أتوقع لأن الأطفال متعلقين بأمهم أكثر بحكم الجلوس معها مدةأكثر من ألاب,, والأم طبعا بتكثر من دخلاتها على أهلها وهي دائما أقرب لأهلها من زوجها لأهله
وبكذا بيتربون بينهم وعلى حسهم

ما أدري هذا اللي طلع معي:D

صح

انا اشوف علاقة الابناء باخوالهم اقوى

والدليل بنتي الحين لما نروح لاهلي ونجتمع مع خواتي حتى انا ماتبيني عندهم خخخخخ

ماشاءالله

وكل يوم تقول ابغى اكلم امي وتقعد سواليف هي وامي

اما علاقتها مع عماتها جدا جدا رسميه

هذا شي طبيعي وملموس من الجميع على الرغم منوجود بعض الحالات الشاذه والسبب لأن حنان الأخوال والخالات أكثر بكثير من حنان الأعمام والعمات حتى أخطاء الأولاد تضخم عند الأعمام والعمات وإذا ضربوا مايرحمونهم بينما الخوال حتى الدلال يدللونهم
أعتقد عشان الحم أقوى من جهة الأم والدليل إنه في حالة حضانة الأطفال ‘ند حدوث طلاق الأم وزواجها بأخر أمها أولى برعاية الطفل من جدته أم أبوه وأيضا الخاله أولى من العمه في الحضانه عند الحاجه لذلك
وكلامكم صحيح مع وجود شواذ لبعض الأخوان واللي أمهم حبيبه والله إنهم مثل روحي وواحد منهم أشك إنه أغلى من عيالي من كثر غلاته ربي يصلحهم ويهديهم كلهم

اذكر دكتورة بالجامعه عطتنا محاضره عن الحضانه

فسوت المقارنه بين الخوال والاعمام

فقالت نظريتها مثلا لو اختي ضربت ولدي ماراح اسئلها ليه

لكن اخت زوجي بزعل وبتحز بخاطري وبحط حد ماتمد يده مره ثانيه

قالت حاجه في النفس مانقدر نغيرها

وعن نفسي عيالي مع اهلي اصلن مالنا علاقه بااهل ابووهم يدووب عمهم اصغر واحد بالثلاث

سنين يمر عليهم ووهو الوحيد الي متذكرينه

وجدتهم ماعمرهم شافو منها ريال الي من ابوهم

بالعكس تعاملهم مع عيال بناتها وعيالهم الي عندهم يموتون فيها

مدري ليه ومااحب اوضح لعيالي بالعكس احببهم فيه بالذكر

واتفه موقف لمن عيالي نجحو اهل كلهم فرحو هدايا حفله لهم

ام زوجي كلمتها عشان الصغار يكلمونها يقولون يبشرونها انهم نجحو

فقالت لي كيف مستوياتهم قلت ممتاز مشاءالله قالت توهم صغار لكبرو نعرف اذا هم اذكياء والالا
بعدها معاد خليتهم يبشرونها

انا عن نفسي علاقتي كبيره بخوالي بسبب انفصال والدتي عن والدي