هذا هو الحديث
حدثنا أبو كريب حدثنا أبو معاوية عن محمد بن سوقة عن أبي بكر بن حفص عن بن عمر أن رجلا أتى النبي صلى الله عليه وسلم فقال : (يا رسول الله إني أصبت ذنبا عظيما فهل لي من توبة قال هل لك من أم قال لا قال هل لك من خالة قال نعم قال فبرها وفي الباب عن علي).

و هناك حديث اخر
حدثنا سفيان بن وكيع حدثنا أبي عن إسرائيل قال وحدثنا محمد بن أحمد وهو بن مدوية حدثنا عبيد الله بن موسى عن إسرائيل واللفظ لحديث عبيد الله عن أبي إسحاق الهمداني عن البراء بن عازب عن النبي صلى الله عليه وسلم قال : (الخالة بمنزلة الأم وفي الحديث قصة طويلة وهذا حديث صحيح).

قال الترمذي : حديث صحيح


فلا تتعجبن اذن

أختي الكبيره مبعده عيالها عننا لا يحبونا بزياده ولا يزورونا بعكس عيال اخوي لأننا كنا عايشين معاهم ومربينهم وامهم دايما تقول لهم رحوا لعماتكم يعني يعتمد على الاهل ......
وعيال أختي الصغيره هذولا عيالي اكثر من امهم هم عيوني المركبه

برايي على حسب علاقه الام بخواتها واخوانها واهل زوجها بصراحه اشوف ان الام اذا كانت علاقتها باهل زوجها قويه وزياتها لهم كثيرة يعني اكثر من زيارتها لاخوانها وخواتها بدهيا يكونون الابناء متعلقين بعمانهم وعماتهم .....اما لو كانت زياراتها لاهلها اكثر سيكون الاخوال اقرب من العمان

فعلا سبحان الله الأم لها تأثير على الأطفال وهم يتبعون الأم يعني لو الأم مو قوية علاقتها بأهلها الأطفال بيقلدونها ..
لكن الطبيعي أن الأم تميل لأهلها أكثر والأطفال وراها فطبيعي علاقة عيالها مع خالاتهم و عيالهم بتكون أقوى ..

ياللـــــــــــــــــــــــــــــــــــــــــــه حطيتو ايدكم على الجرح
نخيلو يابنات وارشدوني واقنعوني ان الخوال اقرب لاني للحن مو مصدقه

انا من صغري وانا متعوده على عماتي زيهم زي خالاتي وامي الله يطول بعمرها عمرها ماحسستنا بالفرق بين خوالي وعماني>>> وياليتها ماسوته
الا بالعكس انبدي عماني على خوالي ونقوم ابكل المواجيب وبالمقابل عماتي نفس الشي ايبادلون>>>على فكره عماتي 14 وعماني 16 من اكثر من ام
بس سبحان الله العمات وبناتهم وحريم العيال بينهم اتفاق على كثرهم الحمد لله مع ان بعض زوجات عماني ماكانو يحظرون كل الاجتماعات الاسبوعيه والشهريه الي بينا الا ان عماتي وامي اتساعدو لين انجذبو وصرنا سوى

مرت الايام والسنين وكبرنا وحنى على هالحال
الشقيقات يجتمعون كل اسبوع
والخوات وكلهم يجتمعون كل شهر بالظبط

المهم انا تزوجت ومازلت متعلقه فيهم مره وجبت بناتي ومازلت

لكن بالصيف صعقت من خبر سمعته وهزني وسبب لي ازمه نفسيه اثرت فيني ابشكل كبير
وهي
ان عماتي قررو انه قبل اجتماعنا الشهري باسبوع يكون لهم اجتماع خاص فيهم هم وبناتهم الكبار والصغار
وحريم العيال وحنى يابناتهم والي نشيل اساميهم مع امهاتهم برى عيني عينك

ليش ليش هالحركه
ليش تكون على مرأى ومسمع من الجميع ليش يهدون الي بنوه اسنين طويله
ليش يحطون فجوه بينا
شرهت عليهم
واول يوم اجتمعو فيه قعدت ابكي وابكي من القهر
مع ان هالجمعى مامنها فايده
يعني خصوصياتهم ماراح يتناقشون فيها ابد ولا اعيوبهم لانهم مو شقيقات
صح يحبون بعض بس مو للدرجه هذي وعندي مواقف كثيره اتفها انه اذا سافرة وحده ماتعلم خواتها غير الشقيقات
حتى بنات العمات صارو الحين احزاب مع بعظ عقب ماكانو عصبه مع بنات عمهم
وغيره وغيره قبل كانت تكون لهم جمعه خاصه يالخوات ومايقولون لنا وكان عادي عندنا بس انها تصير ابشكل دوري وعلني هذا الي يقهر

والحين يابنات قولو لي من الي خلط انا وامي .. ولا عماتي الله يسامحهم