لما احس بملل اكل والقهر اني ما اتلذذ بلاكل اكل من غير شعور :(

علاج السمنة والنحافة

بنات انا الصراحه متزوجه وزوجي دوامه شفتات وللحين الله ما رزقني باطفال مشكلتي لما اقعد بالبيت اكل والحره اني اكل وما احس بالطعم يعني ما اتلذذ بس اكل من ضيقت الخلق ابي حل تكفوووووووون وشنو بديل الحلو انا من نوع ادمان حلوووووووووووو

والحره اني اكل وانا شعبانه ياااااااارب ساعدني

تكفووووووووووووووووووون حسو فيني وفهموني :(
15
2K

يلزم عليك تسجيل الدخول أولًا لكتابة تعليق.

تسجيل دخول

big mama
big mama
والله حالي من حالش من تزجت وأنا صايره مكنسة أكل زوجي دوامه صباحي مسائي وماعندي غير الأكل وإذا جاني الحماس قمت سويت نفسي رياضيه ليوم واحد وأوقف شهر
الله يعين الجميع
ام الحلوووووووين
والله يا بنت عبد الغني ان همك هوا نفس همي وكلامك جاء على الجرح تمام ربنا يزيحه عنا كلنا انا كمان جوزي طول اليوم في الشغل وبيرجع يمكن 2 باليل ومع ان عندي اولاد ربنا يخليهم ليا الا اني حاسه بفراغ وزهق حتى من شغل البيت وخلقي ضايق على الاولاد وبطلع كل همي في الاكل وخاصة الشيكولاته حتى ادوية سد الشهيه منفعتش معايا يا ريت حد يدينا حل في الورطة دي ربنا يفرج همومنا كلنا
Dalo0o3ha
Dalo0o3ha
اختي بنت عبدالغني .. العيب مب في دوام ريلج .... كوني واقعية لاتعقين اللوم عليه .. العيب فيج انتي .. وحده اكوله اعترفي بهذا الشيء ... زمان اذكر اني قريت في كتاب ...عن الانسان اللي ياكل من دون شعور او من زعل او من حره فيه هذا الانسان ظالم نفسه وصدقيني مايظلم غير نفسه هو يالس يعاقب نفسه ...

اول شيء عشان صدق تتعالجين .... اعترفي انك انسانه اكوله وانج تفرغين القهر والحره في الاكل ...
بعدين لانفكرين في شيء اسمه رجيم لطالمه انتي ظالمه نفسج .... بالاكل صدقيني انتي تعاقبين نفسج ...

كان العلاج انج تيبين دفتر وتكتبين اسباب ضيقتج لاتستحين اكتبي كل شيء حتى لو زعلانه من ريلج ... كل شيء وبعدين اكتبي الاشياء الايجابية في حياتج كل شيء بعد

بعدين حطي الاهداف اللي لونزلتي ممكن تحقق واكتبي تواريخ الايام بالدقيقه والساعه

وكل ماتتذكرين شيء اكتبي ... صدقيني بتشوفين متعه ماتوصف في ها الشيء ويمكن يخف همج ...

الله يفرج همج وهم كل مسلم يارب

اختج
miss_mahayri
miss_mahayri
انا عكسكم يابنات دوام زوجي طويل وما عندي اولاد وبصراحه ما باكل وقت بكون لوحدي يعني بس يجي باكل معه وممكن افضل للساعه 6 المسا من غير اكل بس طول اليوم بشرب قهوة ومع كدى وزني ثابت 60الى62
jolls
jolls
حبيباتي لا تستسلمون للأكل في التنفيس عن الهموم

و لا تشترون الحلويات و السناكس و تخزنونها بالبيت ترى والله فلوسها حرام لأنها مثل المخدرات تخرب عافيه الجسم و الله بيحاسبنا شنو سوينا بجسمنا و شلون ظلمناه بهل طريقه

شوفو لما تبدون بنظام غذائي تذكرو انه اليوم الأول اهوا اصعب يوم ان تغلبتي عليه خلاص اليوم اللي بعده يكون اسهل و اللي بعده سهالات و شذي الجسم يبطل يحتاج للحلويات و الأكل اللي ماله داعي

قبل تناول أي وجبه تناولي كوب ماي دافي عليه نص عصير ليمونه هل طريقه عن تجربه تخفف الشهيه بشكل كبير

لما تحتاجون للحلويات بعد تناول الوجبه خلي قريب منج العلكه الخاليه من السكر حطيها جدام الكمبيوتر و غرفه الطعام و جدام التلفزيون و حتى في جنطتج لي طلعتي

فوق كل هاذا انفضو الغبار عنكم و سوو شي مفيد بالبيت طالعي كتاب تمشي بحوش البيت إذا عندكم مجال أو حتى لو وقفتي جدامم المنظره و طالعتي جسمج يمكن اغلبكم ناسي شكله و شلون يعتني فيه

حبو نفسكم اكثر و ديرو بالكم من الأحباط لي جا يوم و استسلمتي للحلويات لا تخربون بقيه اليوم بعد استمرو بالنظام مالكم ان اخترب الغدا عوضو بالعشا و إذا تخربط العشا بكره بيكون يوم جديد و يوم واحد بالأسبوع ترى ما يأثر لا تخلون تأنيب الضمير يذبحكم

فوق كل هاذا اكثرو من الدعاء و التقرب من الله و ربكم حميد