كندوووووووشه حبيبتي مشكوووره على التفاصيل
ياليت تجاوبين على سؤالي السابق بالنسبه للفاونديشن:06:
عنوووده
•
الصفحة الأخيرة
المسامات كانت مفتوحة طول مدة العلاج عشان الدهون تطلع من البشرة وخصوصاً مع حبوب الروكتان هي نفسها تفتح المسامات مثل حول منطقة الأنف عشان الزيوان كله يختفي وبعد العلاج البشرة بترجع تتسكر مساماتها من غير شيئ سبحان الله والحفر والندب الحمدلله ماشفتها لاني تعالجت بسرعة اول ما قب وجهي بالحبوب طرت على الدكتور على طول وكل ماكان العلاج اسرع كان افضل لان الحفر والندب ما لها علاج ابدا وتم معاك طول العمر حتى الصنفرة ما تفنع معاها .
هلا وغلا بأختي فلة البحرين ...
نعم هو نفسه دكتور حرب اللي موجودة عيادته عندنا بالبحرين بشارع سند وللأمانه يعتبر هو أفضل دكتور جلدية وله فروع في السعودية والعلاج عنده مكلف نوعا ما لان الكريمات والأدوية اللي عنده ممتازة عشان جذيه اسعارها غالية بس اجرة الكشف 20 دينار و مدته قصيرة ما تزيد عن 3- 4 شهور على حسب نوع الحاله بس تزورينه بالشهر مره وحدة وعيادته مزدحمة تروحين اربع العصر تطلعين عشر بالليل بس كله يهون في سبيل جمال بشرتنا والعلاج بالتفصيل الممل :
الشهر الاول : ( مرحلة التنظيف من الدهون والأوساخ اللي تسد المسام وتكون الحبوب )
1- صابونة باباي يغسل بها الوجه ثلاث مرات باليوم تقتل الفطريات والجراثيم المسببة لهذا الحبوب وتعتبر احسن صابونة بابي استخدمتها لانها ناعمة على البشرة وتصفيها من الدهون من غير ما تسبب جفاف شديد مثل اللي تنباع بالسوبر ماركت.
2- حبوب الروكتان ( وإنشاء الله ما تحتاجين له ) لان اللي ياخذ هالحبوب يجازف بعمره من شدة التحذيرات المكتوبة عليها.وانا حتى الآكتئاب صادني من هالحبوب بس أخذتها بعد ماطمني الدكتور وأقنعني بها وهذا عشان ما اوصل لمرحلة الندب والحفر ما اقدر اتخيل خدودي محفره فنصيحة يا بنات اللي عنهدا دمامل وحبوب كبيرة تروح تعالج فوراً كل شئ إلا الحفر.
3- محلول معقم يمسح به الوجه بقطنه نظيفة بعد التظيف بالصابونة وهو يجفف الحبوب ويقتلها ( مثل المسحة الطبية)
4-كريم خاص بحب الشباب يقضي على الحبوب وينعم ملمس البشرة ويحسن من شكلها.
5- واقي من الشمس بنسبة 20 وهذا استعملته طول مدة العالج وبعد العلاج وصار جزء من حياتي اليومية.
الشهرة الثاني : ( مرحلة التفتيح)
( نفس الأدوية اللي أستعملتها بالشهر الاول بس ضاف لي كريم مبيض ( الدوكين فور) عشان عندي هالات حول العين والمنطقة اللي حول الفم اغمق من باقي الوجة )
والنتيجة خلى بشرتي كلها لون واحد وصفت كثير والكل لاحظ الخدود البيضا والموردة بس محد يعرف السر....
الشهر الثالث : ( مرحلة التقشير)
نفس الشهر الثاني بس ضاف لي المقشر اللي يخلل الحبوب من اعماقها ويقتلها ويقشر البشرة بشكل لطيف وتطلع البشرة الجديدة الصحية.
وبعد العلاج وجهي صار صافي كله لون واحد المسامات مقفلة وملمسه ناعم بعد ما كان كله حبوب ودمامل ودهون ب
السبب اللي يخلى بشراتنا كلها حبوب وكلف ونمش بالذات احنا بالخليج كله من سبب الجو الحار المغبر الرطب وكل يوم له شكل بس مع استعمال الواقي نقدر نتخلص من كل هالمشاكل.
والله ينور وجهك اختي بالإيمان وطاعة الرحمن لنا ولكل البنات الحلوات اللي يهتمون ببشراتهم .