لو اهلك وافقو انك تطلقي بس بشرط أطفالك يكونو عند أبوهم

ايش العمل ولو اصريت على رأيي يقولو خلاص احنا مالنا شغل فيكي وانا جاهدت عشان حتى لو في طلاق يكون بودية وتفاهم وبدون مشاكل ومحاكم أنا صبرت سنين كله عشان لا يهددني وياخد العيال وأول ما حصلت فرصة اني اطلق وعيالي معايا أهلي قالو كدا علنا هو في مدينة لوحده دوام  12 ساعة و روضة مين حيذاكرلهم مين حيعتني فيهم وأهله في. نفس مدينتا امه ميته وأخواته عندهم كليه ماحد فاضي لعيالي حتى لو فيه أنا مستحيل أتخلى عنهم أمي تقول لو استحملناهم شهر راح نستحملهم على طول أنا لو مشوار غبته عن بزورتي ينشغل بالي عليهم واحيانا ابكي كمان وماني من نوعية الأمهات اللي مثلا يطلقو ويقولو للاب خد عيالك عشان تتزوج ولا تسافر بعثة الله يخليكم ادعولي أني اطلق في اقرب وقت واحتفظ بعيالي في العادة الطليق يحرم المطلقة من العيال ومحاكم ومشاكل ودحين أهلي اللي همن أهلي يبغو يحرموني منهم ابويا يقول يعني عيالك الماس حتى لو بترول حتى لو كنوز الدنيا ديه كلها همن عندي أغلى من الدنيا وكنوزها