رحله الى البر
بعد اجتماع مطول قررنا انا وزميلاتي بنات حواء (خالديه وبس &خجولة حواء&ليدي الساهر&وزري منثور&الساحرات الثلاث&صاحبة الامتياز &وحارسة الظلام)
رحله متجهه للبر نستمتع بكل لحضه فيها بعيد عن الازعاج فحطينا حطيه كل وحده الف وخمسمائه وكونا مبلغ محترم وعليكم الحسبه المهم كتبنا كل مانحتاجه بورقه والحمدلله تبارك المبلغ وشرينا خيمتين وماطور والعده من وايرات ولمبات حتى الخشب اللي نثبت عليها اللمبات والغاز ودش وتلفزيون ورسيفر وزل ومساند حتى زاد الاكل شريناه وستاجرنا دينه (سياره كبيره) للاغراض وحملنا ثيابنا وتوكلنا على الله عسينا لين لقينا المكان اللي تحبه قلوبكن والربيع والخير وبنينا الخيام وحده مطبخ والثانيه مجلس لنا بالنهار وبالليل نام ورتبنا الاغراض وشبكنا الماطور والدش ونمنا من التعب ويوم قمنا الصبح الا ليدي الساهر مجهزه الفطور ومسويه القهوه وقومتنا الاخالديه ماتبي تقوم وكبت عليها كاس مليان ماي قامت ويوم جت الساعه 11 الا البعارين اللي ماشاء الله وشربنا من حليب النياق وقامت زري منثور الله يعطيها الصحه وقالت الغداء انا طباخته وسوت الكبسه اللي ماينشبع منها كبسة بر وتغدينا وقيلنا ويوم جاء العصر قامت خجولة حواء وقعدتنا لصلاة العصر وصلينا وجهزت المكسرات والشاي وفرشت برى وزينت الجلسه لين جاء المغرب وشغلنا الماطور وشبينا الضو والحطب اللي ريحته جنن وسمرنا عليها وقامن الساحرات الثلاث وسون حليب بالزنجبيل على الكيف يهبل قالت حارسة الظلام الاشرايكم نجربع قلنا تم ونركم الددسن ونجربع الاصاحبة الامتياز ماشاء الله عليها شافت ذاك الجربوع ونلحقه وراه لين طبت من الحوض وتعورت بس جابته وستنسنا بالرحله وجلسنا 8 ايام ويوم جاء الجمعه قلنا شبعتو نروح للديره قالن نروح ونهد الخيام الابذاك العقرب يقرصني وانا افك الخيمه ويقومن البنات ويشلني لقرب مستوصف والحمدلله طلعت على مسؤليتي بعد ساعتين من الملاحضه ونكمل الاغراض ونحمل ونمشي بس والله رحله خيال كل اللي فيها يهبل ورفعنا الاغراض اللي شريناهن للسنه الجايه بنشد بعد وبتصير الاغراض مخصصه للرحله بس وحطيناها مستودع خالديه وبس وسلامتكم
ما شاء الله عليج ..
:)