في البداية أحب أقول لكل شخص عنده هواية ملاحقة البساس (( القطط )) يسوي دليت للايميل لأنه ماراح يعجبه
طبعا البساس اقصد فيه القطط عشان الكل يفهمني خاصة البنوتات اللي مقطعهن الدلع هع هع هع
الصراحه الموضوع اللي بتكلم عنه اليوم موضوع يعور القلب موضوع جعلني اشعر بالقلق لمستقبل البساس في بلدنا
سبب الموضوع جاء بعد سؤال طرحه علي اخوي الصغير بدون أن يعلم مدى تأثير هذا السؤال علي
قال لي
اخوي الصغير : عملاق ليه ماعندنا مثل هالقطاوه ؟؟
سرحت بفكري وشت اخوي برجلي بعيد عني عشان مايخرب جوي <--- يلعن أم الدفااشه ههههههههه
السبب يا خوان أن ماعندنا قطاوه مثل اللي بالصور هو دفاشتنا للأسف
يعني كلنا يوم كنا صغار أول مانشوف بسه ماشيه على جدارنا على طول وبدون أي مقدمات كل واحد ينقز يدور له شي اللي بعلبة بيبسي واللي بعصا واللي بنعاله ( الله يكرمكم ) ومن قال
ونلحق هالبسه اللي تكره الساعة اللي مرة فيها من هالجدار
هالكلام كان زمان وكنا معذورين مافيه وسائل ترفيه ولا شي أبوي كان جاحدني مايجيب لي سياكل ولا شي يعني يومي كله اقضيه وراء هالبساس اصفق فيهم ههههههههههههههه
لكن تخيلوا قبل فترة يعني بعد ماطلعت البلاستيشن ... مره من المرات انعزمت عند واحد من أصدقائي المهم تعشيت عنده وأنا طالع أدور نعالي (( الله يكرمكم )) ماحصلتهم .. صديقي على طول عرف وينه راح نادى أخوه الصغير قال له وين نعال الرجال ونجلس ندور ندور آخر شي لقيناه فوق الجدار اكتشفنا انه كان يلحق (( قطوه )) فيه
واذكر بعد فيه سالفة عن هالموقف كنا انا وصديقي ومعنا عيال اخوي الصغار وإخوانه الصغار ماخذينهم الحديقة , المهم وحنا جالسين نشرب عصير مرت بسه .. قطوه
أنا اذكر أني كنت اسولف مع الصغار أناقشهم عن النصر والهلال شوي ولا ماشوف احد قدامي كلهم ورا البس واحد منهم يقول لي ليتني اعرف أسوق كان لحقتها بالسيارة < --- خير يابوو طالع تقنص أنت
مثل بعد اذكر سالفة صارت قبل مده
كنت سهران بالبيت على النت كالعادة المهم شوي ولا اسمع صوت صريخ وضرب واحد يقول احشره احشررره واللي يقول اضربه لايروح من عندك
أنا انفجعت قلت يمكن حرامي نازل على بيت جيرانا واطلع من الجدار <--- يمون خخخخخخخخخخخ
إلا وأحصلهم حااشرين بسه بالحوش ويلعبون عليها هههههههههههههه
قالوا لي تعال الحق معنا يارجال بدال هالطفش اللي حنا فيه
تخيلوا ماخذين القطاوه لعبه عندهم
وإذا القطاوه جت تبي أكل ماتشوف غير العصيان والنعال وراها خخخخخخخخخخخخخخخخخخخخخ
اذكر بس انتحرت عندنا بالحارة ههههههههه من جد ترى أتكلم
سالفة هالبسه باختصار أنها كانت كل ماتمر من بيت تأخذ لها كم شوته كم نعال طاير على وجهه كم علبة بيبسي تتكسر على ظهرها
بعد فتره قفلت أخلاقها وخربت الأخلاق من جد وقررت أنها تنتحر
وقفت بنص الشارع السيارة تروح يسار تروح معه يمين تروح معه شوي إلا وهي معلقه بالصدام
خخخخخخخخخخخخخخخخخخخخ نهاية مؤلمه
أتمنى من الجميع توفير متطلبات الترفيه للأطفال وحثهم على عدم العدوان تجاه القطاوه وياليت كل واحد يربي له بسه بالبيت ويجلس يروشها ويدلعها
حان الوقت لنرحب بالقطاوه تمشي على جدارنا وإذا شفنا بسه تمشي على الجدار نمسكها ونعشيها بالغصب حرااام من يوم ماطلعت على هالدنيا وهي بس تتشوت ههههههههههههههههههه
أتمنى أني وفقت بطرح هذا الموضوع
منقول من قروب ليل السهارى ..
من العضو " العملاق "
مساكين هالقطاطوة
مشكورة حبيبتي عالنقل الحلو