تروحون عند اي دكتور و تستعملوه لازم يكون دكتور معروف بشطارته و خبرته و اذا اي وحده منكم تشوف ان درجة دهنية بشرتها بسيطه لا تستعمله لان هذا العلاج للناس اللي عندهم افراط في نشاط الغدد الدهنيه فبالتالي يقوم هذا الدوا بتقليل نشاطها تتدريجيا لحد ما تبطل تفرز دهون كثيره
و سلامتكم

أنا أستعملت هذا العلاج مدة ثلاثة أشهر عند دكتور معروف أسمة دكتور حرب وكنت أعاني من حب شباب ودمامل وآثار حب الشباب وكان وجهي مسبب لي حالة نفسية بس بعد العلاج أختفت كل الحبوب والدمامل وتوحد لون بشرتي وصفت وجهي كثير وأختفى حتى الزيوان وصار وجهة كلة قطعة وحدة أنا أنصحك اختي تواصلين العلاج عند دكتور معروف وغريبة ان الدهون ما جفت انا من شدة الجفاف كنت استعمل قطرة للعين ويومياً أدهن شفايفي بالفازلين لان الجفاف كان فضيع وحتى الشعر يجف بس كثري أختي من شرب الماي عشان تعوضين الجفاف وأكلي كان طبيعي بس نصحني الدكتور تجنب أكل الحلويات والنشويات بكثرة ونصحني بالأكثار من الخضروات والفواكهة مدة العلاج نصيحتني إذا كان موجود عندكم الدكتور حرب توكلي على الله وتعالجي عنده لان عيادته لها فروع بالبحرين والسعودية وعطاني كريمات خاص بحب الشباب وواقي لأشعة الشمس وعطاني كريم فتح بشرتي ومقشر حق آثار الحبوب ووجهي الحين الحمدلله تحسن بنسبة 80% .

هلا عنوووده ...

حتى انا الدكتورة قالتلي اخذي الحبوب بعد الاكل .. بس طبعا موب اي اكل .. لازم يكون خالي من الدهون
قدر الامكان ... تسلمين عزيزتي عالتواصل ..

عاشقة الرياض ..

ويهي وبشرتي وعيوني وشفايفي جفوا بطريقة فظيعة .... بس موب هني المشكلة ... المشكلة انه الدهون
اللي بدمي بعدها مرتفعة ..... اما تأثير الحبوب ظاهريا فحدث ولا حرج ! مثل ما قتل لج كل شي جف لدرجة
انه شفايفي ساعات تنزل دم من كثر الجفاف !!!

وتحياتي لج الغالية .


المعلمة سوسو ..

ايه واثقة باذن الله من هالدكتورة والضمان من رب العالمين...
قعدت سنتين أسأل عنها وأتابع علاجها لبعض اللي اعرفهم ..
وشفت النتيجة على ويوهم .... شي ولا في الخيال والله !
وما سرت لها الا بعد ما صليت استخارة .. وشهريا اسوي فحص للكبد وكل شي تمام وبشرتي بدت تستجيب
للعلاج ... بس هي سالفة الدهون اللي بالدم موب عارفة كيف انزلها عشان اكمل كورس العلاج ... لأنه هالحبوب
أساسا ترفع نسبة الدهون فلازم تكون منخفضة عشان ما ترتفع زيادة وتتعارض مع العلاج !

ما عندج طريقة تقلل نسبة الدهون في الدم ؟!!
والله يسلمج من كل شر يا رب .

كندوشة ...
هلا عزيزتي .... كل اللي قلتيه صار لي ... كل شي في جسمي جف ... واشرب ماي واااايد .. واستخدم الواقي ..
بس بعدني ما وصلت لمرحلة التقشير ... وان شاء الله اوصلها على خير وافتك من هالحبوب ....
بس قوليلي يالغالية ........ بعد العلاج لاحظتي انه البشرة تفتحت مساماتها أو سوت حفر ؟!!

تراني خايفة من هالنقطة بالذات ......... الله يخليج طمنيني ... ويزاج الله كل خير .


انزين بناااااااات ....

شو رايكم في الميرمية ؟؟؟؟؟ سمعت انها تنزل الدهون ........... هالكلام صحيح وللا لا ؟؟

اللي تعرف ترد علي وربي يجازيها كل خير .....

وسلامتكم والله يعطيكم العافية .

اختي كندوشة

انا سمعت عن الدكتور حرب بس صراحة تخوفت اني اروح اليه والحين انتي شجعتيني على العلاج عنده انا مشكلتي هي عندى حبوب عند الذقن كل الوجه نوعا ما اوكي بس منطقة الذقن حبوبها كثيرة وروسها بيضاء واذا خفت تصير حمراء وتترك اثر بني وجهي ليس بهذا السوء ولكن خاطري يصير صافي وبشرتي بيضاء جدا ولهذا الاثر يبين رحت دكتور صراحة ما نفعني وتعقدت من هالمشكله

ياريت اختي اذا مافي كلافه واذا مافي زحمه تذكرين العلاج بالتفصيل الممل علشان استفيد منك وياريت اسعار الدكتور او كلفك كم وشنو كتب لك من كريمات شجعتيني اتعالج عنده كلامك يبعث الامل في

وهل هو دكتور حرب الذى في البحرين

ياريت تردين بسرعه ويجعل وجهك صافي طول العمر بالايمان وطاعة الرحمن

طيب بناااات بسأل شنو نوعية كريم الاساس اللي نستخدمه في حالة تقشر البشره

الكومباكت؟ والا غيره

واي ماركة افضل؟؟؟؟

عارفين نضطر نحضر عزايم ومناسبات فلازم نكون على سنجة عشره

بلييييييييز جاوبوني:06: