^ّّ ّ لمحات و سنحات من حياتي ّّ ّ^ ((1 ))

بسم الله وعلى بركة الله

راح ابدى معاكم بمقاطع من حياتي


كان يا ما كان في قديم الزمان لما كنت في اول متوسط وكان المريول الكحلي له طعم (( ما كنت الحسه بس كنا نحس ان احنا صرنا على مستوى عالي اعلى من المستوى الرمادي ))

المهم .. بدات في هذيك المرحله حركة الاعجاب .. وتراني مالي في هذيك السوالف بس الصحبه الطالحه لها دور

المهم خويتي خلود الله يذكرها بالخير ما ادري عنها الحين هي حيه والا ميته لان السالفه هذي بالحيل قديمه قدم الطبيعه

المهم .. خلود هذي نشلت على بنت من بنات الثنوي (( احنا كانت مدرستنا مجمع ثانوي و متوسط ))

المهم .. في الفسحه كنا نفطر واحنا ندور في الممرات. انا ماسكه في يد صاموليه محشيه بكرافت (( المراعي ما بعد طلعت جبنه سائله هذيك الايام اللا تراني وطنيه من حيني ))

المهم .. واليد الثانيه فيها ببسيه (( برضوا ما كنا عارفين شغلانة المقاطعه..لان امريكا هذيك الايام كان لها شعبيه))

ما علينا ..المهم كنت اكل الصاموليه وابلع معها الببسيه وخلود تقول لا ابلعي اول وبعدين اشربي علشان الببسي ينزل لك اللقمه زين وانا اقول لها واحاول اقنعها انه شرب الببسي والاكل احسن علشان الضروس تطحن بسهوله ويسهل المضغ و بالتالي يسهل البلع.
وما بين النقاش والجدال والبلع اللا خلود تفقد القدره على الكلام وتكاد الببسيه تسقط من يدها وتبلم قدام وتقول بصوت ملئه الرهبه (( شوفيها !!!!!!

ناظرت قدام عشان اشوف




وشفتها









لابسه













مريول












رمادي










لفيت على خلود : ايه شفتها . تعرفينها ؟ طلعت خلود ما تعرفها .. بس من هذاك اليوم وخلود تدور على هالبنت اللي في الثانوي وانا معها . وهاتك يا اعجاب . خلود تقول : شوفي يا زين موديل مريولها (( أنيقه )) شوفي شعرها (( روعه )) شوفي طريقة اكلها (( نعومه )) شوفي ..شوفي .. شوفي ..لين ماشفت زين وصارت الفسحه تروح علينا واحنا نعدد مناقب هذي البنت اللي ما نعرفها.

المهم .. في يوم من الايام واحنا في الفسحه وكنت امشي في الممرات مع بنت ثانيه غير خويتي خلود . الحلو في الموضوع انه كان في فمي علكه ولما جيت بافطر عزت علي العلكه . من فين اجيب غيرها . فقمت حطيتها في راحة يدي اليمين وقبضت عليها قبضة الخائف على شيء ثمين ان يسقط منه:09: لا تلوموني كان من الصعب انه تتوفر الممنوعات مو مثل اليوم.

المهم وانا مشغوله بعلكتي اللي في يدي اليمين وببسيتي اللي في يدي اليسار الا ورفيقتي اللي جنبي توقف في خط السير وانا اوقف معها (( طبعا مو احنا قاعدين نمشي سوا ))

اللي حصل بعدين حصل بسرعه. رفيقتي تسلم و تصافح . رفعت راسي . عيوني جت على عيونها.

ايه صح البنت اللي خبلت بخويتي وبي . واقفه قدامنا طلعت تعرف رفيقتي . مو بس واقفه واقفه وماده يدها . الاخت تبغى تصافح:eek:

الشكوى لله ما باليد حيله مديت يدي لها وتصافحنا وكانت العلكه البصمه الاكيده لاعجابي بها

:26:

اشوفكم قي لقاء اخر من شطحات حياتي . والسلام عليكم و رحمة الله و بركاته

.