لما سافرت شغالتي لا شغاله اهلي ولا شغاله بيت اهل زوجي مافادوني

سلام بناات اكتب وانا مقهوره من وضعي
انا قبل سنتين استقدمت شغاله وساعدتني فكل شي شاطره تبارك الله وسريعه ومرتبه جدا المهم اهل زوجي الكل عجبتهم شغالتي وصارو يشغلوها معهم فغيابي وهي تشتغل لهم كل الي يبغوه وبالمقابل يعطوها مبلغ ولما اروح بيت اهلي الويكند واخذ شغالتي عشان عيالي هناك اهلي يريدوها تغسل ملابسهم وتكوي وتنظف وتطبخ وما يعطوها اي مبلغ الا راتبي انا ويقولو لشغالتي انهم متشاركين بالنص معي وهذا كذب بس عشان شغالتي تساعدهم وانا عادي لانهم اهلي واريد اساعدهم ومرت سنه و٩ اشهر وتغيرت شغالتي بسبب اهل زوجي ورفضت تجي عندي بيت اهلي تقول ما اقدر وشغل وايد او سفروني المهم صرت ما اكلمها واشتدد الكره بيننا لدرجه اني ما احب اشوفها والحين سافرت.. وتعبت انا وشغالة اهل زوجي ما تريد تعاوني فاي شي بسبب عمتي.. وشغاله اهلي امي احسها ما تريدها تشتغل لي او تساعدني الا فاشياء بسيطه.. مع انها فاضيه اكثر الوقت هي وشغاله بيت اهل زوجي.. وانا القانون ما يسمح اجيب شغاله الا اذا كان راتبي فوق١٠،٠٠٠ بالدرهم الاماراتي وانا راتبي اقل وزوجي شغاله اهله باسمه هو..
امي تقول لي اذا تريدي الشغاله تساعدك فغسل ملابسكم اعطيها مبلغ ولما اقولها بعطيها مبلغ تقول لا مب لازم وعادي... دايما امي متذبذبه... واليوم عطيت امي مبلغ للصدقه قالت هذا بحطه معي وبعدين بعطيها للشغاله جزاء غسل ملابسكم..
قلت لها انتي مره تقولي اعطيها ومره تقولي ما يحتاي تعطيها يكفي راتبها تعطيها اختي
قلت لها وشغالتي لما تشتغل لكم كنتم ما تعطوها شي وانا ادفع راتبها.. امي زعلت وردت لي المبلغ.. دايما امي كذي.. قلت لها خلاص حطي المبلغ لها عادي..
وشغاله اهل زوجي عمتي امرتها انه ما تساعدنا فاي شي
وانا الحين شايله هم لاني بداوم وارجع الساعه٣ مدري كيف بسوي بعيالي الصغار لان زوجي موراضي ياخذهم بيت اهلي الصبح يقول ما اقدر اخذهم واجيبهم..
وشايله هم غسيل حمام وغرفتي وغسيل ملابسنا وكوي😩كيف راح انظم كيف..
ثانيا ادري انه عمتي اذا خربت غسالتها راح تقول السبب مني وراح تخلي زوجي يشتري لها غساله جديده نفس قبل ٣ سنوات اختربت غسالتهم وقالو بسببي وكلفو زوجي يشتري لهم غساله..
لا تقولو خذي غساله لج فوق اولا ما عندنا مكان بس غرفه وحده وحمامنا صغير..وصاله صغيره والباقي غرف اخوان زوجي..
شايله هم هم ومالي نفس اكل او انام..
ساعدوني