السلام عليكم ورحمة الله وبركاته
عندي مشكلة وارجوكم تردون علي لو بكلمة..
من كم سنه تقدم لي واحد اسمه ناصر وانا كنت اعرف خواته ملكات الجمال في الوسط اللي عايشين فيه وغير الطيبه المعروف عنها..وكان ناصر في اخر سنة جامعة في المانيا ..يدرس تخصص مهندس معماري كمبيوتر..كان اول واحد يتخصص في بلدنا ..وابوه غني وايد وعنده ارض كبيرة ناوي يبني عليها بيوت لكل عياله ...بس المشكله ان ابوه مطلق امه لانها متحررة وايد وهي عايشة حياتها هناك بالطول والعرض..وهو ربته زوجة ابوه الطيبة وايد وايد واللي كانت تاخذ اللقمة من عيالها عشان اتأكل هالناصر.
المهم ان اخت ناصر قالت انها بتخطب اختي اللي اكبر مني واللي فرحت وايد ..بس عند الجد خطبوني انا..وطبعا مت من الفرح .ووافق ابوي وامي وكل اخوتي..وكانت اختي تقول لي (يعني على اقل ضمنتي سفرة لالمانيا كل سنه)لانها تعرف اني احب السفر وايد واني كل سنه متعودة على السفر ..ابوي غني وايد وكريم وايد وايد ...
وطبعا لازم الفرحة ما تدوم..
اتصلت واسألت امي وحدة تقرب لهم اكثر.. عن ناصر.. وعن علاقة امه بأبوه..وقالت لها الصديقة عن اسباب الطلاق وعن صفات الام المتحررة وايد..فخافت امي ..ان لما الاب يموت.. يمكن هالناصر يسافر ويعيش في المانيا عند امه ويستقر هناك...
عشان جذي اتصلت امي في اهل ناصر وقالت لهم انهم مهب موافقين؟؟؟؟
تصوروا؟؟وطبعا انا كنت ابكي وايد وايد ..بس في غرفتي..ولاحظت امي اني ما صرت مرحة مثل الاول واني ما اتعدل واكشخ كل يوم مثل قبل ..وكانت تدعي ربي وايد عشاني..
--(طبعا انا خجوله وكتومه .. ودايما ساكته )
---وبعده بكم يوم بس خطبني جاسم زوجي الحالي والغريب ان ابوي رحب فيه وايد وايد..ابوه بعد غني وعنده خمس بيوت في نفس الحوش بيسكن عياله فيهم..وعنده المحلات والخير الكثير..واخوي قال لي (ناصر زين بس جاسم احسن)وانا قلت في قلبي اني مابي الاحسن ابي الزين ناصر.
المهم تم الزواج . ولم يشترط ابي عليهم اي شيء....وتبين لي البخل اللي فيهم ..هديتي ساعة ب1500 ريال فقط مع ان ابي اهدى العريس خاتم الماص وهدايا مجموعها 40,000 ريال..عايرته فيهم طول ايام العرس..
وطلع انه موظف على قد حاله ..والمصيبة ما يحب ياخذ من حد شي..ولا يستلف ولا شي.
وبعد ما كنت عايشة في عز ونعيم صرت عايشة في نقص وجحيم..صج البيت كان حلو ..بس تمنيت اطلع منه واسكن بكوخ ..بسبب ان هالأم اللي عنده تفتح الباب من غير ما ترن الجرس واتهاوشني على كيفها وهو ساكت ..با قول لكم ليش ؟؟
انا ابي خدامه للبيت لاني ما عرف اطبخ ولان البيت محتاج لخدامة ولاني متعودة على الخدم والحشم...اطلب منه ..يقول لي ان امي ما ترضى ..(احنا ساكنين في فلل منفصلة في نفس الحوش)انزين ..مافيها شي لو جابوا الغده من بيتهم..كانوا يجيبون لنا ويعايرونه ويعايروني اني اكل مال الجاهز ..تصوروا لقمتين ايش بيضرهم لو جابوا لنا ....المهم قال لي لين حملتي باجيب لج الخدامة..ولين جاب لي ...الام قالت انا ابيها لي جيبوا لكم وحة ثانية..وجاب لي وحدة ثانية..وكانت تدش البيت واتهاوشني ليش اتخلين الخدامة نايمه في البيت عندج ..خليها نايمة مع خدامتنا ...وقالت لزوجي لا تاخذ اللحم والدجاج من عندنا ..لازم تتعود تشتري بروحك؟؟؟تصوروا ..عندهم هالأملاك ..ويتصرفون شذي ..وطبعا تراقبني وين رحت ومن وين جيت..وليش ما خذتوا سحر (اخت جاسم) وياكم ..وتحشر نفسها في كل شي ..
وبلاوي سوتها فيني باقول لكم لو حبيتوا..
المهم ان هالسحر وايد حلوة ..وعمرها 15 سنه خطبها واحد ..مين هو؟؟؟؟هالناصر خطيبي السابق....وطبعا وافقوا واشترطوا عليهم انها ما تطبخ ..وانها تروح مدرسة خاصة في الصباح ..وطبعا تزوجوا..ومن بعد ما كانت محبوسه في البيت..صارت اتسافر كل مكان في هالدنيا وتلبس كل اللي تبيه وتصرف على كيفها...
اما انا فما احس بأي شي نحو زوجها..لاني سعيدة بأطفالي وايد وايد....بس المشكله هي لو... لو... لو .. لو كنت متزوجته لكنت سعيدة ..بس انا اكره زوجي وما اسامحه على اي غلط معه
لازم اصارخ في وجهه واحن عليه شوف فلان وفلانه...وهو ساكت ..هل احصل ذنب لما كل يوم احن عليه بسبب اخطاءه واهماله لي وللأطفال ..اهم شي ربعه وامه وابوه..وبعدين انا..تكثر رحلاته وطلعاته ..وانا انقهر واشب في ويهه ..كل يوم...بس هو يحرني بهدوءه وقراءته للقران وصلواته في كل وقت..ايش اسوي؟؟؟
مشاعل22 @mshaaal22
عضوة جديدة
يلزم عليك تسجيل الدخول أولًا لكتابة تعليق.
الاخت مشاعل ... تحية لك ...
انت الان متزوجة ...وعندك اطفال !!! انت تشتكي من حماتك ... ولكن الا تنظرين الى نفسك
انت الغلط راكبك من ساسك لراسك ...
انتي كنتي في وضع مادي ممتاز ...والان الوضع ليس كما كان ...
ولكن من الله عليك بما هو اغلى من كل غالي ...من عليك بزوج قارئ للقرآن ..مقيم للصلاة ..
تخيلي لو ان زوجك غني جدا ..ويخونك ... ويبليك الله بالغيرة عليه ..ماذا ستنفع الاموال في ذاك الوقت ...
تخيلي ان الله ابتلاك بمرض خطير ...كيف سيكون وضعك ...؟؟؟
اسفة جدا على الاسلوب والامثلة ..ولكنك ما زلتي تعيشين وهما آن لك ان تفيقي منه
اعيدي التفكير بدل المرة الف ...والله المستعان
انت الان متزوجة ...وعندك اطفال !!! انت تشتكي من حماتك ... ولكن الا تنظرين الى نفسك
انت الغلط راكبك من ساسك لراسك ...
انتي كنتي في وضع مادي ممتاز ...والان الوضع ليس كما كان ...
ولكن من الله عليك بما هو اغلى من كل غالي ...من عليك بزوج قارئ للقرآن ..مقيم للصلاة ..
تخيلي لو ان زوجك غني جدا ..ويخونك ... ويبليك الله بالغيرة عليه ..ماذا ستنفع الاموال في ذاك الوقت ...
تخيلي ان الله ابتلاك بمرض خطير ...كيف سيكون وضعك ...؟؟؟
اسفة جدا على الاسلوب والامثلة ..ولكنك ما زلتي تعيشين وهما آن لك ان تفيقي منه
اعيدي التفكير بدل المرة الف ...والله المستعان
السلام عليكم أختي مشاعل..
أريد أن أفيدك في مشكلتك .
قال رسول الله صلى الله عليه وسلم(لو أطلعتم على الغيب لاخترتم الواقع)
وقال(عجب لامر المسلم كل أمره خير اذا اصابته سراء شكر فكان خيرا له,وان أصابته ضراء صبر فكان خيرا له)
وكما قيل(القناعة كنز لا يفنى)
وقال صلى الله عليه وسلم ( < لو> تعمل عمل الشيطان)
فيا أختي الحبيبة:
ان الغنى غنى النفس وليس بلاموال ,وعمرهم الرجال ما كانو يقاسو بالاموال والممتلكلت وانما بالدين والاخلاق الفاضلة
قال صلى الله عليه وسلم(اذا اتاكم منترضون دينه وخلقه فزوجوه)
فاحمدي الله تعالى على اخلاق زوجك الرفيعة والتزامه التي قلما نجدهم في هذا العصر,فكممن زوجات تشتكين من سوء معاملةازواجهن لهن(الغضب,والاهانة ووووو)
والحق معاك في انك لم تتعودي على العمل وطبعا سيكون الامر في بدايته صعب ولكن أصبري واترك الموضوع الان ولا تصري علىز وجك
وستجينه بعد فترة يجيبك على طلباتك بأسلوبك الحسن، خاصة عندما يجد أن معاملتك معه لطيفة وأنك تسامحينه ولا تحصين أاخطاءه(كما قالت الاخت ملاك جزاها الله خيرا)
فيا أخيتي:ان أمر سعادتك وراحتك او عدم
راحتك وانزعاجك بيدك ,فأقول لك اسعدي نفسك وريحي حالك واحبي زوجك,واعلمي ان زواجكي منه اكيد هو الخير بحقك,وانت لا تعرفين ما1 سيحصل في المستقبل,ولا تحكمي على سعادت الناس من مظاهرهم
فكم منهم من قبل بالواج فقط لاجل المال والغنى فلم يسعدوا بل انقلبت حياتهم الى مشاكل
وأخيرا أوصيك بالدعاء لكل ما نزل بك أن يريحك منه وكل ماتتمنينه اطلبيه من الله وسيجيبك باذنه
أريد أن أفيدك في مشكلتك .
قال رسول الله صلى الله عليه وسلم(لو أطلعتم على الغيب لاخترتم الواقع)
وقال(عجب لامر المسلم كل أمره خير اذا اصابته سراء شكر فكان خيرا له,وان أصابته ضراء صبر فكان خيرا له)
وكما قيل(القناعة كنز لا يفنى)
وقال صلى الله عليه وسلم ( < لو> تعمل عمل الشيطان)
فيا أختي الحبيبة:
ان الغنى غنى النفس وليس بلاموال ,وعمرهم الرجال ما كانو يقاسو بالاموال والممتلكلت وانما بالدين والاخلاق الفاضلة
قال صلى الله عليه وسلم(اذا اتاكم منترضون دينه وخلقه فزوجوه)
فاحمدي الله تعالى على اخلاق زوجك الرفيعة والتزامه التي قلما نجدهم في هذا العصر,فكممن زوجات تشتكين من سوء معاملةازواجهن لهن(الغضب,والاهانة ووووو)
والحق معاك في انك لم تتعودي على العمل وطبعا سيكون الامر في بدايته صعب ولكن أصبري واترك الموضوع الان ولا تصري علىز وجك
وستجينه بعد فترة يجيبك على طلباتك بأسلوبك الحسن، خاصة عندما يجد أن معاملتك معه لطيفة وأنك تسامحينه ولا تحصين أاخطاءه(كما قالت الاخت ملاك جزاها الله خيرا)
فيا أخيتي:ان أمر سعادتك وراحتك او عدم
راحتك وانزعاجك بيدك ,فأقول لك اسعدي نفسك وريحي حالك واحبي زوجك,واعلمي ان زواجكي منه اكيد هو الخير بحقك,وانت لا تعرفين ما1 سيحصل في المستقبل,ولا تحكمي على سعادت الناس من مظاهرهم
فكم منهم من قبل بالواج فقط لاجل المال والغنى فلم يسعدوا بل انقلبت حياتهم الى مشاكل
وأخيرا أوصيك بالدعاء لكل ما نزل بك أن يريحك منه وكل ماتتمنينه اطلبيه من الله وسيجيبك باذنه
مشاعل22
•
اشكركم على الرد
اختي مــــــــــــلاك2004..والله اني انا اللي كاتبه .. بس انا صريحة وما جامل ..
واشكركي على الرد
ام عماره شكرا على الرد
اختي بشائر الفجر* كلامج وايد وايد حلو ..يا ريت يأثر فيني على طول
اختي rouida شكرا على الرد
ما توقعت ابدا ان الخطأ مني .. وانا ماحبه ..ما قدر ادلعه او انفذ له كل طلباته ..لو كنت ماخذه اللي احبه شان ضحيت بالدنيا عشانه..لو باوعدكم بتطبيق اللي تقولونه ...باكذب عليكم..
طيب لو كان يهاوشني او يخرعني ..شان غصبا عني نفذت له اللي يبيه ...
مادري كيف اتغير بالطريقة اللي انتو تبونه..
اختي مــــــــــــلاك2004..والله اني انا اللي كاتبه .. بس انا صريحة وما جامل ..
واشكركي على الرد
ام عماره شكرا على الرد
اختي بشائر الفجر* كلامج وايد وايد حلو ..يا ريت يأثر فيني على طول
اختي rouida شكرا على الرد
ما توقعت ابدا ان الخطأ مني .. وانا ماحبه ..ما قدر ادلعه او انفذ له كل طلباته ..لو كنت ماخذه اللي احبه شان ضحيت بالدنيا عشانه..لو باوعدكم بتطبيق اللي تقولونه ...باكذب عليكم..
طيب لو كان يهاوشني او يخرعني ..شان غصبا عني نفذت له اللي يبيه ...
مادري كيف اتغير بالطريقة اللي انتو تبونه..
الصفحة الأخيرة
أتوقع وان بعض الظن اثم ان من كتب هذا الكلام هو الزوج نفسه ....:)
وليست الزوجه ....
لماذا ؟!! أنا أقولكم
لأنه كل ما ذكر عباره عن سلبيات الزوجه وأشياء واضحه انها تصرفات خاطئه من قبل الزوجه مائه بالمائه...
طيب لو افترضت ان الكاتب الزوجه فبصراحة أقول....
عفوا عفوا أخيه ....
ليست الدنيا سفر ومرح انما انتي محاسبه وحسابا شديدا على ما تفعلينه تجاه زوجك....
ارضي بحاله كما هو والا اذخبي لأهلك وانتظري العريس الغني وليت كل عريس غني بخلق زوجك كان ياسلام....
عزيزتي ....
زوجك هذا هو الماسه ثمينة نادرة الوجود في هذا الزمن....
وكون حالته على قده فهذا من الله وليس منه فهو يبذل جهده ويكد ويتعب ...
القنــــــــاعة .....والرضا هي ما يلزمك....
ياااااااربي اقري تكفين مواضيع ام يحى شوفي كيف البنات يتلهفون على فعل كل ما من شأنه....
يسعد ازواجهم من ملبس وماكل وقناعه وحركات ...
وتدليل يعني ببساطه حاطين بنات المنتدى ازواجهم داخل عيونهم
لذالك ربي مسعدهم ومسخر لهم ازواجهم ....
عزيزتي تعوذي من ابليس ....
واسجدي لله سجود شكر على هالزوج لأنه نعمه ستسئلين عنها.....
تعالي شوفي كيف ازواج الحريم لو تغلط غلطه وحده والا ماتسوي غدى والا ما تغسل يوم لأنها تعبانه .....
الكم الهائل من الهواش والاهانات ....
بعدين مافيه أحد ملزم بصراحة يرسل لكم غدى او عشا لو منك لو يقطعوني تقطيع....
كرامتي وتربيتي ما تسمح لي ان احد يطبخ لي ولا يصلح لي ولا زوجي شيء....
زوجي ملكي ولا احد يلمس شيء له انه اوكل بيديني والبسه واطبخ له ....
وليه اخلي احد يمكن علي بلقمه ....
الله سبحانه وتعالى خلقني انثى....
اجيد كل شيء واي شيء ما اعرفه اتعلمه عشان خاطر الزوج الي رضاه يدخلني الجنه....
ايما امرءة ماتت وزوجها راض عنها دخلت الجنه ....
بصراحة احس بقهر واعتذر عن كلامي ....
لكنه شيء غريب وما بحياتي قريت عن وحده محسره ومطفشه زوجها وتدور حل ....
بصراحه الله يعينه عليك....